Fréttablaðið - 02.03.2011, Blaðsíða 19

Sögurnar... tölurnar... fólkið...
Veffang: visir.is – Sími: 512 5000
Sprotafyrirtæki
Sölumennskan
er mikilvæg
6
Bókabúð Máls og menningar
Birgjar íhuga
málssókn
2
Gistirými í borginni
Herbergjum fjölgar
en gestum fækkar
4
H E L S T Í Ú T L Ö N D U M
Miðvikudagur 2. mars 2011 – 4. tölublað – 7. árgangur
MEIRI VERÐBÓLGA Í ESB
Framkvæmdastjórn Evrópusam-
bandsins spáir því að verðbólga
verði 2,2 prósent þetta árið og því
yfir viðmiðunarmörkum, einkum
vegna hærra olíuverðs og hærra
verðs á hráefnum. Jafnframt
spáir framkvæmdastjórnin því
að hagvöxtur verði heldur meiri
en áður var spáð, eða 1,6 prósent.
VERÐBÓLGA VEX Í KÍNA
Vaxandi verðbólga í Kína er
helsta áhyggjuefni þeirra er-
lendu fyrirtækja, sem starfa
þar í landi samkvæmt skoðana-
könnun sem bandaríska verslun-
arráðið gerði. Fyrirtækin hafa
ekki síst áhyggjur af því að verð-
bólgan geti af sér launahækkan-
ir. Fyrirtækin segja samkeppni
um vinnuafl í Kína hafa aukist
og verð á hráefni hefur sömuleið-
is hækkað.
TOYOTA INNKALLAR MEIRA
Japanski bílaframleiðandinn To-
yota hefur ákveðið að innkalla 145
þúsund Corolla-bifreiðar í Brasi-
líu vegna eldsneytisleka. Í síðustu
viku þurfti Toyota að innkalla 2,17
milljónir bifreiða í Bandaríkjun-
um vegna galla í bensínfótgjöf.
Alls hefur Toyota þá þurft að inn-
kalla meira en 14 milljónir bif-
reiða víðs vegar um heim vegna
ýmissa galla síðan seint á árinu
2009.
„Áætlun gerir ráð fyrir held-
ur meiri eftirspurn eftir lánum
hjá Íbúðalánasjóði. Það er í takt
við tölfræðina hér síðustu mán-
uði,“ segir Sigurður Jón Björns-
son, sviðsstjóri fjármálasviðs hjá
Íbúðalánasjóði.
Sjóðurinn hefur birt útgáfu-
áætlun ársins. Þar er gert ráð
fyrir að útgáfa íbúðabréfa sjóðs-
ins nemi á bilinu 30 til 38 millj-
örðum króna að nafnverði á árinu,
sem jafngildir 40 til 50 milljarða
að markaðsvirði. Þá er áætlað að
ný útlán nemi 27 til 35 milljörðum
króna, sem er aukning á milli ára.
Sigurður segir fátt koma á óvart
í áætluninni og gerir ráð fyrir að
hún verði uppfærð eftir því sem
á líður árið. - jab
Bættar horfur
á markaðnum
Líkur eru á meiri hækkun á hluta-
bréfamarkaði en með kaupum á
skuldabréfum og vöxtum á inn-
lánsreikningum, samkvæmt spá
Íslenskra verðbréfa um horf-
ur og fjárfestingarkosti á árinu.
Taldar eru meiri líkur á hóflegri
veikingu krónunnar en styrkingu
en það hefur áhrif á ávöxtun er-
lendra og verðtryggðra eigna.
Í spánni segir að innlendur
hlutabréfamarkaður sé þjakaður
af fáum valkostum. Þeir fáu kostir
sem kunni að bjóðast á árinu geti
hækkað nokkuð.
Vitnað er til þess að fjárfesting
og neysla á heimsvísu er á upp-
leið og hafi það alla jafna jákvæð
áhrif á hlutabréfaverð. - jab
Góð kaup í
hlutabréfum
BLOKKIR Í BYGGINGU Íbúðalánasjóður
gerir ráð fyrir bata á fasteignamarkaði
þegar líða tekur á árið. FRÉTTABLAÐIÐ/PJETUR
Allt fyrir fyrirtækið
Kaffivélar - Vatnsvélar - Kæliskápar
Safa og djúsvélar - Sjálfsalar
Sími söludeildar 412 8100 – www.hressing.is
Jón Aðalsteinn Bergsveinsson
skrifar
Fjármálaráðuneytið hefði hag af því að efla við-
skiptavakt með ríkisskuldabréf í samræmi við
aukna útgáfu þeirra. Aukinn seljanleiki bréfanna
á markaði gæti sömuleiðis verið liður í afnámi
gjaldeyrishafta. Þetta er mat Páls Harðarsonar,
forstjóra Kauphallarinnar. Ráðuneytið dró úr við-
skiptavakt með ríkisskuldabréf síðastliðið haust.
„Það var að mínu viti misráðið að draga úr
gæðum viðskiptavaktar þegar ríkið horfði fram
á mikla útgáfu ríkisbréfa. Ég tel allar líkur á að
það fái kostnaðinn af öflugri viðskiptavakt marg-
falt til baka í formi lægri fjármögnunarkostnaðar.
Fjárfestar eru einfaldlega viljugri að kaupa bréf ef
seljanleiki þeirra er mikill. Með þessu gæti ríkið
náð fram umtalsverðum sparnaði. Öflugri vakt
styður einnig við afnám gjaldeyrishafta enda bréf-
in mun eigulegri fyrir vikið,“ segir Páll.
Ríkið greiðir nú um 110 milljónir króna á ári
til fárra en stórra viðskiptavaka sem leggja fram
kaup- og sölutilboð í ríkisskuldabréf upp á sex
hundruð milljónir króna á degi hverjum. Verði upp-
hæðin tvöfölduð og vaktin efld má gera ráð fyrir
að það geti skilað ríkinu verulegum ábata. Miðað
við 120 milljarða fjármögnun á fimm ára kúlubréfi
sem greiðist upp á eindaga þarf krafa bréfanna
að lækka um tvo punkta, 0,02 prósent, til að skila
milljónunum 110 til baka. Lækki krafan meira er
ágóðinn eftir því meiri, jafnvel margfeldi af út-
lögðum kostnaði auk smitáhrifa út á markaðinn.
Gísli Hauksson, framkvæmdastjóri fjármála-
fyrirtækisins GAMMA, tekur undir hugmynd Páls:
„Það er gífurlega mikilvægt að auka veltu og bæta
verðmyndun með ríkisskuldabréf. Það er betra
fyrir fjárfesta þegar viðskiptavökum fjölgar og
vaktir stækka. Fjárfestar verða að hafa trú á því
að það sé seljanleiki á markaðnum svo menn læs-
ist ekki inni þrátt fyrir óvænt tíðindi,“ segir hann.
Gísli bætir við að kostnaðurinn af efldri við-
skiptavakt sé lítill í samanburði við ábatann sem
geti orðið. „Eftir því sem verðmyndun verður
virkari koma fleiri fjárfest-
ar inn á markaðinn. Þeim mun
auðveldara verður fyrir þá að
hreyfa sig á þessum markaði.
Þá munu menn þora að taka
þátt í nýjum útboðum. Ég held
að hundrað milljónir króna sé
mjög lágur herkostnaður miðað
við hagræðið fyrir skattgreið-
endur,“ segir hann og útilok-
ar ekki að ástæðan fyrir því að
ekki sé gripið til þessa ráðs sé
sú að kostnaðurinn sé sýnilegri
á móti óáþreifan legum langtíma-
ábata. „Þetta er eitt af þeim atrið-
um sem eru óáþreifan leg. En ég
tel yfirgnæfandi líkur á að ríkið
fái fjármunina til baka, jafnvel
nokkrum sinnum,“ segir hann.
Sturla Pálsson, framkvæmda-
stjóri alþjóða- og markaðssviðs
Seðlabankans, segir skuldabréfa-
markaðinn hafa sjaldan verið jafn líflegan og nú
um stundir.
„Seljanleiki er eitt en breidd í fjárfestahópn-
um er annað. Við búum í litlu landi og fjárfesta-
hópurinn einsleitur. Það er erfitt að auka dýptina á
markaðnum án þess að stækka hann út fyrir land-
steina. Það gæti hugsanlega bætt seljanleikann ef
við fengjum erlenda aðalmiðlara sem gætu stækk-
að fjárfestahópinn út fyrir landsteinana. En það
er ekki líklegt fyrr en eftir að gjaldeyrishöftum
hefur verið aflétt. Þau eru ákveðin hindrun á að
menn vilji fjárfesta hér,“ segir hann og bætir við
að samningar við aðalmiðlara séu endurskoðaðir
á hverju vori. Þar á meðal verði tekið til skoðun-
ar hvort viðskiptavakt með ríkisskuldabréf verði
efld.
„En svo verða menn að hugsa þetta mjög vel.
Því það er spurning hvort menn vilja hafa risa-
stórar krónustöður í höndum útlendinga eins og
fyrir hrun. Það er einmitt það sem við erum að
vinda ofan af í gegnum áætlun um afnám gjald-
eyrishafta,“ segir Sturla.
Ríkið þarf að efla
skuldabréfamarkað
Hagræðing á markaði með ríkisskuldabréf er óplægður akur.
Gæti skilað hundraða milljóna sparnaði. Þurfum að bíða eftir
afnámi hafta, segir framkvæmdastjóri í Seðlabankanum.
GÍSLI HAUKSSON
PÁLL HARÐARSON