Fréttablaðið - 28.03.2011, Blaðsíða 10

28. mars 2011 MÁNUDAGUR10
REIÐI
662-8318
elsabt@simnet.is
Auglýsing um framlagningu kjörskráa
Kjörskrár vegna þjóðaratkvæðagreiðslu um samþykkt eða synjun laga nr.
13/2011, sem fram fer laugardaginn 9. apríl 2011, skulu lagðar fram eigi
síðar en miðvikudaginn 30. mars næstkomandi. Kjörskrá skal leggja fram
almenningi til sýnis á skrifstofu sveitarstjórnar eða öðrum hentugum
stað. Sveitarstjórn skal auglýsa hvar kjörskrá liggur frammi á þann hátt á
hverjum stað sem venja er þar að birta opinberar auglýsingar.

Eftir að kjörskrá hefur verið lögð fram skal hún liggja frammi á almennum
skrifstofutíma til kjördags. Staðfest eftirrit af kjörskrá má hafa til að
leggja fram.
Þeim sem vilja koma að athugasemdum við kjörskrá er bent á að senda
þær hlutaðeigandi sveitarstjórn. Athygli er vakin á því að sveitarstjórn
getur allt fram á kjördag gert leiðréttingar á kjörskrá, ef við á.
Innanríkisráðuneytið,
28. mars 2011.
ÁFRAM er hreyfi ng einstaklinga sem telja hagsmunum Íslands best borgið með
því að Icesave-lög Alþingis (lög nr. 13/2011) haldi gildi sínu. Auglýsingar og
annað starf hreyfi ngarinnar eru greidd með frjálsum framlögum og vinnuframlagi
sjálfboðaliða. ÁFRAM - Laugavegi 3 - 101 Reykjavík - afram@afram.is
Með lausn Icesave
mun
aðgangur fyrirtækj
a
að erlendu fjármag
ni
opnast að nýju og v
ið
getum borið höfuð
ið
hátt í samfélagi þjó
ða.
„
“
Vilborg Einarsdótti
r, framkvæmdastjór
i Mentors
www.afram.is
Já er leiðin áfram!
ÁNÆGÐUR MEÐ VEIÐINA Þessi veiði-
maður í Sómalíu brosti breitt þar sem
hann bar nýveiddan sverðfisk á bakinu
á markað í höfuðborginni Mogadishu.
FRÉTTABLAÐIÐ/AP
VIÐSKIPTI Íslenska nýsköpunar-
fyrirtækið Northern Lights
Energy (NLE) hefur samið við
breska fyrirtækið Liberty Electric
Cars um að selja rafknúna jeppa
af gerðinni Liberty E-Range á
Norðurlöndunum. NLE mun selja
150 bíla á næstu fjórum árum, en
samningurinn er að upphæð 24
milljóna punda, sem jafngildir
tæplega 4,5 milljörðum króna.
Sighvatur Lárusson, fram-
kvæmdastjóri NLE, segir í samtali
við Fréttablaðið að um sé að ræða
Range Rover-bifreiðar sem séu
útbúnar drifbúnaði frá Liberty.
„Við stefnum á að fá sýningarbíl
hingað til lands fyrir 17. júní og
héðan munum við fara til Noregs
og Færeyja,“ segir Sighvatur.
Hann segir aðspurður að hann
búist ekki við mikilli sölu hér á
landi.
„Ég held ekki að það sé mikil
sala á Range Rover á Íslandi á
næstu árum. Við viljum endilega
selja bíla hérna, en við gerum
ekki ráð fyrir að það verði stór-
sala.“
Sighvatur bætir því við að raf-
bílar séu sífellt að ryðja sér betur
til rúms og mikill áhugi sé hér á
landi. NLE sé þegar með umboð
fyrir nokkur rafbílafyrirtæki.
„Til dæmis Smith, AMP, REVA
og fleiri sem við munum kynna
síðar.“ - þj
Northern Lights Energy fær umboð fyrir rafbíla frá Liberty Electric Cars:
Selja rafjeppa fyrir 4,5 milljarða
RAFJEPPI NLE hefur samið við framleið-
endur um að selja 150 E-Range jeppa á
næstu fjórum árum.
DANMÖRK Hálfíslenskur maður,
Kjartan Poulsen, er nýkjörinn
formaður LDM, landssambands
danskra kúabænda (Landsforen-
ingen af Danske Mælkeproducen-
ter). Fram kemur á vef Lands-
sambands íslenskra kúabænda að
móðir Kjartans sé íslensk.
Kjartan er sagður reka lífræna
mjólkurframleiðslu í samvinnu-
félagi með Preben Lauridsen, en
búið telji 400 kýr og 850 hektara.
Kjartan hefur verið í stjórn
LDM frá 2006 og séð um erlend
samskipti samtakanna. - óká
Hálfíslenskur formaður valinn:
Stýrir dönskum
kúabændum
VIÐSKIPTI Jón Steindór Valdimars-
son hefur tekið sæti í stjórn Fram-
takssjóðs Íslands. Hann er fulltrúi
Lífeyrissjóðs
verslunarmanna
í stjórninni.
Nýverið gekk úr
stjórninni Ragn-
ar Önundarson.
Jón Steindór
er lögfræðing-
ur frá Háskóla
Íslands. Hann
starfaði hjá
Samtökum iðn-
aðarins frá 1988 til 2010, lengst af
sem aðstoðarframkvæmdastjóri,
en seinustu þrjú árin var hann
framkvæmdastjóri samtakanna.
Í tilkynningu Framtakssjóð segir
að Jón Steindór hafi gegnt viða-
miklum trúnaðarstörfum á sviði
atvinnulífs, setið í stjórnum fyrir-
tækja, stofnana og félagas. - óká
Nýr í stjórn Framtakssjóðsins:
Jón Steindór
í stað Ragnars
JÓN STEINDÓR
VALDIMARSSON
LÍBÍA, AP Uppreisnarmenn í Líbíu
náðu aftur á sitt vald í gær tveim-
ur mikilvægum olíuframleiðslu-
borgum, Brega og Ras Lanúf, sem
stjórnarher Múammars Gaddafí
hafði náð úr höndum þeirra fyrir
nokkru.
Þar var framleitt megnið af
þeirri olíu sem Líbíumenn seldu
til Evrópu áður en olíuframleiðsl-
an stöðvaðist að mestu vegna
átakanna síðustu vikur.
Erfitt verður þó fyrir þá að
hefja olíuvinnslu á ný. Erlendir
olíustarfsmenn og erlendir sér-
fræðingar, sem hafa haldið fram-
leiðslunni gangandi, eru flúnir úr
landi. Óvissan torveldar einnig
gerð nýrra olíusölusamninga.
Lið uppreisnarmanna hélt
síðan áfram sókn sinni til vestur,
í áttina að höfuðvígi Gaddafís í
Trípolí.
Uppreisnarmönnum hefur vaxið
mjög ásmegin síðustu daga í kjöl-
far harðra loftárása Vesturlanda
á liðsmenn Gaddafís.
Í gærkvöld hófust harðar árásir,
bæði á höfuðborgina Trípolí, þar
sem Gaddafí hefur höfuðstöðvar,
og á heimabæ Gaddafís, Sirte.
Þetta er í fyrsta sinn sem loftárás-
ir eru gerðar á Sirte.
Átök héldu einnig áfram í borg-
inni Misrata í vesturhluta lands-
ins, ekki langt frá Trípolí.
Norðuratlantshafsráðið sam-
þykkti í gær, átta dögum eftir
að árásirnar hófust, að taka við
yfirstjórn allra hernaðaraðgerða
í Líbíu af Bandaríkjamönnum,
sem ætla þó áfram að taka þátt í
hernaðinum.
Bandaríkjastjórn hefur þó hug
á að draga nokkuð úr þátttöku
sinni, um leið og hún afhendir
yfirstjórnina í hendur NATO.
Barack Obama Bandaríkja-
forseti ætlar að útskýra afstöðu
Bandaríkjamanna í ávarpi til
þjóðar sinnar í kvöld. Þingmenn
beggja flokka á Bandaríkjaþingi
hafa gagnrýnt þátttöku Banda-
ríkjanna í hernaðinum, meðal
annars á þeim forsendum að
Obama hafi ekki borið þátttöku
þeirra undir þingið.
„Við munum byrja að draga
úr þátttöku okkar,“ sagði Robert
Gates, utanríkisráðherra Banda-
ríkjanna, sem frá upphafi hefur
verið efasemdarmaður um gildi
loftárása á Líbíu. Hann sagði
árásirnar til þessa hafa þegar
skilað þeim árangri að hægt yrði
að framfylgja loftferðabanni.
Hins vegar viðurkenndi hann að
slíku banni gæti þurft að fram-
fylgja í nokkuð langan tíma. Hve
lengi það yrði vissi ekki nokkur
maður.
gudsteinn@frettabladid.is
Uppreisnarmenn ná
tveimur olíuborgum
Uppreisnarmönnum vex ásmegin í skjóli loftárása NATO. Harðar árásir hófust
í gærkvöld bæði á höfuðborgina Trípolí og á heimabæ Gaddafís, Sirte. Samið
hefur verið um að NATO taki við yfirstjórn hernaðarins af Bandaríkjunum.
UPPREISNARMENN FAGNA Þeir náðu olíuborgunum Ras Lanúf og Brega á sitt vald í
gær. FRÉTTABLAÐIÐ/AP