Fréttablaðið - 28.03.2011, Blaðsíða 37

MÁNUDAGUR 28. mars 2011 21
Save the Children Iceland
… að tryggja börnum sem búa við heimilisofbeldi stuðning og félagsleg
úrræði við hæfi. Nýleg skýrsla Barnaheilla – Save the Children á Íslandi
leiddi í ljós að úrræðin eru ófullnægjandi.
Við þökkum þeim þúsundum einstaklinga sem skrifuðu undir áskorunina á
www.verndumborn.is. Það er á ábyrgð okkar sem samfélags að bregðast
við ef minnsti grunur er á að barn búi við óeðlilegar uppeldisaðstæður.
Ekkert barn á að alast upp við heimilisofbeldi
Þúsundir skora á yfirvöld …
Birting ágrips vegna töku
hlutabréfa Össurar hf. til viðskipta
á NASDAQ OMX Iceland
Laugavegur 182
IS 105 Reykjavík - Iceland
Sími/Tel: +354 525 2800
NASDAQ OMX Iceland hf. (Kauphöllin) hefur birt ágrip vegna töku
hlutabréfa Össurar hf. (kt. 560271-0189) til viðskipta í dag, mánu-
daginn 28. mars 2011.
Ágripið er á ensku og var birt í markaðstilkynningu þann
25. mars 2011, sem nálgast má á heimasíðu Kauphallarinnar:
http://www.nasdaqomxnordic.com/Frettir/Markadstilkynningar/iceland/
Heildarfjöldi hluta í Össuri hf. er 453.750.000.
Allir hlutir eru í einum flokki og jafnréttháir.
Viðskipti með hlutabréf Össurar hf. verða sem fyrr í íslenskum krónum og eru
þau gerð upp með sama hætti og áður í gegnum Verðbréfaskráningu Íslands hf.
Reykjavík, 28. mars 2011,
NASDAQ OMX Iceland hf.
FRÉTTIR VIÐSKIPTI ÍÞRÓTTIR LÍFIÐ UMRÆÐAN
MÁ BJÓÐA YKKUR MEIRI VÍSI?
Stærsti frétta- og afþreyingarvefur landsins.
Leikhús ★★★★
Strýhærði Pétur
eftir Julian Crouch & Phelim
McDermott
Leikarar: Hilmir Snær Guðnason,
Halldóra Geirharðsdóttir, Þórir
Sæmundsson, Halldór Gylfason,
Hallgrímur Ólafsson, Kristín Þóra
Haraldsdóttir, Hallur Ingólfsson
Leikmynd og búningar: Halla
Gunnarsdóttir Lýsing: Björn
Bergsteinn Guðmundsson Hljóð:
Thorbjörn Knudsen Leikgervi: Elín
Sigríður Gísladóttir Þýðing, tón-
listarstjórn, útsetningar: Hallur
Ingólfsson Leikstjóri: Jón Páll
Eyjólfsson
Mikið er nú gaman í leikhúsi
þegar það er gaman!
Við sem ólumst upp með litla
kverið um Struwwelpeter, eitt-
hvert merkasta uppeldiskver
nítjándu aldar og lengi fram eftir
þeirri tuttugustu, fundum hvernig
gömlu hryllingsmyndirnar komu
aftur upp í hugann.
Borgarleikhúsið býður upp á
mikið ævintýri í Litla salnum. Á
föstudaginn var þar frumsýning
á heillandi hryllingssöngleik sem
byggir á litlu barnabókinni um
Strýhærða Pétur (sem ég held að
hafi aldrei verið þýdd á íslensku)
leiknum á sex litlum sviðum
meðan áhorfendur stóðu þar sem
leikarar eru vanir að sýna listir
sínar.
Á einu sviðanna er hljómsveit
sem með söng og hljóðfæraleik
kynnir okkur fyrir þeim pers-
ónum sem koma við sögu á hinum
sviðunum. Myndskeiðið þegar
hinn grimmi kemur og klippir
puttana af óþekka stráknum sem
getur ekki hætt að totta á sér fing-
urna er ein af þessum klassísku
barnamyndskreytingum sem allir
þekkja.
Allir vilja eignast börn og gott
heimili, en börnin verða að vera
góð! Þau sem hætta að borða
deyja úr hungri. Þau sem vega
á stólnum, rífa í dúkinn og ryðja
öllum borðbúnaðinum með sér í
gólfið fá hnífapörin í búkinn og
deyja. Þau sem sjúga á sér fing-
urna eða klippa ekki á sér negl-
urnar missa fingurna og þeim
blæðir út. Þau sem eru ekki þakk-
lát þegar foreldrarnir ofdekra þau
með gjöfum, ja þeim er hreinlega
bara stútað og þau sem leika sér
með eldspýtur brenna inni. Öfga-
fullur og hnyttinn boðskapur
læknisins Hoffmans sem 1845
skrifaði bókina í ljóðaformi og
færði syni sínum í jólagjöf fór
sigurför um álfuna og nú fyrir
nokkrum árum dustaði hljóm-
sveitin The Tiger Lillies rykið af
heftinu og samdi óperusýningu
sem unnið hefur til margra verð-
launa. Hallur Ingólfsson þýðir hér
verkið og leiðir tónlistarmennina.
Hilmir Snær Guðnason birtist í
líki hins grimma sem jafnframt
segir söguna og er eins konar
kynnir í verkinu um leið og hann
er áhrifavaldur. Í upphafi stafaði
nokkur ógn af þessari persónu en
svo var eins og hann mildaðist og
varð eitthvað svo ofurvenjulegur
þegar á leið. Halldóra Geirharðs-
dóttir leikur eiginkonu sem bíður
eftir barni og vonar og þráir og
eiginmann hennar leikur Þórir
Sæmundsson. Þetta eru mjög stíl-
færðar persónur, ýktar eins og
barokkdúkkur. Þórir átti góða
spretti og ekki klikkaði Halldóra
frekar en fyrri daginn. Hinn verð-
andi faðir gat ekki sagt bókstaf-
inn err og því varð auðvitað biðin
eftir stolkinum og ánægjan með
Pétul til þess að kitla hláturtaugar
áhorfenda. Öll umgjörðin er í einu
orði sagt heillandi og ekki síst hin
fallegu tjöld fyrir hverju sviðs-
opi. Það er leikið uppi og niðri
og í agnarlitum ramma fá pínu-
litlar handbrúður að segja okkur
söguna af hrekkjusvínunum sem
stríða svarta barninu og detta svo
oní tunnu og verða sjálf svört, í
gluggum birtast viðvörunar-
myndir gráts og drykkju og litlu
hérarnir sem skoppa um og þau
Halldór Gylfason og Kristín Þóra
Haraldsdóttir ljá lífi eru ferlega
fyndnir.
Leikarar voru allir góðir og
vakti vitaskuld athygli hvernig
þessi hæfileikahópur stökk til og
skellti sér á hvaða hljóðfæri sem
var, Dóri á kontrabassa og Þórir
á gítar milli þess sem þeir þeytt-
ust milli sviða og hlutverka. Söng-
konan sem jafnframt stökk í ýmis
hlutverk, Kristín Þóra Haralds-
dóttir, var heillandi.
Það sem er kannski akkilesar-
hæll sýningarinnar er hvernig
hún hálf dettur niður í millikynn-
ingaratriðum fyrir utan að það er
ákveðið álag að standa í 75 mín-
útur en með því að dilla sér við
undirleik frábærar hljómsveitar
jafnast álagið á skrokkinn, fyrir
svo utan að ungviðið sem á eftir
að sjá þessa sýningu er fært um
að leggjast á gólfið og væri ekki
úr vegi að skipa öllum úr skónum
og hafa hreinlega dýnur á áhorf-
endasvæðinu. Elísabet Brekkan
Niðurstaða: Hvernig væri nú að þýða
bókina? Heillandi sýning!
Bláðum kemul
stolkulinn!
STRÝHÆRÐI PÉTUR Verkið var frumsýnt á Litla sviðinu í Borgarleikhúsinu á föstudags-
kvöld. Strýhærði Pétur er margverðlaunuð ruslópera úr smiðju hljómsveitarinnar
Tiger Lillies sem hefur farið sigurför um heiminn á síðustu árum.