Fréttablaðið - 05.04.2011, Blaðsíða 23

ÞRIÐJUDAGUR 5. apríl 2011 3
„Ef fólk hefur aðgang að einhverj-
um jarðskika getur það ræktað
nánast hvað sem er,“ segir Bjarni
Óskarsson spurður hvernig best sé
að bera sig að ef fólk langar til að
koma á fót eigin grænmetisræktun.
„Svo er einfalt að rækta kryddjurt-
ir á svölunum, ef fólk hefur ekki
aðgang að garði. Möguleikarnir
eru óþrjótandi og með hækkandi
hitastigi er farið að rækta hérna
ávexti, hvað þá annað. Ég fékk
meira að segja epli á tré norður í
Svarfaðardal í fyrrasumar.“
Bjarni segir best að nota líf-
rænan áburð á ræktunina, og þar
liggi beinast við að nýta skítinn.
„Ef fólk kemst einhvers staðar í
hrossa-, kúa-, eða hænsnaskít þá er
það einn besti áburður sem hægt
er að hugsa sér. Sjálfur nota ég
mikið þara, fiskimjöl og kalkþör-
ung sem áburð og það hefur gefist
vel. Svo er auðvitað lykilatriði að
vera með góðan safnhaug og útbúa
góða safnhaugamold. Og ef þú ert
með safnhaug, fiskimjöl og þara-
mjöl þarftu engan annan áburð.
Sumir kjósa að strá smávegis af til-
búnum áburði á ræktunina, en þá
getum við ekki kallað það lífræna
ræktun.“
Auk þess að vera með sólberja-
akur sem spannar heilan hektara
er Bjarni mikill áhugamaður um
söfnun villtra íslenskra berja og
hefur hafið framleiðslu á sultum
úr íslenskum berjum auk sólberja-
sultunnar. „Já, við höfum verið að
koma í gang átaki í þeim efnum,“
segir hann. „Það er alveg óþarfi að
flytja ber inn því við eigum líklega
bestu ber í heimi. Gallinn er sá að
það eru ekki nema um það bil tveir
mánuðir á ári sem hægt er að tína
þau. Ég hef verið að vinna í því að
virkja margar hendur, til dæmis
skóla, íþróttafélög og skátana, auk
almennings, við tínsluna. Mark-
miðið er að koma upp miðlægum
söfnunarstöðvum víða um land þar
sem tekið væri á móti berjunum og
fólki greitt fyrir tínsluna. Í fram-
haldi af því gæti mjólkur-, bakara-,
og drykkjariðnaðurinn farið að
hafa aðgang að íslenskum berjum.
Forsendan fyrir því að hægt sé að
nýta íslensk ber í iðnaði er að fram-
boðið sé stöðugt,“ segir Bjarni, sem
auk ræktunarinnar og sultufram-
leiðslunnar er með endur, hænsn
og bleikjutjarnir norður á Völlum
og hyggur á vínframleiðslu.
fridrikab@frettabladid.is
Möguleikarnir í eigin
ræktun eru óþrjótandi
Bjarni Óskarsson er áhugamaður um lífræna ræktun og ræktar sólber, grænmeti og fleira norður í Svarfað-
ardal. Hann segir hvern sem er geta farið af stað með eigin ræktun, það eina sem þurfi sé jarðskiki.
„Lykilatriði er að vera með góðan safnhaug,“ segir Bjarni Óskarsson. FRÉTTABLAÐIÐ/GVA
Sjaldan fellur eggið langt
frá vinningshafanum
Skráðu þig á Vísi* fyrir 17. apríl
og svaraðu einni laufléttri spurningu.
*visir.is/frettabladid