Fréttablaðið - 06.04.2011, Blaðsíða 5

ADVICE hópurinn telur hagsmunum Íslands best borgið með því að fella Icesave-lögin þann 9. apríl.
Auglýsingar og annað starf hópsins er greitt með frjálsum framlögum og vinnuframlagi sjálfboðaliða. Tölvupóstur: advice@advice.is
www.advice.is
1. Engin lagaskylda að verða við kröfum
Breta og Hollendinga
Athugasemdir Eftirlitsstofnunar EFTA hafa verið kyrfi lega
hraktar af innlendum og erlendum lögfræðingum. Segjum NEI
og krefjumst þess að ríkisstjórn Íslands taki til varna gegn
óréttmætum ásökunum ESA.
2. Það er ólíðandi að skuldum einkabanka
sé velt á almenning
Það er ófært að eigendur banka hirði hagnað en almenningur
taki á sig tap. Ef við mótmælum þessu ekki núna, skapast
fordæmi til framtíðar.
3. Þeir fengu ekki leyfi okkar
Bresk og hollensk stjórnvöld ákváðu einhliða að greiða inni-
stæðu eigendum Icesave að fullu og með vöxtum. Tilgangurinn
var að halda uppi trausti á þarlenda banka. Við vorum ekki
spurð en nú á að senda okkur allan reikninginn með vöxtum.
4. Þeir vilja frekar beita hótunum
en að fara dómstólaleiðina
Þegar íslenskir ráðamenn létu ekki undan þrýstingi beittu
Bretar hryðjuverkalögum, bökuðu okkur gríðarlegt tjón og
dýpkuðu viljandi okkar erfi ðleika. Þeir hafa reynt að torvelda
aðgang okkar að fjármagni. Það er okkar réttur að leita til
dómstóla með þetta ágreiningsmál.
5. Bretar og Hollendingar fá 1175 milljarða
þótt við segjum Nei
Með neyðarlögunum eru hagsmunir innistæðueigenda í
Bretlandi og Hollandi tryggðir mun betur en tilskipun ESB um
innistæðutryggingar fer fram á: Í stað 674 milljarða munu þeir
fá 1175 milljarða. En þeir vilja enn meira: Að við berum ábyrgð
á endurheimtum úr þrotabúinu og borgum líka vexti. Okkur ber
engin skylda til að verða við því, hvorki lagaleg né siðferðileg.
6. Samningurinn felur í sér of mikla áhættu
fyrir þjóðina
Enginn veit endanlegan kostnað af samningnum. Í besta falli
er hann 32 milljarðar en gæti líka orðið 233 milljarðar (m.v. 2%
veikingu krónu á ársfjórðungi og 10% lækkun eignasafnsins).
Ef neyðarlögunum yrði hnekkt myndi kostnaður við
samningsleiðina hækka um hundruði milljarða í viðbót - og við
gætum aldrei staðið undir því.
7. Samningurinn breytir krónuáhættu
í gjaldeyrisáhættu
Þótt við töpuðum dómsmáli yrðu bætur og vextir greiddir í
krónum. Samningsgreiðslur eru hins vegar allar í gjaldeyri.
Hvernig sem fer er alltaf miklu auðveldara fyrir okkur að greiða
í krónum en gjaldeyri. Jafnvel versta útkoma úr dómsmáli yrði
viðráðanleg, en meðalslæm útkoma úr samningi gæti endað
með greiðsluþroti ríkisins.
8. Málstaður Íslands nýtur stuðnings
erlendis
Meðal íbúa erlendra ríkja er mikil og vaxandi andstaða gegn því
að velta skuldum gjaldþrota fjármálafyrirtækja yfi r á almenning.
Ritstjórar Financial Times og Wall Street Journal hafa fordæmt
framkomu breskra og hollenskra stjórnvalda í garð Íslendinga.
9. Já – leysir ekki vanda atvinnulífsins
Það er ekki Icesave sem heftir atvinnulífi ð um þessar mundir.
Fjárfestar hafa meiri áhyggjur af gjaldeyrishöftum, skattaóvissu
og óvæntum lagabreytingum.
10. Það er ekkert að óttast
Það eru mörg hundruð milliríkjamál í gangi innan Evrópusam-
bandsins á hverjum tíma. Þjóðir verða sér ekki til minnkunar
með því að leggja ágreining fyrir dómstóla. Að láta undan
hótunum, yfi rgangi og löglausum kröfum annarra þjóða er
hins vegar ávísun á mannorðsmissi.