Fréttablaðið - 06.04.2011, Blaðsíða 6

6. apríl 2011 MIÐVIKUDAGUR6
MENNING Skáksamband Íslands
harmar að munir úr einvígi Bobby
Fishers og Boris Spasskí árið 1972
hafi verið seldir úr landi. Sam-
bandið vill skrá hvar aðrir munir
úr einvíginu eru niðurkomnir og
að þeim sé safnað á einn stað.
Eins og komið hefur fram í
fréttum voru taflmennirnir sem
Spasskí og Fisher notuðu í frægri
einvígsskák, ásamt árituðu skák-
borði, boðnir upp hjá uppboðsfyr-
irtækinu Philip Weiss á dögunum.
Munirnir voru í eigu Guðmund-
ar G. Þórarinssonar, fyrrverandi
forseta SÍ, sem sá sig knúinn til að
selja munina vegna skulda. Fyrir
munina fékk Guðmundur tæpar
átta milljónir króna.
Í tilkynningu SÍ er þetta harm-
að og segir jafnframt að mat Skák-
sambandsins sé að hér hafi verið
um að ræða þjóðargersemar sem
áttu að tilheyra íslensku þjóðinni.
Gunnar Björnsson, forseti SÍ,
segir að þann lærdóm megi draga
af sölu munanna úr landi að nú
sé nauðsynlegt að kanna hvaða
munir séu til sem tengjast einvíg-
inu 1972. „Í dag vita menn ekki
hvar þessir munir eru niður komn-
ir. Við verðum að draga lærdóm
af þessu atviki. Við megum ekki
missa meira úr landi.“ Í tilkynn-
ingu SÍ kemur fram að bókað hafi
verið í fundargerð á stjórnarfundi
Skáksambandsins haustið 1972 að
Guðmundur fengi borðið að gjöf.
Það sama haust er einnig bókað í
fundargerð að allir stjórnarmenn
fái einnig árituð borð af Fischer og
Spasskí. - shá
Skáksamband Íslands vill skrá og safna munum sem tengjast einvígi aldarinnar:
Harma sölu sögulegra skákminja
VERÐMÆTIR TAFLMENN Taflmennirnir
voru notaðir í þriðju einvígisskákinni
sem tefld var í bakherbergi Laugardals-
hallarinnar.
STJÓRNLAGARÁÐ Stjórnlagaráð
verður sett í dag í húsakynnum
sínum við Ofanleiti.
Við setninguna mun Guð-
rún Pétursdóttir, formaður
stjórnlaganefndar, afhenda
ráðinu skýrslu nefndarinnar
um stjórnarskrána. Með því
mun stjórnlaganefnd hafa lokið
störfum.
Allir fulltrúar sem kosnir
voru á stjórnlagaþing hafa tekið
sæti í stjórnlagaráði, fyrir utan
Ingu Lind Karlsdóttur. Íris Lind
Sæmundsdóttir tekur hennar
sæti.
Eftir setninguna mun stjórn-
laganefnd kynna efni skýrsl-
unnar. Setning stjórnlagaráðs
verður klukkan tvö í dag og
verður hún opin almenningi.
- þeb
Setning opin almenningi:
Stjórnlagaráð
kemur saman
ALÞINGI Þingflokkur Hreyfingar-
innar hefur lagt fram frumvarp
til breytinga á lögum um fjármál
stjórnmálaflokka og frambjóð-
enda.
Er meðal annars lagt til að
framlög fyrirtækja til flokka
verði bönnuð og að framlög ein-
staklinga verði takmörkuð við
200 þúsund krónur.
Hreyfingin vill líka að allir
flokkar fái jöfn framlög úr ríkis-
sjóði, óháð stærð, og að þeim
verði gert kleift að reka skrif-
stofu í hverju kjördæmi og hafa
starfsmann á sínum snærum.
Hreyfingin segir breytinga-
tillögur sínar miða að auknu
trausti á stjórnmálum og efla
lýðræði. - bþs
Hreyfingin vill auka traust:
Fyrirtæki fái
ekki að styrkja
stjórnmálastarf
NEW YORK Lík átta kvenna hafa
nú fundist með stuttu millibili á
strönd við New York. Lögreglan á
svæðinu telur nú að um raðmorð-
ingja sé að ræða. Frá þessu er
greint á fréttavef BBC.
Fjögur lík vændiskvenna fund-
ust á svæðinu seint á síðasta ári.
Enn á eftir að bera kennsl á eitt
lík sem fannst í síðustu viku. Síð-
asti líkfundurinn var í gær, þegar
þrjár konur til viðbótar fundust
látnar við Gilgo-strönd, um 70
kílómetra austan við New York.
Lögregla kembir nú svæðið með
hundum og þyrlum og verður leit
haldið áfram í dag. Grunað er að
Shannen Gilbert, vændiskona frá
New Jersey, sé nú látin, en síðast
sást til hennar í maí þegar hún
ætlaði að hitta kúnna á svæðinu.
Lögregla skoðar nú kúnnalistann
hennar til þess að finna hugsan-
lega grunaða.
Richard Dormer yfirlögreglu-
þjónn segir að leitin sé erfið, þar
sem svæðið er að mestu þakið
mýri og sjávargróðri, ásamt gróf-
gerðum furutrjám. Það tók mánuð
að bera kennsl á fyrstu konurnar,
en þar var notast við DNA-sýni og
tannlæknaskýrslur. - sv
Lögreglan í New York-sýslu hefur fundið lík 8 kvenna við strönd á stuttum tíma:
Raðmorðingi í New York-ríki
LEITAÐ AÐ LÍKUM Lögreglumaður
og leitarhundur leita að fleiri líkum í
þykkum runnum við Oak Beach í New
York-ríki. FRÉTTABLAÐIÐ/AP
LÖGREGLUMÁL Ungur maður var
sleginn hnefahöggi í andlitið
á skemmtistað á Selfossi um
helgina með þeim afleiðingum að
hann nefbrotnaði.
Lögregla var ekki kölluð á
staðinn en fórnarlambið til-
kynnti um árásina eftir að hann
kom á heilsugæslustöðina á Sel-
fossi þar sem hann lét gera að
sárum sínum. Ekki liggur fyrir
hvað árásarmanninum gekk
til, að sögn lögreglu, en málið
er í rannsókn og vitað er hver
árásarmaðurinn er. - jss
Kýldur í andlitið:
Nefbrotnaði
á skemmtistað
Betra brauð með
fiskinum!
UMHVERFISMÁL Eitrið díoxín er talið
líklegt til að verða bundið í jarð-
vegi í Engidal í Skutulsfirði ára-
tugum saman. Ekki eru taldar for-
sendur til að undanskilja nein dýr á
svæðinu þegar talað er um mengun
frá sorpbrennslunni Funa, hvorki
búfénað né villt dýr. Líklegt er
talið að mengun sé enn að eiga sér
stað á svæðinu með fjúkandi ryki
sem inniheldur eiturefni.
Þetta er meðal þess sem kemur
fram í nýrri áfangaskýrslu sér-
fræðihóps Matvælastofnunar sem
fjallað hefur um mengun í búfé og
framtíð búskapar í Skutulsfirði
vegna mengunar frá Funa.
Kjartan Hreinsson, sérgreina-
dýralæknir hjá Matvælastofnun,
segir það líklegt að díoxín verði
bundið í jarðvegi í Skutulsfirði í
áratugi. Hversu lengi nákvæmlega
er ekki vitað þar sem það fari eftir
samsetningu mengunarinnar eða
hvaða díoxín á í hlut. „Það var bara
hætt að brenna þarna í desember
og ekki er vitað hvað efnin bind-
ast hratt. Þau geta fokið um eins
og eldfjallaaska og valdið endur-
mengun á grasi og gróðri,“ segir
Kjartan.
Í skýrslunni kemur fram að sam-
kvæmt gögnum Veðurstofunnar
er ríkjandi vindátt á staðnum inn
dalinn. „Fram að þeim tíma að
brennslu var hætt, hefur sennilega
borist stöðug mengun út í umhverf-
ið í formi ryks og agna. [...] Mikið
af þessu efni er enn á svæðinu og
sennilegt er að það verði á ferð-
inni þar um nokkurn tíma, hversu
lengi er erfitt að segja til um. Því
er líklegt að mengun sé enn að eiga
sér stað á svæðinu, alla vega hvað
skepnur varðar.“
Sérfræðihópurinn gerir það að
tillögu sinni að gerð verði tilraun
í sumar til að kanna upptöku díox-
íns og fleiri efna í Engidal. Kjart-
an segir að þá yrðu fengnar kindur
með lömbum frá ómenguðu svæði
til beitar á fyrirfram tilgreindu
svæði. „Þetta teljum við vænleg-
ustu leiðina til að meta heildar-
ástandið með tilliti til framtíðar
nýtingar.“ Án slíkrar tilraunar er
ekki óhætt að hleypa afurðum á
markað nema að undangengnum
ítarlegum rannsóknum, að mati
sérfræðihópsins.
Framtíð nytja í Engidal, sem og
aðra nýtingu svæðisins er í lausu
lofti. Mælt er með því að aðkomu-
fé sé haldið frá svæðinu, öllu heyi
beri að farga og huga þurfi að
sýnatöku úr rjúpu og berjum fyrir
veiðitíma og uppskeru.
Kjartan telur einnig að taka
verði sýni úr villtum fiski úr ánni
í Engidal og lóni þar sem setið geti
verið mengað.
svavar@frettabladid.is
Díoxín í ryki talið
valda endurmengun
Mengandi efni frá sorpbrennslunni Funa hafa safnast upp og sérfræðingar
óttast endurmengun af völdum fjúkandi ryks. Díoxín er líklegt til að finnast í
jarðvegi næstu áratugina. Rannsaka þarf jarðveginn og villt dýr af nákvæmni.
SORPBRENNSLAN FUNI Talið er víst að mikið magn mengandi efna sé til staðar í nágrenni sorpbrennslunnar. Fjúkandi ryk, sem
inniheldur díoxín og fleiri efni, viðheldur menguninni. FRÉTTABLAÐIÐ/RÓSA
KJÖRKASSINN
Á að halda ríkisstjórnarfundi
oftar utan höfuðborgarsvæðis-
ins?
Já 33,5%
Nei 66,5%
SPURNING DAGSINS Í DAG:
Ertu í vanskilum með lán?
Segðu skoðun þína á visir.is