Fréttablaðið - 28.04.2011, Page 56

28. apríl 2011 FIMMTUDAGUR40
sport@frettabladid.is
1. ???
2. ???
3. ???
4. ???
5. ???
6. ???
7. ???
8. ???
9. Grindavík 35 stig
10. Víkingur 34 stig
11. Stjarnan 33 stig
12. Þór Akureyri 12 stig
Spá Frétta blaðsins
fyrir sumarið 2011 í
Pepsi deild karla
ÁGÚST BJÖRGVINSSON hefur skrifað undir samning við Valsmenn um að þjálfa kvennalið félagsins og koma að barna- og
unglingastarfi félagsins. Hann snýr því aftur heim til Vals eftir átta ára fjarveru þar sem hann þjálfaði á þrettán ára tímabili nær alla
flokka félagsins. Ágúst tekur við af Yngva Gunnlaugssyni sem kom stelpunum aftur upp í efstu deild í vetur en ætlar nú að einbeita
sér að karlaliði félagsins.
Lykilmenn liðanna
Ólafur Örn Bjarnason, Grindavík Það mun mikið mæða á Ólafi Erni í
sumar, bæði í hlutverki þjálfarans sem og að binda saman varnarleik
liðsins inn á vellinum en Ólafur verður algjör lykilmaður í miðri vörninni.
Helgi Sigurðsson, Víkingi Mun spila aftur með Víkingi í efstu deild
eftir 19 ára fjarveru og átti mikinn þátt í því að liðið komst upp í
fyrra. Liðið mun áfram treysta á mörk frá þessum mikla markaskorara
sem er jafnframt aðalleiðtogi liðsins.
Halldór Orri Björnsson, Stjörnunni Var aðalmaðurinn í sóknarleik Stjörn-
unnar síðasta sumar og jafnramt aðalstjarnan í gleðileik liðsins. Það mun
ekki breytast í sumar en mörkunum og gleðileikjunum gæti þó fækkað.
Atli Sigurjónsson, Þór Akureyri Er ekki orðinn þekkt nafn í íslenskum
fótbolta en það gæti breyst fljótt í sumar haldi hann áfram að skora
og leggja upp mörk fyrir Þórsliðið eins og hann gerði síðasta sumar.
Gunnar Már og David Disztl mun treysta á sendingar frá Atla.
X-faktorinn
Gilles og Grétar farnir frá Grindavík Grindvíkingar eru búnir að missa tvo aðal-
markaskorara sína í Gilles Ondo, markakóng deildarinnar síðasta sumar, og
Grétar Hjartarson, markahæsta leikmann félagsins frá upphafi. Það þarf því
einhver annar að skora mörkin í sumar.
Björgólfur Takefusa, Víkingi Björgólfur hefur verið einn aðalmarkaskorari
deildarinnar undanfarin ár og getur með reynslu sinni og marksækni hjálpað
nýliðunum að festa sæti sitt í deildinni. Það verður fróðlegt að fylgjast með
samvinnu hans og Helga Sig. en þeir hafa skorað saman 137 mörk í efstu deild.
Garðar Jóhannsson, Stjörnunni Garðar stoppaði stutt í Garðabænum síðasta
sumar en nú mun sóknarleikur liðsins snúast mikið um hans frammistöðu.
Garðar á enn eftir að eiga eitt alvöru markasumar í úrvalsdeildinni hér heima en
eitt slíkt myndi breyta miklu fyrir Stjörnuna.
Gunnar Már Guðmundsson, Þór Akureyri Gunnar Már náði ekki að vinna sér
fast sæti í byrjunarliði FH í fyrra en skoraði engu að síður miklvæg mörk. Nú ætti
hann að vera kominn í hlutverk sem hann þekkir frá dögum sínum sem Herra
Fjölnir og reynsla hans og fjölhæfni munu koma sér vel fyrir nýliðana.
FÓTBOLTI Það stefnir í spennandi
fallbaráttu í Pepsi-deildinni ef
marka má spá íþróttablaða-
manna Fréttablaðsins. Nýlið-
ar Þórsara fengu reyndar
langfæst stigin í spánni
enda með reynslulaust
lið og óþekkta leikmenn
í flestum stöðum en það
munaði bara tveimur stig-
um á liðunum í níunda til ell-
efta sæti. Samkvæmt spá Frétta-
blaðsins mun ekki miklu muna á
liðum Grindavíkur, Víkings og
Stjörnunnar í sumar en það eru
þó Garðbæingar sem þurfa að
sætta sig við að falla úr deildinni
í haust.
Fréttablaðið spáir því að
Grindavík verði í 9. sæti og
hækki sig um eitt sæti frá því í
fyrra. Grindvíkingar voru ein af
vonbirgðum síðasta sumars enda
í fallbaráttu allt sumarið þrátt
fyrir að vera með góðan mann-
skap. Ólafur Örn Bjarnason tók
við liðinu í júní og undir hans
stjórn batnaði leikur liðsins og
þá ekki síst með tilkomu hans í
vörnina og að Orri Freyr Hjalta-
lín kom inn á miðjuna. Einn af
fáum ljósum punktum sumarsins
var frammistaða Gilles Ondo sem
tryggði sér gullskóinn með því að
skora 14 af 28 mörkum liðsins.
Gilles er nú farinn frá liðinu og
það gæti orðið erfitt fyrir liðið að
fylla í hans skarð í framlínunni.
Fréttablaðið spáir því að nýlið-
ar Víkinga nái 10. sæti og bjargi
sér frá falli. Víkingar voru stór-
tækir á leikmannamarkaðnum
og yfirlýsingaglaðir í framhald-
inu. Óvænt þjálfaraskipti í mars
og svo slakt gengi á undirbún-
ingstímabilinu hefur örugglega
dregið aðeins úr bjartsýninni í
Stjörnugrófinni. Andri Marteins-
son, fyrrum þjálfari Hauka, tók
við liðinu af Leifi Garðarssyni og
mun reyna að forðast það að falla
úr deildinni annað árið í röð. Vík-
ingar hafa verið jó-jó lið síðan
þeir féllu 1993, tveimur árum
eftir að þeir urðu Íslandsmeistar-
ar og forgangsatriðið er að festa
liðið í deildinni.
Fréttablaðið spáir að Stjörnu-
menn endi í 11. sæti og falli úr
deildinni í haust. Stjörnumenn
fá í fyrsta sinn í sögu félagsins
tækifæri til að spila sitt þriðja ár í
deildinni en ólíkt síðustu sumrum
þá þurfa þeir að spila án Steinþórs
Freys Þorsteinssonar sem var
aðalmaðurinn í hröðum upphlaup-
um liðsins undanfarin tvö tíma-
bil. Tölfræðin sýnir líka mikil-
vægi hans, 1,5 stig og 2,2 mörk í
leik með hann í byrjunarliðinu en
aðeins 0,7 stig og 1,5 mörk í leik
án hans. Steinþór og Stjörnuliðið
komu eins og stormsveipur inn í
deildina tvö síðustu sumur og það
mun því reyna á Bjarna Jóhanns-
son þjálfara að leysa fjarveru
Steinþórs í sumar. Það verður
samt hægt að treysta á að leik-
gleðin og samheldnin verði áfram
aðall liðsins en það mun líka
skipta máli hvernig markverðin-
um Ingvari Jónssyni reiðir af
á sínu fyrsta tímabili í efstu
deild en hann mun leysa
af Bjarna Þórð Hall-
dórsson sem fór aftur
í Fylki.
Fréttablaðið
spáir að nýliðar
Þórs frá Akur-
eyri endi í 12.
og síðasta sætinu.
Akureyri á nú lið í
úrvalsdeild karla í fyrsta
sinn síðan 2004 en það er alveg
óhætt að segja að Þórsliðið sé
nánast óþekkt stærð þegar það
mætir til leiks í úrvalsdeildinni
í fyrsta sinn í níu ár. Þórsarar
hafa byggt upp sitt lið og koma
upp í deildina á eigin forsendum
en það mun koma sér vel að fá
reynslubolta eins og Gunnar Már
Guðmundsson með sér í barátt-
una.
Páll Viðar Gíslason tók við
Þórsliðinu á miðju síðasta tíma-
bili þegar Lárus Orri Sigurðsson
hætti, stóðst prófið og kom liðinu
upp. Nú bíður hans og ungs liðs
hans mikil prófraun í hópi þeirra
bestu. Fyrsti leikurinn (Víkingur
í 1. umferð) og fyrsti heimaleikur-
inn (Stjarnan í 3. umferð) ættu að
vera frábært tækifæri fyrir liðið
að komast vel af stað og oftar en
ekki nýtist það liðum ágætlega að
vera spáð júmbósætinu fyrir mót.
Þetta er fyrsta umfjöllun
Fréttablaðsins af þremur en næst
verður farið yfir þau fjögur lið
sem munu verða um miðja deild
í sumar. Að lokum verður síðan
hugað að liðunum fjórum sem
verða í titilbaráttunni í sumar.
ooj@frettabladid.is
Stjarnan og Þór munu falla í haust
Fréttablaðið spáir fyrir um gang mála í Pepsi-deild karla sem hefst eftir aðeins þrjá daga. Í dag skoðum við
fallbaráttuna þar sem við spáum að muni berjast Grindavík, Víkingur, Stjarnan og Þór Akureyri.
ÞESSARA VERÐUR SAKNAÐ Í SUMAR Gilles Ondo, markakóngur Pepsi-deildar karla
2010, og Steinþór Freyr Þorsteinsson eru farnir úr deildinni og Grindavík og Stjarnan
þurfa að leysa fjarveru þeirra. FRÉTTABLAÐIÐ/VILHELM OG ANTON
HANDBOLTI Akureyringurinn Guð-
mundur Hólmar Helgason verður
með í öðrum úrslitaleiknum á
móti FH í Kaplakrika á morgun
þrátt fyrir að hafa fengið rautt
spjald á lokasekúndunum í fyrsta
leiknum.
Dómarar leiksins, Anton Gylfi
Pálsson og Hlynur Leifsson,
slepptu því að senda inn
agaskýrslu og því var ekki hægt
að dæma Guðmund Hólmar í
leikbann. Guðjón L. Sigurðsson,
formaður dómaranefndar HSÍ,
sagði í viðtali á Vísi í gær að
hann væri ekki sammála þeirri
ákvörðun dómaranna að senda
ekki inn skýrslu.
„Þeir telja að rauða spjaldið
hafi ekki átt sér stað fyrr en í
fjórða skrefi eða eftir leyfilegan
skrefafjölda. Fyrst leikmaðurinn
var kominn úr færinu á
meðan allt var löglegt, innan
gæsalappa, kalli atvikið ekki
á skýrslu. Ég met þá skýringu
og túlkun þeirra en er aftur
á móti ekki eins sannfærður
og þeir,“ sagði Guðjón en
hann mun senda atvikið til
handknattleikssambands Evrópu,
EHF, og fá úr því skorið hvort
þetta sé rétt mat hjá Antoni og
Hlyni. Það mun aftur á móti ekki
hafa nein áhrif á málið. - óój, hbg
Guðmundur Hólmar:
Fer ekki í bann
GUÐMUNDUR HÓLMAR Mætir í
Kaplakrika á morgun. FRÉTTABLAÐIÐ/ANTON
FÓTBOLTI Eiður Smári Guðjohn-
sen átti flottan leik með Ful-
ham í ensku úrvalsdeildinni í
gærkvöldi þegar liðið vann 3-0
heimasigur á Grétari Rafni
Steinssyni og félögum í Bolton.
Eiður fékk tvö frábær færi til
að skora í fyrri hálfleik og lagði
síðan upp annað mark Fulham í
upphafi seinni hálfleiks.
Eiður Smári hefur verið í byrj-
unarliði Fulham í síðustu tveimur
leikjum og hefur staðið sig vel í
þeim báðum en það hefur bara
vantað að hann skoraði fyrsta
markið fyrir félagið.
Grétar Rafn Steinsson meidd-
ist á hné í seinni hálfleik og
þurfti að fara meiddur af velli á
67. mínútu. Clint Dempsey skor-
aði tvö fyrstu mörk Fulham og
Norðmaðurinn Brede Hangeland
skoraði síðan þriðja markið með
skalla á 65. mínútu eftir auka-
spyrnu frá Danny Murphy. Eiður
Smári átti mikinn þátt í seinna
marki Dempsey á 48. mínútu.
Eiður plataði þá vörn Bolton með
laglegri hælspyrnu eftir stutta
hornspyrnu og boltinn fór til
Dempsey sem kom boltanum yfir
línuna. - óój
Eiður Smári með Fulham:
Lagði upp mark
í flottum sigri
EIÐUR OG HANGELAND Fagna hér þriðja
marki Fulham. MYND/NORDIC PHOTOS/GETTY
FÓTBOLTI Það lítur allt út fyrir að það verði
Barcelona og Manchester United sem spila
úrslitaleik Meistaradeildarinnar á Wembley
eftir rúman mánuð.
Bæði liðin fóru heim með 2-0 forskot eftir
fyrri leikinn, United vann Schalke í fyrra-
kvöld og Barcelona vann síðan 2-0 sigur á
erkifjendum sínum á Santiago Bernabéu í
gær.
Argentínumaðurinn Lionel Messi sýndi
snilli sína með tveimur mörkum á síðustu
fjórtán mínútum leiksins og sá til þess að
leiksins verður ekki minnst fyrir farsans í
fyrri hálfleik þegar leikmenn liðanna ein-
beittu sér meira að því skapa illindi en að
spila fótbolta.
Það var oft við það að sjóða upp úr í fyrri
hálfleiknum og það þurfti líka að ganga á
milli liðanna á leið sinni til búningsklefa í
hálfleik. Það var þó einkennandi fyrir þessi
„uppþot“ leikmanna að það var verið að gera
mikið úr litlu sem engu.
José Manuel Pinto, varamarkvörður Brace-
lona, nældi sé hinsvegar í rautt spjald í látun-
um í hálfleiknum og Barcelona var því vara-
markvarðarlaust í seinni hálfleik.
Leikurinn breyttist á 61. mínútu þegar Pepe
fékk beint rautt spjald fyrir brot á Daniel
Alves en dómurinn var mjög harður og í kjöl-
farið var Jose Mourinho rekinn upp í stúku.
Messi skoraði síðan mörkin sína á 76. og 87.
mínútu, fyrst af stuttu færi eftir sendingu frá
varamanninum Ibrahim Afellay en svo eftir
að hafa labbað í gegnum vörn Real. Messi
skoraði þarna sitt ellefta mark í ellefu leikjum
í Meistaraadeildinnwi á tímabilinu og sitt 52.
mark í 50 leikjum í öllum keppnum á leiktíð-
inni. - óój
Barcelona vann 2-0 sigur á Real Madrid í fyrri undanúrslitaleik liðanna í Meistaradeildinni í gærkvöldi:
Messi sá um Mourinho og læriveina hans
LIONEL MESSI Besti knattspyrnumaður heims fagnar
tvennu sinni í gær. FRÉTTABLAÐIÐ/AP