Fréttablaðið - 19.05.2011, Blaðsíða 62

19. maí 2011 FIMMTUDAGUR38
bio@frettabladid.is
Bandaríski leikstjórinn
David Fincher er sagður
vera í viðræðum við fram-
leiðandann Scott Rudin
um að leikstýra stórmynd-
inni Kleópötru. Rudin og
Fincher unnu saman að
gerð The Social Network
og Rudin hefur þegar
tryggt sér þjónustu Angel-
inu Jolie í titilhlutverkið.
Leikkonan ku vera mjög
áhugasöm um að fá Finc-
her, sem hefur auð vitað
haldið sambýlismanni
hennar, Brad Pitt, á floti
með kvikmyndum á borð
við Seven, Fight Club og
The Curious Case of Ben-
jamin Button.
Fincher er nú að leggja
lokahönd á kvikmyndina
Karlar sem hata konur
eftir bók Stiegs Larsson
og svo er á dagskránni
að leikstýra neðansjávar-
myndinni 20.000 Leagues
Under the Sea. Samkvæmt
fréttasíðu Indie Wire von-
ast Rudin til að Fincher
setji það verkefni til hliðar
og fallist á að leikstýra
myndinni um drottningu
Egyptalands eftir handriti
Brians Helgeland. Jolie
sjálf gæti raunar orðið
upptekin á næstunni því
hún á að leika í kvikmynd-
inni Maleficent sem Tim
Burton hugðist leikstýra.
Hann er nú hættur og
Disney leitar logandi ljósi
að arftaka hans.
Jolie hefur næg járn í
eldinum og hyggst fram-
leiða kvikmyndina Church-
ill og Roosevelt með Ant-
hony Hopkins. Leikkonan
hefur hins vegar vísað því
á bug að hún hyggist leik-
stýra þeirri mynd sjálf.
Fincher orðaður við Kleópötru
DUGLEG Angelina Jolie er með alla
anga úti um þessar mundir og er meðal
annars sögð spennt fyrir hlutverki
Kleópötru.
Ástralski leikarinn Mel Gibson virðist
smám saman vera að ranka við sér. Kvik-
mynd hans The Beaver eftir Jodie Foster
hefur fengið ágætis dóma á kvikmyndahá-
tíðinni í Cannes og Gibson hefur að mestu
leyti náð að halda sig frá vandræðum við
Miðjarðarhafsströndina. Myndin hefur
reyndar fengið afleita aðsókn í Bandaríkj-
unum en það er alltaf von, því nú er
loks farið að orða leikarann við
ný hlutverk og nýjar myndir.
Slíkt hefur ekki gerst í nokk-
urn tíma og var hann meira að
segja rekinn úr myndinni The
Hangover II.
Gibson er nú sagður íhuga
þátttöku í kvikmyndinni Sleight of Hand.
Myndin fjallar um hóp innbrotsþjófa í París
sem komast óvart yfir smápening í eigu
glæpaforingja. Tökur á myndinni eiga að hefj-
ast í júlí og meðal annarra leikara má nefna
Kiefer Sutherland, Gerard Depardieu, Gianc-
arlo Giannini og Eric Cantona, knattspyrnu-
hetjuna úr Manchester United.
Talsmenn Gibsons hafa ekki viljað stað-
festa eitt eða neitt en Gibson þarf nauð-
synlega á verkefnum að halda til að
koma sér og sínum ferli aftur af
stað. Hann verður næst hægt að
sjá í kvikmyndinni How I Spent
My Summer Vacation með Peter
Stormare.
Mel Gibson að ranka við sér
Hasarmyndin Þór nýtur mikilla
vinsælda í Bandaríkjunum, en
myndin situr nú á toppnum aðra
vikuna í röð. Samkvæmt vefsíð-
unni Box Office Mojo hefur mynd-
in rakað inn 120 milljónum dala á
tíu dögum, sem þykir nokkuð gott.
Hins vegar kom gamanmyndin
Brúðarmeyjar eða Brides maids
flestum í opna skjöldu. Myndin
skartar stjörnunni úr Saturday
Night Live, Kristen Wiig, í aðal-
hlutverki og er framleidd af Judd
Apatow, en hún halaði inn 26 millj-
ónum dala á sinni fyrstu sýningar-
helgi. Tölfræðisnillingar í Banda-
ríkjunum hafa reiknað það út að
þetta sé besta frammistaða SNL-
stjörnu í hlutverki sem tengist
ekki þáttunum. Til gamans má
geta að Heba Þórisdóttir sá um
förðun leikaranna.
En það voru ekki bara Brúð-
armeyjar sem komu á óvart því
áhuginn á vampírum og barátt-
unni gegn þeim virðist ódrepandi.
Kvikmyndin Priest, sem fjallar um
prest í vígahug, stóð sig nefnilega
betur en nokkur hafði þorað að
vona. Myndinni hafði verið slátrað
af gagnrýnendum en allt kom fyrir
ekki, fimmtán milljónir dala komu
í kassann. Fast Five varð að gera
sér þriðja sætið að góðu; myndin
hefur nú náð 169 milljónum dala
í kassann.
Óvæntar brúðarmeyjar
VINSÆLL Myndasöguútgáfan af Þór
hefur slegið í gegn í Bandaríkjunum.
Johnny Depp er einn vin-
sælasti leikari samtímans.
Hann er yfirleitt nálægt
toppsætunum yfir þá sem
hala inn flestar krónur í
miðasölu og nafni hans
bregður yfirleitt fyrir á
listum yfir kynþokkafyllstu
karlmenn heims. Hann
virðist hins vegar meðvitað
leika gegn þeirri rullu.
Nýjasta mynd Johnny Depp, Pir-
ates of the Caribbean: On Strang-
er Tides, verður frumsýnd um
helgina. Þetta verður í fjórða sinn
sem Depp bregður sér í hlutverk
Jacks Sparrow, en hann var til-
nefndur til Óskarsverðlauna fyrir
fyrstu myndina í flokknum. Sagan
á bak við Sparrow er flestum
kunn; persónan er að mestu leyti
byggð á Keith Richards, hinum
óskiljanlega gítarleikara Rolling
Stones, en hann er á sínum stað
sem pabbi Sparrows.
Nafn Depps dúkkar yfirleitt
upp á listum yfir fallegustu eða
kynþokkafyllstu leikara heims
og sumar karlkynsstjörnur gang-
ast raunar upp í því að næla sér
í hlutverk sem tryggir þeim slíka
stöðu. Ekki Depp. Hann hefur
gengið nokkuð markvisst gegn
ímynd sinni sem sætabrauðs-
drengur með örfáum undantekn-
ingum (Don Juan DeMarco, þar
sem hann fékk tækifæri til að leika
á móti átrúnaðargoði sínu Marlon
Brando, og Chocolat). Hann virðist
hreinlega elska að breyta sjálfum
sér í furðufugla með skrýtnar hár-
greiðslur.
Samstarf Depps og leikstjór-
ans Tims Burton er auðvitað
margrómað og Depp hefur ekki
hikað við að breyta sér fyrir hlut-
verk í kvikmyndum leikstjórans.
Hann tók fyrst upp á því í Edward
Scissor hands og hann var ekki
síður skrýtinn í Ed Wood, kvik-
mynd um versta leikstjóra sög-
unnar. Og svo kom Charlie and the
Chocolate Factory þar sem Depp
umbreyttist í súkkulaðiframleið-
andann Willy Wonka. Svo komu
sjóræningjamyndirnar og loks
Lísa í Undralandi; þar var Depp
stórkostlegur sem Óði hattarinn.
Mörg andlit Johnny Depp
GÓÐUR Í
SKRÝTNUM
Edward Scissorhands,
rakarinn Sweeney Todd, Jack
Sparrow og Óði hattarinn
úr Lísu í Undralandi, að
ógleymdum Willy Wonka,
hafa gert það að verkum að
Johnny Depp hefur viðhaldið
stöðu sinni sem listamaður
en er ekki brennimerkt
stjörnuvörumerki.
NÝTT UPPHAF Mel
Gibson virðist loksins
vera að ná sér á strik
eftir erfitt tímabil.
> SAMAN Á NÝ
Will Ferrell og Mark Wahlberg
munu leika aftur saman í kvik-
myndinni The Turkey Bowl,
en þeir félagar fóru á kost-
um í kvikmyndinni The Other
Guys. The Turkey Bowl segir frá
tveimur aðdáendum amerísks
ruðnings sem lendir saman.
Samkvæmt breska blaðinu Daily
Mirror hefur bandaríski leikstjór-
inn Quentin Tarantino mikinn
áhuga á því að fá Lady Gaga til að
leika lítið hlutverk í næstu kvik-
mynd sinni. Tarantino er mikill
aðdáandi söngkonunnar
og hefur gert ýmislegt til
að ganga í augun á henni,
lánaði henni meðal ann-
ars hinn heimsfræga
bleika pallbíl úr Kill Bill
fyrir myndbandið Tele-
phone.
Tarantino hefur jafn-
framt verið milligöngu-
maður í að koma Gaga
í samband við Angelinu
Jolie, en söngkonan ku
víst hafa mikinn áhuga á
að verða vinkona Angel-
inu og þegar Gaga hélt
tónleika á Cannes-kvikmyndahá-
tíðinni voru Jolie og sambýlismað-
ur hennar Brad Pitt þau fyrstu á
gestalistanum. „Þegar hún heyrði
að þau væru bæði í Cannes vildi
hún endilega að þau kæmu á tón-
leikana, þannig að Tar-
antino hringdi í Pitt og
bauð þeim. Tarantino vill
allt fyrir Gaga gera enda
þráir hann að fá hana á
hvíta tjaldið.“
Gaga vildi síðan ein-
göngu tala við Angelinu
og hafði engan áhuga á
Pitt eða Tarantino.
Tarantino vill Lady
Gaga í nýja mynd
VINSÆL Lady Gaga er
vinsælasta söngkona heims
og vill gjarnan vingast við
Angelinu Jolie.
Sæktu um á www.frumgreinamennt.is
Stefnir þú að
HÁSKÓLAGRUNNUR
FRUMGREINANÁM HR BRÚAR BILIÐ