Fréttablaðið - 21.05.2011, Page 8

21. maí 2011 LAUGARDAGUR
Frestur til að sækja um
110% aðlögun veðskulda
rennur út 1. júlí
Ræddu við ráðgjafann þinn í útibúinu þínu um úrræði Íslandsbanka
MBA-námið við Háskóla Íslands er tveggja ára metnaðarfullt og starfsmiðað meistaranám fyrir
stjórnendur í íslenskum fyrirtækjum og stofnunum. Námið er skipulagt sem nám samhliða starfi.
Kennt er á föstudögum og laugardögum aðra hvora helgi.
Markmið námsins er að auðvelda nemendum að skilja betur forsendur á sviði rekstrar og
stjórnunar og taka á móti verkefnum framtíðarinnar. Markvisst er stefnt að því að efla nemendur,
m.a. með fjölbreyttum kennsluaðferðum, og er kennurum sérstaklega umhugað að nemendur
geti fljótt innleitt nýja þekkingu í störfum sínum með því að takast á við raunhæf verkefni.
Skoraðu á þig
og taktu skrefið!
MBA-nám við Háskóla Íslands
Kynningarfundur um MBA-nám,
miðvikudaginn 25. maí kl. 17:00
á Háskólatorgi, stofu 101.
www.mba.is
PI
PA
R\
TB
W
A
\
SÍ
A
1
11
41
7
SJÁVARÚTVEGUR Þingflokkur Hreyf-
ingarinnar kynnti í gær frumvarp
sitt til laga um stjórn fiskveiða.
Þar er meðal annars gert ráð
fyrir því að öllum aflaheimildum
verði ráðstafað í gegnum uppboðs-
kerfi sem á að tryggja að hámarks-
verð fáist fyrir nýtingarréttinn. Þór
Saari, þingmaður Hreyfingarinnar,
segir í samtali við Fréttablaðið að
með þessu sé verið að koma til móts
við kröfur almennings og auk þess
verði hagkvæmni gætt.
„Hagkvæmni er alltaf best
tryggð með gegnsæi og samkeppni
því fleiri sem keppa um hituna, því
betra,“ segir Þór. „Þegar allir þurfa
að kaupa aflaheimildir á uppboði
kemur í ljós hvar hagkvæmustu
veiðarnar eru.“
Allar heimildir verða samkvæmt
því boðnar upp í sveitarfélögunum,
en einnig hafa sveitarfélögin heim-
ild til að selja heimildir til aðila
utanbæjar, með tíu prósenta álagi
á kaupverð.
Þá skal allur sjávarafli seldur á
innlendum markaði, en þó er heim-
ilt að selja afla beint til innlendrar
fiskvinnslu. Þá skal verð miðast við
markaðsverð. Með því telur Hreyf-
ingin að um 800 til 1.000 ný störf
skapist við fiskverkun.
Meðal annarra lykilatriða í frum-
varpinu er ákvæði um stórauknar
strandveiðar þar sem heildarafli
verður 40.000 tonn af botnfiski og
tímabil lengt um tvo mánuði frá því
sem nú er.
Þá verði allar skuldir sem útgerð-
ir hafa stofnað til vegna kvótakaupa
færðar inn í sérstakan kvótaskulda-
sjóð, sem muni greiðast niður með
fimm prósenta hlut af söluandvirði
veiðiheimilda. Aðspurður segir Þór
að honum finnist þær hugmyndir
sem fram koma í frumvarpi stjórn-
arinnar vera til málamynda.
Þór segist vona að frumvarp
Hreyfingarinnar verði lagt fyrir
þjóðina samhliða stjórnarfrum-
varpinu.
„Við viljum að þjóðin fái alvöru
valkosti í þessum efnum.“ - þj
Hreyfingin kynnir sjávarútvegsfrumvarp sitt:
Allar heimildir verði
seldar á uppboðum
SJÁVARÚTVEGUR Hreyfingin vill að allar aflaheimildir verði boðnar upp innan sveitar-
félaga. FRÉTTABLAÐIÐ/JSE