Fréttablaðið - 21.05.2011, Page 22

22 21. maí 2011 LAUGARDAGUR
Nú stendur yfir atkvæða-greiðsla um kjarasamninga
VR eftir langar og erfiðar samn-
ingaviðræður. Tekist var á af
hörku um hvert atriði samning-
anna og á stundum virtist hvorki
ganga né reka. Að okkar mati
gengu Samtök atvinnulífsins, með
útvegsmenn í broddi fylkingar, allt
of langt í þeirri hugmyndafræði
sem þeir byggðu á og vinnubrögð-
unum sem þeir beittu. Sveigjan-
leiki er aðall góðrar samninga-
tækni, en lítið fór fyrir honum af
þeirra hálfu. Undir vor var komið
að því að brýna verkfallsvopnið
sem legið hefur óhreyft af hálfu
VR síðan árið 1988. Launþeg-
ar höfðu fengið nóg af yfirgangi
atvinnurekenda og verkföll vofðu
yfir.
Að lokum sættust aðilar á mála-
lok og kjarasamningar eru komnir
í höfn. Ástandið á vinnumarkaði er
viðkvæmt og allir voru sammála
um að brýnasta verkefnið væri
að viðhalda stöðugleikanum og
tryggja stöðu þeirra sem höllum
fæti standa. Við fengum ekki allar
okkar óskir uppfylltar með þess-
um kjarasamningum en með sam-
þykkt þeirra leggjum við okkar af
mörkum til að skapa betri lífskjör.
Samningarnir fela í sér talsverð-
ar kjarabætur fyrir félagsmenn
VR en ættu þó ekki að hleypa öllu
verðlagi upp, ef rétt er á málum
haldið. En það eru ekki bara
launamenn sem að þessum samn-
ingum standa. Stjórnvöld þurfa að
hleypa krafti í framkvæmdir og
leggja sitt af mörkum til að liðka
fyrir því að atvinnulífið blómstri.
Atvinnurekendur þurfa að koma til
móts við launþega með sameigin-
legu átaki í atvinnumálum.
Helstu ávinningar nýrra samn-
inga eru sem hér segir:
■ Almennar launahækkanir á
næstu þremur árum eru 11,4%.
Eingreiðsla að upphæð 50.000
krónur kemur til útborgunar þegar
samningarnir hafa verið sam-
þykktir í atkvæðagreiðslu og aðrar
25.000 krónur í tveimur greiðslum
síðar á árinu.
■ Sérstök áhersla verður á
hækkun lægstu launa og hækkar
lágmarkstekjutrygging um allt að
23,6%.
■ Persónuafsláttur verður verð-
tryggður frá og með næstu ára-
mótum. Auk þess verður lagður
grunnur að jöfnun lífeyrisrétt-
inda landsmanna með markviss-
um hætti á árunum 2014-2020 en
hér er um að ræða eitt mikilvæg-
asta réttindamál launafólks um
áratuga skeið.
■ Blásið verður til sóknar í
atvinnulífinu með það að mark-
miði að draga úr atvinnuleysi,
m.a. með ýmsum aðgerðum til að
treysta stöðu nýsköpunar og þekk-
ingargreina og iðnaðar.
■ Átak verður sett af stað í þjón-
ustu við atvinnuleitendur á vegum
stéttarfélaganna og lögð áhersla á
að auka framboð á menntun bæði
fyrir yngra fólk og þá sem komnir
eru af skólaaldri.
■ Atvinnuleysisbætur og bætur
almannatrygginga fá hliðstæða
hækkun og þeir sem eru á lægstu
töxtum. Hækkun framlaga til
Fæðingarorlofssjóðs og Ábyrgð-
arsjóðs launa tryggir launafólki
rétt í fæðingarorlofi og launatap í
gjaldþrotum fyrirtækja.
Með sameiginlegu átaki getum
við unnið okkur út úr þeirri stöðu
sem ríkt hefur í atvinnumálum og
efnahagsmálum. Þeir samningar
sem við göngum nú til kosninga
um geta markað upphaf nýrra
tíma, tíma stöðugleika og upp-
byggingar í stað stöðnunar og nið-
urrifs. Þess vegna hvetjum við
félagsmenn VR til að kynna sér
efni samninganna og taka afstöðu
í atkvæðagreiðslunni. Á heimasíðu
félagsins, www.vr.is, má finna ítar-
lega umfjöllun um báða samninga
félagsins en framtíð þeirra liggur
í höndum okkar, félagsmanna VR.
Með sameiginlegu átaki getum við unnið
okkur út úr þeirri stöðu sem ríkt hefur í
atvinnumálum og efnahagsmálum.
Tökum afstöðu og segjum já
Kjarasamningar
Stefán Einar
Stefánsson
formaður VR
Ásta Rut
Jónasdóttir
varaformaður VR
AF NETINU
Þöggunarverksmiðjur
Vitaskuld á Árnessýsla að vera
orðin eitt sveitarfélag. Tíma-
skekkja er það að hafa sex til átta
sveitarfélög fyrir 10.000 manns.
Lítil sveitarfélög eru þöggunarverk-
smiðjur. Samkvæmt félagsfræðinni
er það fámennur hópur sem
ræður því hvernig fólk situr og
stendur í smáum sveitarfélögum,
gjarnan hæft og duglegt fólk sem
hefur hreiðrað vel um sig. Skiptir
ekki öllu máli hverjir eru í form-
legri sveitarstjórn. Engin fjölmiðlun
er í svona sveitum – aðeins
meðvitundarlaus auglýsingablöð.
Viðkvæm mál eru ekki rædd. Allt
er á slúðurstigi. Þeir sem eru vanir
opinni umræðu og þeir sem vilja
breytingar hrökklast gjarnan burt.
Svo maður haldi sig við heima-
hérað þá myndi ástandið skána
ef Árnessýsla yrði eitt sveitarfélag,
möguleikar opnast og magnast.
Áfram þyrftu þó allir að vera á
andþöggunarverði og grípa þyrfti
til átaks til að örva opna opinbera
umræðu.
blog.eyjan.is/baldurkr
Baldur Kristjánsson
Tekinn í nefið
Framsóknarflokkurinn er hægt
en örugglega að ná forystu fyrir
stjórnarandstöðunni þar sem
Sjálfstæðisflokkurinn er lamaður.
Sjálfstæðisflokkurinn klúðraði Ice-
save-málinu, forystan er meðsek
útrásarafgöngum í þingflokknum
og býður enga pólítíska valkosti
aðrar en skattalækkun.
pallvil.blog.is
Páll Vilhjálmsson
20% AFSLÁTTUR
Í KRINGLUNNI
NÁÐU ÁRANGRI. ÚTILÍF – HOLTAGÖRÐUM. GLÆSIBÆ. KRINGLUNNI. SMÁRALIND. WWW.UTILIF.IS
20% AFSLÁTTUR AF CASALL-LÍKAMSRÆKTARTÆKJUM OG VÖLDUM ASICS-SKÓM
KOMDU Í ÚTILÍF Í KRINGLUNNI LAUGARDAGINN 21. MAÍ MILLI KL. 14-16 OG NÝTTU ÞÉR SÉRFRÆÐIÞEKKINGU OKKAR FÓLKS:
TILBOÐ 22.390 KR.
NIMBUS DÖMU
Almennt verð: 27.990 kr.
TILBOÐ 23.190 KR.
KAYANO HERRA
Almennt verð: 28.990 kr.
TILBOÐ 18.390 KR.
GT-2160
Herrast:: 41-48. Dömust.: 37-41,5.
Almennt verð: 22.990 kr.
TILBOÐ 2.792 KR.
ÆFINGATEYGJUR
Almennt verð: 3.490 kr.
TILBOÐ 1.592 KR.
PILATES SIPPUBAND
Almennt verð: 1.990 kr.
TILBOÐ 4.392 KR.
PILATES ÆFINGAHRINGUR
Almennt verð: 5.490 kr.
ÍS
LE
N
SK
A
SI
A
.I
S
U
TI
5
50
61
0
5/
11