Fréttablaðið - 04.06.2011, Page 28

4. júní 2011 LAUGARDAGUR28
ÆTLAÐI Í HOKKÍV
inkona mín sem
er íslensk hvatti
mig til að koma til
Íslands og miðla
af þekkingu minni
í þjálfun stúlkna í
listdansi á skautum. Við ræddum
þetta saman á Facebook þar sem
við hittumst eftir langan aðskiln-
að,“ segir Bandaríkjamaðurinn G.
Webster Smith, sem hefur fengist
við þjálfun á listdansi á skaut-
um og raunar í dansi um áratuga
skeið. „Ég lærði djassdans, ballett
og steppdans, auk þess að stunda
listdans á skautum. Ég nýtti mér
raunar dansþekkingu mína til þess
að greiða fyrir tíma í listdansi hér
á árum áður. Á sama tíma var ég
í háskólanámi í forritun,“ segir
Webster og hlær smitandi hlátri.
Miklar framfarir
Síðasta sumar kom hann hingað í
fyrsta sinn og var með námskeið
fyrir stúlkur sem stunda list-
dans á skautum. „Í framhaldinu
var ég beðinn um að koma hing-
að og þjálfa stúlkurnar í Birnin-
um og ég sló til. Hef verið hér í
allan vetur og stefni á að koma
aftur næsta haust.“ Árangur Web-
sters af þjálfuninni er eftirtektar-
verður; margar stúlknanna hafa
tekið miklum framförum á ísnum
og bætt stökktækni sína svo eftir
hefur verið tekið. Einnig tókst
Agnesi Dís Brynjarsdóttur að
vinna til verðlauna á alþjóðlegu
móti, fyrst íslenskra skautadans-
ara í A-flokki.
Veðrið er bara veðrið
„Erlendir þjálfarar hafa tekið
eftir árangrinum og hrósað mér
fyrir. Það er ánægjulegt að stelp-
urnar hafa færst ofar þegar þær
eru að keppa, eru nær miðju en
neðsta sætinu,“ segir Webster,
sem hefur sett sér háleit markmið
fyrir skautastjörnuna Agnesi. „Ég
vil að hún keppi á Ólympíuleikun-
um,“ segir hann, vongóður um að
draumurinn rætist.
Auk þess að sjá um þjálfun í A-
og B-flokki hjá Birninum hefur
Webster kennt í Listdansskóla
Íslands. Það er því í nógu að snú-
ast hjá þjálfaranum, sem segist
oft vinna sjö daga vikunnar. „Ég
hef unnið mikið í vetur en kann
því vel. Mér hefur líkað vel að
vera hér í Reykjavík,“ segir hann
og bætir við að veðrið hafi verið
áhugavert. „Það breytist ótrúlega
oft yfir daginn, en ég læt það ekki
á mig fá, veður er bara veður.
Skammdegið og birtuna þekkti ég
frá tíma mínum í Alaska.“
Webster segir ánægjulegt að
geta miðlað þekkingu sinni og
samböndum á Íslandi. Vinir hans
úr dansheiminum, Lucia Hutch-
ins og James E. Martin, ætla að
halda námskeið í Listdansskólan-
um í júní og svo er hann að und-
irbúa námskeið sem færa mun
Hollywood til Íslendinga. „Ég get
ekki sagt meira um það í bili en
það verður frábært,“ segir hann
og brosir sínu breiðasta.
Stökkva hærra og ná lengra
G. Webster Smith er bandarískur skautaþjálfari sem hefur sett svip sinn á starf skautafélagsins Bjarnarins undanfarið ár en
stúlkur undir handleiðslu hans hafa náð góðum árangri í vetur. Sigríður Björg Tómasdóttir hitti Webster á ís og þurru.
METNAÐARFULLUR Webster á heimavelli í Egilshöll þar sem skautafélagið Björninn hefur aðsetur. Hann segir frábært að fylgjast
með framförum íslensku skautadansaranna í vetur og stefnir á að ná enn lengra næsta vetur. FRÉTTABLAÐIÐ/VALLI
Í LISTDANSSKÓLANUM Nemar í listdansi í danstíma hjá Webster, hann kennir þar
enda lærður dansari. FRÉTTABLAÐIÐ/DANÍEL
ÆFT AF KAPPI Æfingar utan íssins eru mikilvægar, segir Webster, sem hvetur
stúlkurnar til að æfa sig heima líka. FRÉTTABLAÐIÐ/VALLI
Agnes Dís Brynjarsdóttir er helsta skautastjarna
Bjarnarins í sínum aldursflokki. Hún fer í æfinga-
búðir með Webster í sumar í Bandaríkjunum og
hlakkar til. „Mér líst mjög vel á það og hlakka
mikið til,“ sagði Agnes þegar Fréttablaðið
hitti hana í Egilshöll. Agnes er þrettán
ára og hefur æft listdans á skautum
síðan hún var sjö ára. „Núna æfi ég
sex til sjö sinnum í viku,
ég fer stundum á laugar-
dögum en ekki alltaf. Það
er bara æðislegt að vera hér að
æfa, mig langar mest að fara til útlanda
og vinna verðlaun þar á mótum,“ segir
Agnes, sem upphaflega langaði
mest í hokkí. „Mamma setti mig
á skauta þegar ég var lítil, mig
langaði í hokkí en mamma setti mig í
listskauta,“ segir Agnes Dís, sem segir félaga sína á
svellinu vera bestu vinkonur sínar. „Við erum bestu
vinkonur á svellinu og það er bara best af öllu að
vera hér,“ segir hún að lokum.
LAGERÚTSALA
15 -70%
AFSLÁTTUR
www.casa.is • Skeifan 8Merkjavara á góðu verði
Síðasti dagurinn á morgun sunnudag
Laugardagur 10.00 til 18.00
Sunnudagur 13.00 til 18.00
OPNUNARTÍMAR UM HELGINA
ÞAÐ Á ALLT AÐ SELJAST