Fréttablaðið - 04.06.2011, Side 88

4. júní 2011 LAUGARDAGUR60
Ég er oft spurð að því hvort ég þurfi ekki að fórna miklu fyrir íþróttirnar. Þá
er oftast verið að vísa í þá staðreynd að líf mitt er töluvert frábrugðið lífi
flestra jafnaldra minna. Ég drekk ekki, fer sjaldan út á lífið, ég borða ekki
óhollan mat og það er ekki hlaupið að því fyrir mig að skreppa út á kvöldin
að hitta vini mína þegar það er morgunæfing daginn eftir og ég þarf að fara
snemma að sofa. Þrátt fyrir það svara ég þessari spurningu alltaf neitandi.
Í mínum huga eru það gífurlega mikil forréttindi að fá tækifæri til þess
að elta og upplifa drauminn minn og fást við það sem ég hef yndi af á
hverjum einasta degi. Það er ég sjálf sem vel að haga lífi mínu á þann hátt
sem ég geri og ýmislegt sem aðrir myndu álíta mikla fórn er einfaldlega
hluti af mínum draumi.
Nú er komið að því að ég flytji af landi brott. Ég flyt burt frá fjölskyldunni
og bestu vinum mínum. Ég kem til með að sakna margs frá Íslandi og
vissulega er eftirsjáin til staðar, enda væri sorglegt ef svo væri ekki. En það
er eins með íþróttirnar og margt annað í lífinu, við fáum ekki endalaust af
tækifærum. Við verðum að stökkva á þau tækifæri sem okkur bjóðast. Það
er oft auðveldast að láta tækifærin renna sér úr greipum. Það getur verið
mjög erfitt að þora að taka ákvarðanir sem breyta lífi manns. Þá er það
oftast hræðslan við að mistakast sem hindrar okkur í því að taka slaginn,
leggja út öll spilin. Íþróttir eru nefnilega í eðli sínu ekki frábrugðnar fjár-
hættuspili.
Við höfum aldrei tryggingu fyrir því að eitthvað muni heppnast. Það
eina sem við getum gert er að fylgja eigin sannfæringu og grípa tækifærin
sem okkur bjóðast. Þá þurfum við vonandi aldrei að líta til baka og hugsa:
„Hvað ef …?“
Fórnir eða forréttindi?
Helga Margrét Þorsteinsdóttir frjálsíþróttakona
HANDBOLTI A-landslið kvenna spil-
ar afar mikilvægan leik í Voda-
fone-höllinni á morgun. Þá spilar
liðið fyrri leik sinn gegn Úkraínu í
umspili um laust sæti á næsta HM.
Stelpurnar eiga ágætis möguleika
á að komast á HM en til að eiga
raunhæfan möguleika verður liðið
að ná góðum úrslitum í leiknum
hér heima.
„Við erum með fínar upplýsing-
ar um úkraínska liðið og ættum að
þekkja það vel. Þetta er klassískt
austantjaldslið. Það spilar 6/0 vörn.
Liðið er gott í hraðaupphlaupum en
að sama skapi eiga leikmenn liðs-
ins það til að vera latir að hlaupa
til baka. Ef það er tekið á þeim eru
þær fljótar að pirrast. Það verðum
við að nýta okkur,“ sagði lands-
liðsþjálfarinn Ágúst Þór Jóhanns-
son en hann segir nauðsynlegt að
keyra upp hraðann í leiknum.
„Þær spila líka langar sóknir
og við verðum að vera þolinmóð-
ar í vörninni. Svo verðum við að
keyra á þær þegar tækifæri gefst
til. Tæknifeilarnir eru líka dýrir
í svona leikjum og þeir mega alls
ekki vera margir í þessum leik.“
Úkraínska liðið er í styrkleika-
flokki fyrir ofan Ísland en litlu
munar á liðunum og möguleikarn-
ir eru því ágætir að mati Ágústs.
„Þær eru sigurstranglegri enda
í efri styrkleikaflokki og reynd-
ari. Að sama skapi erum við með
mjög gott lið og teljum okkur eiga
fullt erindi í þetta einvígi. Mark-
miðið er að vinna og komast á HM.
Ég vil ekki tala um hversu stórt
við verðum að vinna leikinn hér
heima. Það er ekki gott. Við verð-
um að halda okkur við okkar leik-
skipulag. Þetta verður alltaf erf-
iður leikur,“ sagði Ágúst en HSÍ
stefnir á að fá 2.000 manns á leik-
inn og Ágúst óskar eftir stuðningi
áhorfenda.
„Stelpurnar eiga það skilið að
það verði fjölmennt á leikinn og
stutt við bakið á þeim. Okkar bíður
erfiður útivöllur eftir viku og við
verðum að eiga líka sterkan heima-
völl í svona mikilvægum leik. Ég
óska eftir því að fólk komi og horfi
á. Ég lofa að það verður enginn
svikinn af því.“
Ágúst var ráðinn landsliðsþjálf-
ari í lok mars og vakti athygli að
hann var aðeins ráðinn fram yfir
þetta verkefni. Liðinu hefur gengið
vel undir hans stjórn og nú síðast
velgdi það silfurliði Svía frá EM
vel undir uggum. Telur hann sig
vera að keppa um starfið í þessum
leikjum?
„Ég lít ekki þannig á það. Ég var
bara ráðinn í þetta verkefni og ein-
beiti mér að því að klára það. Við
förum svo yfir málin eftir það,“
sagði Ágúst en hann útilokar ekki
að þjálfa liðið áfram ef krafta hans
verður óskað. - hbg
Þær eiga skilið stuðning
Ágúst Þór Jóhannsson, þjálfari A-landsliðs kvenna í handknattleik, vill sjá fulla
Vodafone-höll á morgun þegar Ísland spilar fyrri leik sinn gegn Úkraínu í um-
spili um laust sæti á HM. Ágúst segir Ísland eiga ágæta möguleika í leikjunum.
STANDA SAMAN Íslenska liðið þarf að eiga mjög góðan leik gegn Úkraínu á morgun.
FRÉTTABLAÐIÐ/DANÍEL
A-landslið kvenna leikur
fyrri leik sinn við Úkraínu í
undankeppni fyrir HM sem
fram fer í desember í Brasilíu.
Stelpurnar þurfa nauðsynlega
á góðum stuðningi að halda til
að tryggja sér hagstæð úrslit
en síðari leikur liðanna fer
fram í Úkraínu.
ÁFRAM ÍSLAND!
M
ed
ia
G
ro
u
p
eh
f
|
A
u
g
lý
si
n
g
ar
|
H
S
Í
2
0
1
1
ÍSLAND–ÚKRAÍNA
A-LANDSLIÐ KVENNA
UMSPILSLEIKUR FYRIR HM Í BRASILÍU
Vodafonehöllin
Sunnudaginn 5. júní | Kl. 16.30
Aðgangseyrir 1000 krónur
Miðasala á