Fréttablaðið - 15.06.2011, Blaðsíða 11

MIÐVIKUDAGUR 15. júní 2011 11
bmvalla.is
BM Vallá ehf
Breiðhöfða 3
110 Reykjavík
Vörur okkar eru sérhannaðar fyrir íslenskar aðstæður.
Fáðu tilboð og gerðu verðsamanburð!
Sími: 412 5050
Fax: 412 5001
sala@bmvalla.is
Opið mánud.-föstud. 8-17
Terra
nýr valkostur fyrir veröndina
Terra er nýtt og fallegt verandarefni
úr slípuðum hellum sem fæst í hvítu, gráu
og svörtu.
Terra er hagkvæm og endingargóð lausn
á veröndina, laus við umstang og viðhald
sem fylgir hefðbundnum pallaefnum. Ekki
eyða sumarfríinu í viðhald.
Komdu á sýningarsvæði okkar í Fornalundi
og skoðaðu Terra-hellurnar eða hafðu
samband við söludeildir okkar.
PI
PA
R\
TB
W
A
·
SÍ
A
·
11
16
99
BANDARÍKIN, AP Sjö repúblikanar,
sem allir sækjast eftir að verða
forsetaefni Repúblikanaflokksins
gegn Barack Obama á næsta ári,
beindu spjótum sínum að sam-
eiginlegum óvini sínum í fyrstu
sjónvarpsumræðum kosninga-
baráttunnar á mánudagskvöld.
Hver á fætur öðrum gagnrýndu
þeir Obama harðlega, einkum
fyrir það hvernig hann hefur tekið
á efnahagsmálum, en létu að mestu
eiga sig að gagnrýna hver annan.
Mitt Romney, fyrrverandi ríkis-
stjóri í Massachusetts, þótti standa
sig einna best og kom það frétta-
skýrendum á óvart, en skýringuna
töldu þeir liggja í því hve mjúkum
höndum repúblikanarnir fóru hver
um annan.
Flestir hafa repúblikanarnir sjö
áður sóst eftir að verða forseta-
efni flokksins, en nýliðarnir voru
þingkonan Michele Bachmann og
kaupsýslumaðurinn Herman Cain.
Bachmann þótti koma sterk inn
og uppskar fögnuð í salnum þegar
hún spáði því að Obama muni
ekki takast að sitja lengur en eitt
kjörtímabil. Fyrstu forkosningar
flokkanna fyrir kosningarnar á
næsta ári verða í desember. - gb
Sjö repúblikanar herja á Barack Obama í fyrstu stóru kosningakappræðunum:
Mitt Romney þótti standa sig einna best
REPÚBLIKANARNIR SJÖ Rick Santorum, Michele Bachmann, Newt Gingrich, Mitt
Romney, Ron Paul, Tim Pawlenty og Herman Cain á sviðinu í New Hampshire.
FRÉTTABLAÐIÐ/AP
FERÐAÞJÓNUSTA Samtök ferðaþjón-
ustunnar eru ósátt við útdeilingu
á nýjum gistináttaskatti. Lög um
skattinn voru samþykkt á Alþingi
í síðustu viku og munu taka gildi
um áramótin.
Lögin fela í sér að gististaðir
greiði 100 krónur af hverri gisti-
náttaeiningu í skatt. Tekjum af
þessu verður skipt þannig að 60
prósent fara til Framkvæmda-
sjóðs ferðamannastaða en 40 pró-
sent til þjóðgarða og friðlýstra
svæða. Samtökin vildu að allar
tekjurnar rynnu í sama sjóðinn.
Þá segja samtök ferðaþjónust-
unnar að gististaðir séu ekki í
stakk búnir að greiða nýjan skatt.
- þeb
Samtök ferðaþjónustunnar:
Vildu tekjurnar
í sama sjóðinn
LÖGREGLUMÁL Sjö ára stúlka slas-
aðist lítillega þegar ekið var á
hana við Hringbraut í Keflavík
um miðjan dag í gær.
Stúlkan var að hjóla með vin-
konu sinni þegar slysið varð.
Þær hjóluðu á gangstétt en bíl
var ekið út úr innkeyrslu og lenti
stúlkan á horni bílsins. Við það
féll hún í götuna. Hátt grindverk
er við innkeyrsluna, sem olli því
að ökumaðurinn sá ekki stúlk-
urnar.
Lögreglumenn urðu vitni að
slysinu og kölluðu móður stúlk-
unnar til. Stúlkan var færð undir
læknishendur en var ekki mikið
slösuð. - þeb
Slasaðist ekki mikið:
Keyrt á sjö ára
stelpu í Keflavík
AUSTURRÍKI, AP Austurrísk stjórn-
völd tóku snarlega tvo tinda í
Alpafjöllunum úr sölu í gær, í bili
að minnsta kosti. Ástæðan er flóð
mótmæla,sem stjórnvöld fengu
yfir sig þegar fréttist af þessum
áformum.
Kaupendurnir hefðu reyndar
þurft að sætta sig við strangar
hömlur á hvers kyns fram-
kvæmdum á tindunum, sem heita
Rosskopf og Grosse Kinigat.
Búist er við að tindarnir verði
fljótlega boðnir til sölu á ný, en
þá ekki hverjum sem er heldur
verði einungis austurrískum
ríkis borgurum leyft að kaupa. - gb
Mótmælaflóð í Austurríki:
Sölu fjallstinda
var frestað í bili
FJALLSTINDUR TIL SÖLU Rosskopf
verður líklega boðinn til sölu aftur innan
skamms. NORDICPHOTOS/AFP
NÁTTÚRA Dagur hinna villtu blóma
verður haldinn hátíðlegur á
sunnudag á fjórtán stöðum vítt og
breitt um landið.
Áhugasömum gefst færi á þátt-
töku í tveggja tíma gönguferð með
leiðsögn um plönturnar sem vaxa
allt í kringum okkur. Á höfuðborg-
arsvæðinu verða tvær göngur;
önnur um Laugarás og hin við
Geldinganes. Þá verður gengið um
Krossanesborgir við Akureyri og
á ellefu öðrum stöðum úti á landi.
Nánari upplýsingar eru á www.
floraislands.is. - mþl
Blómagöngur á sunnudag:
Dagur hinna
villtu blóma