Fréttablaðið - 15.06.2011, Blaðsíða 43

MIÐVIKUDAGUR 15. júní 2011 35
HANDBOLTI Íslenska kvennalands-
liðið endurskrifaði sögu kvenna-
landsliða á Íslandi um helgina
þegar þær tryggðu sér sæti á HM
í Brasilíu sem fer fram í desember.
Engu öðru kvennalandsliði hafði
áður tekist að komast á heims-
meistaramót.
Ágúst Jóhannsson og aðstoðar-
maður hans Einar Jónsson tóku
við liðinu fyrir umspilsleikina en
samningur þeirra náði aðeins yfir
leikina við Úkraínu sem unnust
samanlagt 61-42.
„Við höfum sagt það og sýnt að
þeir sem hafa náð árangri með
landsliðin okkar hafa fengið að
klára þau verkefni. Þeim stendur
það til boða en þeir þurfa bara að
skoða það með sínum klúbbum.
Það er áhugi hjá öllum að halda
þessu samstarfi áfram og þeir
vissu það áður en þeir fóru í þetta
verkefni. Þeir eru í öðru starfi og
því miður fáum við ekki styrki
svo að við getum haldið þessu
sem fullu starfi,“ sagði Knút-
ur G. Hauksson, formaður HSÍ.
Hann er gríðarlega ánægður með
frammistöðu kvennalandsliðsins,
sem hann segir vera uppskeru af
afreksstefnu sambandsins. „Þarna
eru mikið ungar stelpur sem hafa
margar tekið þátt í heimsmeistara-
keppnum yngri landsliða. Þær
þekkja þetta og vilja vera þarna,“
sagði Knútur. Hann býst einnig
við því að Guðmundur Guðmunds-
son verði áfram með karlaliðið
sem komst á sjöunda EM í röð um
helgina.
„Guðmundur er með samning
fram yfir Ólympíuleikana eins og
oft hefur komið fram. Við erum
ekki að ræða við hann um neitt
annað,“ sagði Knútur en þetta yrði
þá áttunda stórmótið undir stjórn
Guðmundar. - óój
Ágúst Jóhannsson og Einar Jónsson komu íslensku stelpunum á HM en eru ekki með lengri samning:
Áhugi hjá öllum að þeir verði áfram með liðið
FRÁBÆR ÁRANGUR Ágúst Jóhannsson
og Einar Jónsson. FRÉTTABLAÐIÐ/DANÍEL
FÓTBOLTI Nýliðar ÍBV í Pepsi-
deild kvenna mæta á KR-völlinn
í kvöld þar sem þeir mæta heim-
stúlkum í 5. umferð deildarinn-
ar. ÍBV-liðið hefur slegið í gegn í
byrjun móts og er með fullt hús
og hreint mark eftir leiki á móti
Þór/KA (5-0), Aftureldingu (5-0),
Breiðabliki (2-0) og Þrótti (2-0).
Liðin sem hafa verið með fullt
hús eftir fjóra leiki undanfarin
tvö tímabil hafa bæði tapað stig-
um í fimmtu umferð. Valur gerði
1-1 jafntefli við Stjörnuna í fyrra
og Stjarnan tapaði óvænt fyrir
GRV árið á undan. Nú er að sjá
hvort Eyjastúlkur nái að brjóta
þá hefð í kvöld en leikurinn hefst
klukkan 18.00. Heil umferð fer
annars fram í kvöld. Leikur Þór/
KA-Stjarnan hefst klukkan 18.30
og en klukkan 19.15 spila Aftur-
elding-Valur, Þróttur R.-Grinda-
vík og Fylkir-Breiðablik. - óój
Eyjastúlkur í Vesturbæinn:
Geta unnið
fimmta í röð
FULLT HÚS OG HREINT MARK Markatala
ÍBV-liðsins er 14-0. FRÉTTABLAÐIÐ/ANTON
HANDBOLTI Það kemur í ljós í dag
hvaða þrjár þjóðir verða í riðli
með Íslandi á EM í Serbíu sem
fer fram í janúar næstkomandi.
Íslenska karlalandsliðið er í
þriðja styrkleikaflokki og getur
ekki lent í riðli með gestgjöfun-
um, Spánverjum eða Tékkum.
Frakkar, Króatar, Þjóðverjar
og Pólverjar eru í fyrsta styrk-
leikaflokki en í öðrum styrkleika-
flokki eru Danir, Norðmenn, Ung-
verjar og Svíar.
Ef strákarnir verða heppnir
þá gætu þeir lent í riðli með Pól-
landi, Noregi og Makedóníu en
versta mögulega útkoman væri
að lenda í riðli með Frökkum og
Dönum sem spiluðu til úrslita á
síðasta heimsmeistaramóti.
Fjórar þjóðir vita þegar í hvað
riðli lið þeirra verða þó að drátt-
ur hafi ekki farið fram: Serbar
(A-riðli í Belgrad), Makedóníu-
menn (B-riðill í Nis), Ungverjar
(C-riðill í Novi Sad )og Króatar
(D-riðlill í Vrsac).
Drátturinn hefst klukkan 10.00
að íslenskum tíma og það er hægt
að fylgjast með honum á www.
ehf-euro.com/SRB2012/. - óój
Dregið í riðla á EM í dag:
Sleppa þeir við
Frakka og Dani?
BJÖRGVIN PÁLL GÚSTAVSSON Hefur
verið í miklu stuði í ár. FRÉTTABLAÐIÐ/PJETUR
’Coca-Cola’,’Coke’ and the ‘Coca-Cola’ contour bottle are trademarks of The Coca-Cola Company. © 2011 The Coca-Cola Company.
Coca-Cola® er stoltur stuðningsaðili
íslenska U-21 árs landsliðsins.
Bjarni Þór Viðarsson
Fyrirliði