Fréttablaðið - 30.06.2011, Qupperneq 72

30. júní 2011 FIMMTUDAGUR56
ÍF er frá fiskibæ þar
sem fisklyktina leggur
yfir allan bæinn og knatt-
spyrnuvöllinn líka. Ég fékk
sjokk þegar ég kom þangað
fyrst.
ÞÓRÐUR STEINAR HREIÐARSSON
FYRRVERANDI LEIKMAÐUR HB
FÓTBOLTI KR hefur í kvöld keppni í
undankeppni Evrópudeildar UEFA
þegar liðið mætir ÍF Fuglafjørður
í Þórshöfn í Færeyjum. Liðin mæt-
ast svo aftur í næstu viku en þá á
KR-vellinum.
Rúnar Kristinsson, þjálfari KR,
segir sína menn renna blint í sjó-
inn enda hefur lítill tími gefist til
undirbúnings fyrir leikinn og erf-
itt verið að afla sér upplýsinga um
liðið.
„Við mættum FH í bikarnum á
fimmtudaginn og svo Grindavík
á sunnudagskvöldið. Það hefur
því verið þétt dagskrá hjá okkur,“
sagði Rúnar, en KR-ingar héldu
utan í gærmorgun og æfðu á
keppnisvellinum í gærkvöldi.
Hátíðarstemning hjá ÍF
Af stigatöflu Vodafone-deildarinn-
ar í Færeyjum að dæma eru Fugla-
firðingar í mikilli lægð. Liðið er í
næstneðsta sæti deildarinnar með
tólf stig eftir þrettán leiki. ÍF náði
fjórða sætinu í fyrra og fékk þann-
ig þátttökurétt í Evrópukeppni í
fyrsta sinn í sögu félagsins. „Þrátt
fyrir slakt gengi í deildinni í ár er
þetta önnur keppni og þeir eru að
keppa í fyrsta sinn á þessum vett-
vangi. Það má því gera ráð fyrir
hátíðarstemningu hjá liðinu og
þeir munu sjálfsagt leggja mikið
á sig og spila af krafti eins og
Færeyingar eru þekktir fyrir. Við
þurfum að vera búnir undir það að
mæta þeim af fullri hörku,“ bætti
Rúnar við.
Þórður Steinar Hreiðarsson,
fyrrverandi leikmaður Þróttar,
þekkir vel til í Færeyjum, en hann
lék með HB í Þórshöfn í fyrra og
varð meistari með liðinu. Hann
fékk sig lausan nú í vor og hefur
æft með Valsmönnum að undan-
förnu. Þórður segir að talsvert
meiri harka sé í færeysku deild-
inni en þeirri íslensku og að ÍF sé
þekkt fyrir mikla baráttu.
Færeyski boltinn miklu harðari
„Það eina sem þeir gera út á er
að slást og berjast. Ég var reglu-
lega spurður hvort íslenska deild-
in væri ekki miklu harðari en sú
færeyska en færeyski boltinn er
miklu, miklu harðari. Með tilkomu
knattspyrnuhúsanna hér heima
hefur boltinn á Íslandi breyst
mikið og leikmenn eru mun tekn-
ískari en áður,“ sagði Þórður og
sagði lið utan Þórshafnar sérstak-
lega hörð í horn að taka.
„ÍF er frá fiskibæ þar sem fisk-
lyktina leggur yfir allan bæinn og
knattspyrnuvöllinn líka. Ég fékk
sjokk þegar ég kom þangað fyrst,“
sagði hann og hló. „En leikmenn
liðsins hika ekki við að keyra í
andstæðinginn og komast oft langt
á því. Þeir gætu lent í vandræðum
í þessum leik ef dómarinn tekur
hart á brotunum.“
Mun slakara lið en í fyrra
Hann ítrekar þó að liðið virðist
vera mun slakara nú en í fyrra. „Í
fyrra voru þeir góðir en arfaslakir
í ár. Liðið missti marga leikmenn
í vetur og hefur í raun ekki feng-
ið mikið í staðinn. Það er í tómum
vandræðum í neðri hluta deildar-
innar nú en liðin þar eru talsvert
lakari en þau í efri hlutanum. Það
er talsverður getumunur á milli
efsta liðsins og þess neðsta. Ég
fékk símtal frá leikmanni KR um
daginn þar sem hann spurði mig
um liðið og sagði ég honum að með
öllu réttu ætti þetta að vera bók-
aður sigur hjá KR.“
Passa upp á hugarfarið
Rúnar er þó spar á stóru orðin og
leggur þeim mun meiri áherslu
á að leikmenn liðsins mæti með
réttu hugarfari til leiks í kvöld.
„Menn þurfa að gera sér grein
fyrir því að það þarf að hafa fyrir
öllum sigrum, sama við hvaða lið
er verið að spila og frá hvaða landi.
Innst inni gæti leynst sú trú hjá
leikmönnum að þetta gæti orðið
auðvelt hjá okkur en það er okkar
þjálfaranna að sjá til þess að við
föllum ekki í þá gryfju að vanmeta
andstæðinginn.“ eirikur@frettabladid.is
GUNDADALUR KR-ingar leika á Gundadalsvelli í kvöld, sem er gervigrasvöllur í höfuð-
borginni Þórshöfn. MYND/ARNE LIST
Fuglafirðingar á lágflugi í Færeyjum
KR mætir ÍF Fuglafjørður frá Færeyjum í undankeppni Evrópudeild UEFA í dag. Rúnar Kristinsson segir
KR-inga renna blint í sjóinn en Þórður Steinar Hreiðarsson, fyrrum leikmaður HB, reiknar með sigri KR.
FÓTBOLTI „Þetta er stór stund fyrir
okkur hjá ÍBV en það er ekki hægt
að neita því að það er niðurlægj-
andi að þurfa að koma í bæinn til
þess að spila Evrópuleik,“ sagði
Heimir Hallgrímsson, þjálfari
ÍBV, en hans lið tekur á móti írska
liðinu Saint Patrick’s í Evrópu-
deildinni í kvöld. Leikurinn fer
fram á heimavelli Vals, Vodafone-
vellinum.
Heimavöllur ÍBV, Hásteinsvöll-
ur, uppfyllir ekki skilyrði fyrir
Evrópuleiki og því urðu Eyjamenn
að koma í bæinn til að spila. Eyja-
mönnum hefur engu að síður geng-
ið vel á Vodafone-vellinum, þann-
ig að þeim líður ekkert sérstaklega
illa þar.
„Þetta er hörkuverkefni. Við
erum að mæta liði sem á að vera
betra en við. Þeir hafa unnið þrett-
án leiki í röð í írska boltanum og
eru komnir á toppinn. Þetta er
svona týpískt breskt lið eins og
maður sá í svarthvítu í sjónvarp-
inu í gamla daga,“ sagði Heimir,
en hann hefur kynnt sér andstæð-
inginn vel. „Þeir spila 4-4-2 með
kraftmikla framherja. Allir leik-
mennirnir í liðinu eru gríðarlega
vinnusamir og kunna að setja
pressu á andstæðinginn.
Þeir eru líka harðir og renna
sér mikið. Það verður væntan-
lega mikið tæklað á vellinum og
kannski svo mikið að Valsmenn
sjái eftir því að hafa lánað okkur
völlinn,“ sagði Heimir léttur.
Hann er hæfilega bjartsýnn
fyrir leikinn og segir að sínir
menn verði að spila vel.
„Við verðum að halda boltan-
um á jörðinni og vera mjög klók-
ir í okkar aðgerðum. Við fórum í
háloftaspyrnur gegn Stjörnunni
um daginn og það gengur ekki.
Við verðum að láta boltann rúlla
á jörðinni. Svo verðum við að sjá
hvað gerist. Ég held þetta verði
skemmtilegur leikur og vonandi
fjölmennir fólk,“ sagði Heimir, en
leikurinn hefst klukkan 18.00.
- hbg
ÍBV spilar Evrópuleik á Vodafone-vellinum í kvöld:
Niðurlægjandi að þurfa
að spila leikinn í bænum
HEITUR MEÐ GRÍMUNA Tryggvi Guðmundsson skoraði tvö mörk með grímuna á
Vodafone-vellinum um daginn. FRÉTTABLAÐIÐ/HAG
FÓTBOLTI Manchester United gekk
í gær frá samningi við spænska
U-21 árs landsliðsmarkvörðinn
David de Gea. Hann kemur til
félagsins frá Atletico Madrid og
skrifaði undir fimm ára samn-
ing við Englandsmeistara Man.
United.
Hinn tvítugi de Gea fær það
verðuga verkefni að leysa Hol-
lendinginn Edwin van der Sar af
hólmi hjá United en það er ansi
stórt skarð að fylla enda hefur
van der Sar verið frábær í marki
United síðustu ár.
„Ég er mjög stoltur og get ekki
beðið eftir að spila hérna. Þegar
risafélag eins og Manchester Uni-
ted kemur á eftir manni er maður
augljóslega mjög ánægður,“ sagði
de Gea, sem er nýbakaður Evr-
ópumeistari með spænska U-21
árs landsliðinu.
„Þegar ég vissi af áhuga félags-
ins fékk ég aukahvatningu til
þess að leggja enn harðar að mér.
Það eru forréttindi að spila fyrir
félag eins og United og ég ætla að
sýna hvað í mér býr.“
Hermt er að Man. Utd hafi
greitt sautján milljónir punda
fyrir markvörðinn. - hbg
De Gea kominn til Man. Utd:
Er mjög stoltur
ARFTAKINN FUNDINN De Gea mun
leysa Van der Sar af hólmi.
NORDIC PHOTOS/GETTY IMAGES
ALLIR Á VÖLL
INN!
fös. 01. júl 18:00 Fylkir - FH Fylkisvöllur
fös. 01. júl 19:15 KR - Grindavík KR-völlur
fös. 01. júl 19:15 Stjarnan - Valur Stjörnuvöllur
lau. 02. júl 16:00 ÍBV - Afturelding Hásteinsvöllur

Karlar
lau. 02. júl 16:00 Þór - Grindavík Þórsvöllur
sun. 03. júl 14:00 BÍ/Bolungarvík - Þróttur R. Torfnesvöllur
sun. 03. júl 17:00 Fjölnir - ÍBV Fjölnisvöllur
sun. 03. júl 20:00 KR - Keflavík KR-völlur
Konur
Hverjir komast áfram?
8 liða úrslit karla og kvenna
H
V
ÍT
A
H
Ú
S
IÐ
/
S
ÍA