Fréttablaðið - 24.09.2011, Síða 65

fjölskyldan 5
undir eftirliti með að gera ekki
sömu mistök og Veigar, og að vera
góð fyrirmynd fyrir Kjartan.“
Kjartan er í áttunda bekk
Háteigsskóla og fermist í vor: „Það
hefur nú minnkað á síðustu árum
en lengi fannst mér verst að vera
notaður í alls kyns snúninga fyrir
eldri bræður mína.“
Tilheyrir að fljúgast á
Bræðurnir eru sammála um dýr-
mæti félagsskapar hvers annars
og allir vildu þeir vera vinir ef
ekki væru þeir bræður.
„Gunnar Jökull býr yfir gífur-
legu umburðarlyndi og aðdáunar-
verðum vilja til að gleðja aðra, og
Kjartan er skemmtilegur orkubolti
sem er alltaf til í að gera eitthvað
skemmtilegt,“ segir Veigar um
kosti bræðra sinna.
Gunnar Jökull segir bræður sína
bæði fyndna og skemmtilega, og
Kjartani þykir þeir allir hafa allt
gott til brunns að bera.
En slæst aldrei upp á vinskap-
inn? „Jú, jú, bræðraslagir hafa
komið upp á í gegnum árin, en
þeim hefur fækkað mikið. Það er
í eðli stráka að finnast gaman að
tuskast og tilheyrir í bræðrahópi
að takast svolítið á,“ segir Gunnar
Jökull og uppsker samþykki
bræðra sinna.
„Þegar maður umgengst fólk
jafn mikið og bræður sína á heim-
ili er eðlilegt að mönnum líki ekki
alltaf hverjum við annan. Því
koma upp útistöður en þeim hefur
fækkað mikið og nú tökumst við
bara á í gríni,“ upplýsir Veigar.
Bræður að eilífu
Að sögn foreldra þeirra, Sigríð-
ar Kjartansdóttur og Gunnars
Jónssonar, eru bræðurnir sterkir
félagslega, í stórum vinahópum og
rekast vel í hópi. Heima eru þeir
aldir upp við samverustund fjöl-
skyldunnar við matborðið á laug-
ardagskvöldum og leggja mikið
upp úr þeirri samveru, enda mikið
hlegið og spjallað á þeim stundum.
„Við erum sannir vinir, alltaf
kátir að hittast og njótum tím-
ans sem gefst á milli náms, tóm-
stunda og annarra vina. Þannig
kann ég best að meta stundirnar
heima og ferðalög sem við upplif-
um saman,“ segir Veigar. Kjartani
finnst skemmtilegast að fara með
bræðrum sínum á snjóbretti og
Gunnar Jökull hefur sína skoðun
á vináttu bræðranna:
„Bræður bindast sterkum bönd-
um því þeir hafa þekkst alla ævi.“
Veigar telur bræðrabönd frá-
brugðin vinaböndum því bræð-
ur alist upp við sambærilegar
aðstæður. „Bræðrabönd endast
mannsævina út en vinabönd koma
og fara, þótt þau geti líka verið
sterk. Við gætum hver annars og
stöndum saman þegar eitthvað
bjátar á, þótt við séum líka oft
ósammála og rífumst.”
Vinir í raun og lífsháska
Bræðurnir segjast aldrei hafa
saknað þess að eiga systur, enda
viti þeir ekki hvernig það sé.
„Ég er bara ánægður að eiga
þessa bræður sem eru alltaf til
staðar fyrir mig,“ segir Kjartan,
og víst hefur reynt á stuðning og
hjálparhönd í gegnum tíðina.
„Bróðureðlið er að standa
saman. Ég passa upp á bræður
mína og þeir passa upp á mig.
Þannig bjargaði ég Veigari frá
drukknun þegar ég var sex ára
og hann féll ofan í vök á ísi lögðu
vatni,“ segir Gunnar Jökull, sem
einnig hefur oft gætt Kjartans,
eins og Veigar stóri bróðir.
„Ég var lengi óvarkár í umferð-
inni, æddi út á götur og fyrir bíla,
en þá var ég heppinn að hafa styrk-
ar hendur bræðra minna til að
stoppa mig,“ segir Kjartan. - þlg
FRAMHALD AF FORSÍÐU
Hann er engin byrði
Bróðurástin hefur orðið mörgum að yrkisefni en enginn lýsir henni þó eins fallega og Astrid
Lindgren í sögunni Bróðir minn Ljónshjarta. Þar nær ást þeirra Snúðs og Jónatans út yfir gröf og
dauða og óhugsandi er að annar þrífist án hins. Skyldulesning fyrir alla, jafnt börn sem foreldra.
Annar óður til bræðralagsins er hinn hugljúfi texti He Ain’t Heavy, He‘s My Brother sem flestir
þekkja í flutningi The Hollies. Það voru þeir Bobby Scott og Bob Russell sem sömdu lag og texta
fyrir Kelly Gordon árið 1969 og magnaðri óður til ástar á milli bræðra er vandfundinn.
Setningin: Hann er engin byrði – hann er bróðir minn ,finnst þó í prentuðum heimildum allt
aftur til ársins 1884. Seinna var frasinn gerður að einkennisorðum unglingastofnunarinnar Boys
Town í Nebraska að frumkvæði stofnandans, föður Flanagans.
Bróðir minn Ljónshjarta er hugljúfasta bræðrasaga
allra tíma.