Fréttablaðið - 24.09.2011, Síða 82

24. september 2011 LAUGARDAGUR50
Verið hjartanlega velkomin.
Hátíð í Fjölbrautaskólanum við Ármúla
laugardaginn 24. september kl. 14-17
Í tilefni af 30 ára afmæli FÁ og vígslu
nýbyggingar skólans bjóðum við til veislu.
Dagskráin hefst kl. 14 með ávörpum
og tónlist og síðan verða veitingar á boðstólum.
Fjölbreytt starfsemi skólans verður kynnt
og gestum boðið að skoða skólahúsið.
50
menning@frettabladid.is
Bjarni Bjarnason rithöfund-
ur hefur sent frá sér níundu
skáldsögu sína, Mannorð.
Sögupersónan er maður
sem snýr aftur til Íslands
eftir hátt flug í útrásinni.
„Sögupersónan elti mig eins og
skugginn um kaffihús, flugvélar,
flugstöðvar og hótel og ég saknaði
hennar dálítið þegar ég þurfti að
skilja við hana. Ef ég glugga í bók-
ina núna er ég ekki að spá í hana
sem bókmenntaverk, heldur að gá
hvernig gamall félagi minn hefur
það,“ segir Bjarni
Bjarnason rithöfund-
ur um níundu skáld-
sögu sína, Mannorð,
sem kom út í síðustu
viku.
Að sögn Bjarna
f laug téð sögu-
persóna, Starkaður
Leví, of nærri sólu á
útrásartímanum og
brenndi vængina. Í
bókinni nýtur hann
hins ljúfa lífs erlend-
is en fer svo að sakna
heimahaganna og áttar sig á að
hann þráir viðurkenningu frá
sínu eigin fólki. Þegar til Íslands
er komið biður Starkaður þjóð-
ina opinberlega fyrirgefningar
en lendir þess í stað í stökustu
vandræðum. Honum er bolað út
af frumsýningu í Þjóðleikhúsinu,
hrint í Kringlunni og fleira í þeim
dúr. Þegar ofan á bætist hugsan-
legur fangelsisdómur vaknar hjá
honum sú hugmynd hvort mögu-
legt sé að kaupa sér nýtt mann-
orð. Leiða þær umleitanir Starkað
að Almari Loga, vel liðnum rithöf-
undi sem undir niðri hefur glatað
trú á samfélag sitt.
Bjarni, sem hóf að skrifa Mann-
orð í apríl í fyrra, nýtti sér meðal
annars munnmælasögur um þær
viðtökur sem útrásarvíkingar
höfðu fengið í sínu daglega lífi
eftir hrunið við skriftirnar. Hann
segist hafa beðið marga um að
lesa handritið að bókinni yfir,
þar á meðal fólk sem tengt er við-
skiptaheiminum.
„Í ljós kom að lesendur meta
það með mismunandi hætti hvern-
ig gott mannorð verður til. Bar-
áttan um orðsporið er mikið til
barátta um „status“ í borgara-
legum heimi. Menn geta átt allt,
sem sýnir út á við að þeir séu
búnir að sigra í lífinu, en verið
samt hataðir. Þá verður bersýni-
legt að mannorð veltur á fullkom-
lega huglægum gildum, hverful-
um samskiptum allt
niður í hvort ein-
hver brosti falskt
eða ekki á svipulu
augnabliki. Að reyna
að stjórna orðspori
getur verið eins og
að reyna að stjórna
vindinum. Það er þó
nokkuð sem Stark-
aður Leví reynir að
gera í sögunni með
miklum en umdeilan-
legum árangri,“ segir
Bjarni.
Aðspurður segir Bjarni afar
dularfulla tilfinningu fylgja því
að senda frá sér þessa bók. „Allt
breyttist hjá mér. Ég skrifaði bók-
ina mest á kaffihúsinu Súfist-
anum. Þegar ég var búinn með
bókina var kaffihúsinu lokað og
innréttingin rifin niður, sem er
óhugnanlega mikið í anda sögunn-
ar. Á sama tíma þurrkaðist Face-
book-síðan mín út og hefur ekk-
ert bólað á henni síðan, sem er enn
meira í anda sögunnar. Ég get því
með sanni sagt að þegar ég hafi
látið verkið frá mér hafi ég glatað
stórum hluta af sjálfum mér. Núna
er ég að leita að nýju kaffihúsi til
að vinna á, nýju Facebook-sjálfi og
áhugaverðri sögupersónu. Allar
hugmyndir eru vel þegnar.“
kjartan@frettabladid.is
Baráttan erfiða
um orðsporið
MANNORÐ Þegar í óefni er komið veltir Starkaður Leví, helsta persóna skáldsögunnar
Mannorðs eftir Bjarna Bjarnason, því fyrir sér hvort hægt sé að kaupa nýtt mannorð.
FRÉTTABLAÐIÐ/ANTON
BARNALEIKSÝNINGIN ELDFÆRIN hefur göngu sína á ný á litla sviði Borgarleikhússins um helgina, með þeim
Guðjóni Davíði Karlssyni og Þresti Leó Gunnarssyni í aðalhlutverkum. Sýningin verður sýnd á litla sviði Borgarleikhússins alla
laugardaga og sunnudaga klukkan 13. Allar persónurnar úr Eldfærunum birtast ljóslifandi; nornin, prinsessan, allir þorpsbúar og
síðast en ekki síst hundarnir þrír með ógnarstóru augun.
Menn geta átt allt,
sem sýnir út á við
að þeir séu búnir
að sigra í lífinu, en
eru samt hataðir.
BJARNI BJARNASON
Á sýningunni „Sæta langa sumardaga“ sem var opnuð á Mokka á
föstudag má sjá tölvugerðar klippmyndir myndlistarkonunnar og
grafíska hönnuðarins Þórdísar Claessen. Þetta er sjöunda einka-
sýning Þórdísar, en í þetta sinn er grunnur verka hennar endur-
blandaðar ljósmyndir úr gömlum fjölskyldualbúmum. Á verkun-
um má sjá ýmsa forfeður hennar á góðum stundum, en saman við
klippir Þórdís hinar ýmsu vísanir, meðal annars gömul sælgætis-
bréf og aðrar nostalgíuvekjandi umbúðir. Þannig nær hún fram
þessari „rammíslensku sveitarjómantík með glassúr“, eins og hún
kallar það.
„Þetta er ævintýralega uppskrúfaður óður til forfeðra minna,“
segir Þórdís. „Þegar ég var að gera þessar myndir kafaði ég ofan í
myndaalbúmin þrjár kynslóðir aftur í tímann og rakst á marg-
ar perlur. Þarna voru greinilega margar góðar minningar, sem
mig langaði að vinna út frá. Útkoman er dísætar myndir sem ég
hef tekið eftir að vekja hlýlegar minningar hjá fólki. Ef ég næ að
framkalla slíkar tilfinningar er mínu takmarki náð.“
Sýningin verður opin fram til 20. október. - hhs
Rammíslensk sveitarjómantík
GLEÐI FORMÆÐRANNA Þórdís Claessen sýnir
klippimyndir, sem vekja minningar um horfna
tíma, á Mokka. MYND/ÞÓRDÍS CLAESSEN