Fréttablaðið - 24.09.2011, Qupperneq 91

LAUGARDAGUR 24. september 2011 59
Fyrrverandi eiginmaður leikkon-
unnar Goldie Hawn, Bill Hudson,
segir hana hafa viljað vera í opnu
hjónabandi. Hudson og Hawn
voru gift á árunum 1976-80 en í
nýútkominni ævisögu sinni segir
Hudson að Hawn hafi ítrekað
haldið framhjá honum, til dæmis
með leikurunum Warren Beatty
og Yves Renier. „Hún sagði alltaf
við mig að við værum sálufélagar
en að hún vildi vera með öðrum
karlmönnum líka.“
Hudson eignaðist tvö börn með
Hawn en annað þeirra er leikkon-
an Kate Hudson.
Vildi opið
hjónaband
VILDI EKKI BINDA SIG VIÐ EINN MANN
Leikkonan Goldie Hawn hélt ítrekað
framhjá fyrrverandi eiginmanni sínum,
Bill Hudson. NORDICPHOTO/GETTY
Rappsveitin Quarashi gefur
út safnplötu með bestu lögum
sínum fyrir jólin. Um er að ræða
þriggja diska pakka, tvo geisla-
diska og einn DVD-disk, eftir því
sem kemur fram á Facebook-síðu
sveitarinnar.
Safnpakkinn kallast Antho-
logy og það er Ómar Örn Hauks-
son, einn liðsmanna Quarashi,
sem hannaði umslagið. Pakkinn
kemur út um miðjan október, á
fimmtán ára afmæli hljómsveit-
arinnar.
Quarashi
gefur út
safnplötu
SAFNPAKKI Þriggja diska pakki með
bestu lögum Quarashi kemur út í næsta
mánuði.
„Þetta gekk ótrúlega vel og mynd-
in fékk mjög góð viðbrögð,“ segir
Davíð Óskar Ólafsson, framleiðandi
myndarinnar Á annan veg. Mynd-
in var sýnd á San Sebastian-kvik-
myndahátíðinni í vikunni en hún
keppir í svokölluðum New Direct-
ors Award-flokki. Verðlaunin eru
ekki af verri endanum, 15 milljónir
íslenskra króna, sem skiptast bróð-
urlega milli leikstjóra sigurmynd-
arinnar og spænsks dreifingar-
aðila sem dreifir myndinni í spænsk
kvikmyndahús.
Davíð segir að myndinni hafi í
kjölfarið verið boðið á fleiri kvik-
myndahátíðir.
„Salurinn hló mikið. Það er alltaf
svolítið stressandi að sýna myndir
erlendis því maður veit ekki hvort
húmorinn skilar sér til áhorfenda,“
segir Davíð en einn af framleiðend-
um myndarinnar er spænskumæl-
andi og sá um að þýða hana yfir á
spænsku. Og það virðist hafa heppn-
ast svona ljómandi vel. Davíð segir
San Sebastian-hátíðina alveg yndis-
lega. „Hún er mjög afslöppuð og það
var í einu orði sagt alveg frábært að
vera þarna.“ - fgg
Á annan veg fékk góðar
viðtökur í San Sebastian
GÓÐUR HÓPUR Sveinn Ólafur Gunnarsson, Theo Youngstein, Sindri Kjartansson, Davíð Óskar, Hafsteinn Gunnar, Hilmar Guðjóns-
son og Valgerður Rúnarsdóttir, unnusta Hafsteins Gunnars.