Fréttablaðið - 24.09.2011, Qupperneq 96

24. september 2011 LAUGARDAGUR64
VITUNDARVIKA 18. - 25. SEPTEMBER
UM ÞAÐ BIL 10.000 FULLORÐNIR
GLÍMA VIÐ ADHD Á ÍSLANDI
ja takkATHYGLI
FÓTBOLTI „Maður hugsar alltaf um að boltinn
sé að koma fyrir og maður verði að negla sér
á þetta,“ sagði Aron Bjarki Jósepsson, hetja
KR-inga í 3-2 sigurleiknum gegn Keflavík á
fimmtudagskvöld. Húsvíkingurinn rauðhærði
skoraði sigurmarkið í viðbótartíma af harðfylgi
eftir hornspyrnu. Óhætt er að segja að leik-
menn KR hafi fagnað Aroni Bjarka vel.
„Ég áttaði mig ekki á því að ég væri búinn að
skora. Ég lá bara á jörðinni og allt í einu voru
allir komnir í eina hrúgu. Ég vissi ekkert hvað
var að gerast,“ sagði Aron Bjarki.
Hann segir að hungur hafi verið komið
í leikmenn liðsins að klára leik, ná sigri.
Hlutirnir höfðu ekki verið að falla með liðinu í
leikjunum á undan þrátt fyrir að það hefði verið
betri aðilinn.
„Við tókum samt góðan skammt út í byrjun
tímabils,“ viðurkennir Aron, en velgengni
KR-inga í öllum keppnum langt fram eftir
sumri var með ólíkindum.
„Annars ertu tekinn og borðaður“
Aron Bjarki er uppalinn á Húsavík, þar sem
hann steig sín fyrstu spor með meistaraflokki
Völsungs aðeins sautján ára. Hann telur það
hafa hjálpað sér mikið að byrja snemma að
spila með meistaraflokki. Það sé tækifæri sem
ungir leikmenn á höfuðborgarsvæðinu fái ekki
alltaf.
„Meistaraflokkur er miklu alvarlegri en
þessi 2. flokkur þótt þar sé marga góða fótbolta-
menn að finna. Í meistaraflokki þarf strax að
taka hlutina alvarlega og gera þá almennilega.
Annars ertu tekinn og borðaður,“ segir Aron,
sem segist hafa verið ótrúlega heppinn með
hvernig ferill hans hafi þróast. Sumarið 2008
hafi þó breytt miklu í þróun hans sem knatt-
spyrnumanns.
Heimsótti einmana Serbann reglulega
„Jónas Hallgrímsson tók þann pól í hæðina
fyrir tímabilið 2008 að ungu strákarnir fengju
að spila. Við vorum allir settir í byrjunarlið-
ið og spiluðum sumarið í 2. deild. Við féllum
reyndar en ég held að þetta sumar sé ástæða
þess að það hafi ræst eitthvað úr manni í fót-
boltanum,“ segir Aron, sem ber Jónasi vel sög-
una. Hann hafi verið mikill pælari sem hafi
gefið leikmönnum skýr fyrirmæli um hvernig
þeir ættu að spila.
„Þegar ég fékk þennan séns í byrjunarliðinu
og var orðinn fyrirliði þurfti ég bara allt í einu
að vera maðurinn,“ segir Aron. Hann segir það
hafa hjálpað sér mikið að hafa Serbann Streten
Djurovic við hlið sér í vörninni.
„Þetta var fyrsta sumarið mitt sem
miðvörður og það nýttist mér vel að hafa
einn reyndan Serba sem ég gat talað við allan
leikinn. Ég kíkti líka til hans á kvöldin og sá
gamli var duglegur að segja mér til. Hann bjó
einn í einhverju ruslhúsi og mér leið svo illa
að hann væri þarna einn. Ég kíkti reglulega á
hann og við spjölluðum heilmikið um fótbolta.“
Velti fyrir sér að fara í lán
Aron Bjarki gekk til liðs við KR í ársbyrjun
2009. Hann segist hafa sett sér það þriggja ára
markmið að stimpla sig inn í liðið hjá KR. Hann
var lánaður til uppeldisfélags síns sumrin 2009
og 2010. Í vetur spilaði hann síðan reglulega í
vörninni hjá KR og reiknaði með að svipað yrði
uppi á teningnum í sumar.
„Ég hélt ég myndi byrja en Rúnar prófaði
Skúla (Jón Friðgeirsson) og hann spilaði eins
og herforingi í miðverðinum þannig að það var
ekkert hægt að taka hann út úr liðinu,“ segir
Aron, sem mátti sætta sig við bekkjarsetu fyrri
hluta mótsins. KR-ingum gekk allt í haginn og
lítil ástæða var til að hræra í liðinu.
Aron Bjarki segist hafa haft ótrúlega gaman
af því að vera hluti af liðinu í velgengninni
framan af. Þetta hafi verið svo nýtt fyrir
honum. Í júlí hafi honum þó verið farið að
leiðast þófið.
„Ég ræddi við Rúnar hvort ég ætti ekki
að fara á lán eitthvert. Rúnar sagðist vilja
halda mér og það var nóg fyrir mig. Hann er
toppmaður og ég hef mikla trú á því sem hann
er að gera. Það hlaut að koma að því að það
kæmi eitthvað fyrir Skúla eða Grétar og þá var
ég næstur inn í liðið. Ég ákvað að klára þetta
og verða Íslands- og bikarmeistari. Nú verðum
við bara að klára þetta.“ kolbeinntd@365.is
Þurfti allt í einu að vera maðurinn
Húsvíkingurinn Aron Bjarki Jósepsson var hetja KR-inga þegar hann skoraði sigurmarkið í 3-2 sigri á
Keflavík á fimmtudagskvöld. Sveitastrákurinn segir það hafa hjálpað sér að hafa verið hent í djúpu laugina
í meistaraflokki Völsungs sautján ára. Með fyrirliðabandið um arminn hafi hann þurft að standa sig.
FÓTBOLTI Hornspyrna Bjarna Guð-
jónssonar skilaði KR-ingum sigri
á móti Keflavík í fyrrakvöld og
þar með þriggja stiga forystu
á toppnum. Bjarni var þarna að
leggja upp sjöunda markið sitt í
sumar úr hornspyrnu og KR-liðið
hefur alls skorað 10 af 41 marki
sínu eftir horn.
„Við erum með rosalega öfluga
skallamenn,“ sagði Bjarni Guð-
jónsson, fyrirliði KR og horn-
spyrnusérfræðingur liðsins. „Við
unnum dálítið í þessu í vetur og
annað slagið í sumar höfum við
farið yfir hornin okkar og hvað
við getum gert betur og svo fram-
vegis,“ sagði Bjarni.
„Markið í gær var alveg frá-
bært. Það er gömul klisja að ef
þú ert duglegur að skora úr horn-
um og aukaspyrnum getur það
unnið fyrir þig leiki. Að sama
skapi tapar þú leikjum ef þú ert
ekki nógu góður að verjast þeim,“
segir Bjarni.
Hornin hafa skilað fleiri sigr-
um í sumar en í Keflavík því
þetta var þriðja sigurmark KR-
inga sem kemur eftir hornspyrnu.
Að auki fengu þeir víti eftir horn
á móti Fram sem skilaði dýrmætu
marki í lokin. Undirbúningur
þess marks var keimlíkur sigur-
markinu í Keflavík.
„Það var eiginlega nákvæm-
lega eins. Boltinn var þá mjög
svipaður og Aron kom á fleygi-
ferð á nærstöng, skallaði og
varnar maður Fram varði hann
með hendinni,“ rifjar Bjarni upp.
„Aukaspyrnurnar hafa ekki
alveg gengið jafn vel og hornin
en ég hefði samt viljað sjá okkur
skora fleiri mörk úr hornum og
aukaspyrnum,“ segir Bjarni.
Bjarni hefur alls átt níu stoð-
sendingar í sumar og hefur komið
að undirbúningi tólf marka. „Ég
ætlaði reyndar að skora tíu mörk
í sumar en markmiðinu er þarna
næstum því náð,“ segir Bjarni að
lokum í léttum tón.
- óój
Sigurmark Arons Bjarka Jósepssonar í Keflavík var tíunda deildarmark KR-liðsins eftir hornspyrnu í sumar:
Hornspyrnur Bjarna baneitraðar
HVETUR SÍNA MENN Bjarni Guðjónsson
ræðir hér við sína menn í leiknum í
Keflavík. FRÉTTABLAÐIÐ/VALLI
FÓTBOLTI Víkingar burstuðu ekki
bara Blikana 6-2 í Kópavoginum
á mánudaginn því þeir losuðu sig
um leið við óvinsælt met sem hefur
verið í þeirra eigu í 19 ár. Víkingar
höfðu átt metið í lélegum varnar-
leik í titilvörn síðan þeir voru að
verja titil sinn frá sumarinu 1991
og glímdu við falldrauginn alveg
fram í síðasta leik. Það gæti einn-
ig orðið raunin hjá Blikum, sem
eru þessa stundina í 8. sæti Pepsi-
deildarinnar, aðeins þremur stigum
frá fallsæti. Þeir eiga eftir leiki á
móti Þór á útivelli og Stjörnunni á
heimavelli sem teljast allt annað en
auðveldir leikir.
Víkingar fengu á sig 33 mörk í 18
leikjum sumarið 1992 og voru því
lausir við metið þegar gamli Blik-
inn Magnús Páll Gunnarsson kom
Víkingi í 2-0 í umræddum leik á
Kópavogsvellinum, en það var 34.
markið sem Blikar fá á sig á leik-
tíðinni.
Blikar eru samt ekki ennþá það
meistaralið sem hefur fengið flest
mörk á sig að meðaltali í leik. Fram-
arar fengu á sig 20 mörk í aðeins
tíu leikjum í titilvörn sinni sumarið
1963 þegar þeir urðu í fjórða sæti
af sex liðum. Blikar þurfa að fá á
sig sjö mörk í síðustu tveimur leikj-
unum til að verjast verr en Fram-
arar gerðu fyrir 48 árum.
Það er allt annað en algengt að
Íslandsmeistarar séu enn í fall-
hættu þegar svo langt er liðið á
Íslandsmótið, en meistaralið hefur
aldrei fallið árið eftir. Blikar gætu
því haldið áfram að endurskrifa
svörtu söguna, fari allt á versta veg
í lokaumferðunum.
Fjögur meistaralið hafa verið
enn í fallhættu fyrir tvær síðustu
umferðirnara síðan þriggja stiga
reglan var tekin upp sumarið 1984.
Víkingar björguðu sér frá falli í
lokaumferðinni 1992, alveg eins og
KR-ingar gerðu haustið 2001. KA-
menn sluppu ekki við falldraug-
inn árið 1990 fyrr en í næstsíðustu
umferð og sömu sögu er að segja af
KR-ingum haustið 2004 þótt Vest-
urbæingar hafi aldrei ekki verið í
mikilli fallhættu það sumar. - óój
Flest mörk á sig í titilvörn
38 Breiðablik 2011 (20 leikir - 1,90 í leik)
33 Víkingur 1992 (18 - 1,83)
31 FH 2010 (22 - 1,41)
28 KA 1990 (18 - 1,56)
28 ÍBV 1980 (18 - 1,56)
28 Valur 2008 (22 - 1,27)
27 KR 2003 (18 - 1,50)
27 ÍA 1971 (14 - 1,93)
Íslandsmeistarar Blika eru í fallhættu og hafa sett met í lélegum varnarleik í titilvörn:
Víkingarnir losuðu sig við metið
ÓLAFUR KRISTJÁNSSON Búið að vera
erfitt sumar fyrir Blika. FRÉTTABLAÐIÐ/VALLI
RAUÐHÆRÐI NESTA Kjartan Henry Finnbogson gaf
liðsfélaga sínum Aroni Bjarka Jósepssyni það gælunafn
eftir sigurmarkið á móti Keflavík. FRÉTTABLAÐIÐ/DANÍEL
HANDBOLTI Íslenska kvennalands-
liðið tapaði 23-29 á móti Hol-
landi í gær í fyrsta leik sínum á
fjögurra þjóða æfingamóti í Pól-
landi. Holland var með forystu
allan leikinn, var 15-11 yfir í
hálfleik og náði mest sjö marka
forystu í seinni hálfleiknum.
Arna Sif Pálsdóttir var
markahæst í íslenska liðinu með
fimm mörk en hún spilaði í for-
föllum Önnu Úrsúlu Guðmunds-
dóttur sem hvíldi í leiknum
ásamt Rakel Dögg Bragadóttur
og Þorgerði Önnu Atladóttur.
Hrafnhildur Skúladóttir og
Hanna Guðrún Stefánsdóttir
skoruðu báðar fjögur mörk og
Stella Sigurðardóttir skoraði
þrjú auk þess að fá útilokun
fyrir þrjár brottvísanir.
Guðný Jenný Ásmundsdótt-
ir varði 17 skot og var valinn
maður leiksins hjá íslenska lið-
inu eftir leik. Þetta var fyrsti
leikur íslenska liðsins af þremur
á æfingamótinu í Chorzow í Pól-
landi en stelpurnar mæta heima-
stúlkum í dag og spila síðan við
Tékkland á morgun. - óój
Kvennalandsliðið í Póllandi:
Tapaði fyrir
Hollandi í gær
GÓÐAR Í GÆR Guðný Jenný varði vel og
Arna Sif var markahæst. FRÉTTABLAÐIÐ/DANÍEL
FÓTBOLTI Næstsíðasta umferð
Pepsi-deildar karla fer fram
á morgun og hefjast leikirnir
klukkan 16.00.
KR-ingar geta orðið Íslands-
meistarar með sigri á Fylki
á KR-vellinum svo framar-
lega sem ÍBV vinnur ekki FH í
Kaplakrika. Stjarnan og Valur
spila um 4. sætið í Garðabænum
og fallbaráttan verður í aðalhlut-
verki í hinum leikjunum þremur:
Þór-Breiðablik, Grindavík-Fram
og Víkingur-Keflavík. - óój
Pepsi-deild karla:
Heil umferð
á morgun