Fréttablaðið - 24.09.2011, Page 102

24. september 2011 LAUGARDAGUR70
Málþing til heiðurs
Brynjólfi Sigurðssyni
Viðskiptafræðideild býður til málþings til heiðurs Brynjólfi
Sigurðssyni í Hátíðasal Háskóla Íslands 30. september kl. 14-18
14:00 Ávarp rektors Háskóla Íslands
14:10 Erik Kloppenborg Madsen, Associate Professor, School
of Business and Social Sciences, Århus University – The
Copenhagen School: Marketing theory between rigor,
realism and relevance
14:50 Ágúst Einarsson, prófessor Háskólanum á Bifröst
Menning og markaður í kvikmyndum
15:20 Ásgeir Einarsson, aðstoðarforstjóri Samkeppniseftirlitsins
og lektor við Lagadeild Háskóla Íslands – Brynjólfur og
ósýnilega höndin
15:50 Ingjaldur Hannibalsson, deildarforseti Viðskiptafræðideildar
Byggingar og háskólastarf
16:05 Fyrrum nemendur Brynjólfs Sigurðssonar:
Margrét Guðmundsdóttir, Icepharma - Hvernig nýtist
hugmyndafræði markaðsfræðinnar almennt í rekstri
fyrirtækja
Hallur A. Baldursson, EnnEmm
Upplýstur efasemdarmaður?
16.35 Gylfi Magnússon, dósent Háskóla Íslands
Hinn eilífi hausverkur: Fjármál hins opinbera
16.50 Léttar veitingar
Allir velkomnir. Aðgangur ókeypis.
www.vidskipti.hi.is
FÉLAGSVÍSINDASVIÐ
VIÐSKIPTAFRÆÐIDEILD
FÓLK Í FRÉTTUM
PERSÓNAN
Ísold Uggadóttir
Aldur: 36 ára
Starf: Kvikmyndagerðarkona
Fjölskylda: Í sambúð með Þórdísi
Claessen hönnuði
Búseta: Er að flytja á Ásvallagötu
Stjörnumerki: Tvíburi
Stuttmynd Ísoldar, Útrás Reykjavík, verður
frumsýnd á RIFF-kvikmyndahátíðinni í dag.
„Ég geng að þessu kvíðalaust
sem öðru. Maður á aldrei að vera
hræddur við að ögra sjálfum sér,“
segir Jakob Frímann Magnússon.
Hann stígur á svið með kassagít-
ar á trúbadorahátíð sem Stuðmað-
urinn Tómas M. Tómasson skipu-
leggur og verður haldin í fyrsta
sinn á skemmtistaðnum Obladí
Oblada um næstu helgi. Jakob
Frímann hefur lítið gert af því að
bregða sér í trúbadoragírinn en
ákvað að gera undantekningu í
þetta sinn. „Þetta gerist helst bak
við luktar dyr á einkaheimilum. En
þegar Tómas stórvinur minn Tóm-
asson hringir segi ég undantekn-
ingarlaust „já“.“ Jakob hefur reynd-
ar áður komið fram á Obladí en þá
með Bítladrengjunum blíðu, sem
spila þar á fimmtudagskvöldum.
Fyrsta hljóðfærið sem Jakob
eignaðist var gítar og því er hann
ekki ókunnur hljóðfærinu þrátt
fyrir að vera þekktari sem hljóm-
borðsleikari Stuðmanna. „Faðir
minn blessaður kenndi mér fyrstu
gripin. Svo var ég fyrsti gítarleik-
ari Stuðmanna. Ég geymi alltaf
gítar einhvers staðar nálægt mér
og ég hef samið mörg lög á gítar.“
Spurður hvaða lög hann ætli að
syngja segir Jakob: „Ég hef ekki
haft tíma til að leiða hugann að því
enn þá. Fyrst ætla ég að glöggva
mig á vinnukonugripunum og síðan
ætla ég að sjá hvort ég nái ekki í
munnörpu um hálsinn til að verða
alveg ekta.“
Á meðal annarra tónlistarmanna
sem koma fram á hátíðinni verða
Skúli mennski, Gímaldin, Gunn-
ar Þórðarson, Magnús Einarsson,
Hjalti Þorkelsson, Egill Ólafs-
son, Kormákur Bragason, Andrea
Gylfadóttir og Eggert feldskeri. - fb
Jakob Frímann gerist trúbador
TRÚBADORINN JAKOB Jakob Frímann
Magnússon kemur fram sem trúbador á
mikilli hátíð á Obladí Oblada um næstu
helgi. FRÉTTABLAÐIÐ/GVA
„Það er mjög gaman að fá að taka
þátt í þessu ævintýri,“ segir ten-
órinn Garðar Thor Cortes.
Hann er staddur í London um
þessar mundir að æfa fyrir sér-
staka afmælisuppfærslu Óperu-
draugsins eftir Andrew Lloyd
Webber, en 25 ár eru liðin frá því
að söngleikurinn var frumsýndur
fyrst á fjölum West End. Óperu-
draugurinn hefur notið næstum
fáránlegra vinsælda, hann hefur
velt 3,2 milljörðum punda í miða-
sölu á heimsvísu, sem þýðir að
hann slær við kvikmyndum á borð
við Titanic og E.T. Þá hefur hann
verið settur upp í 145 borgum í 27
löndum og sýndur fyrir meira en
130 milljónir leikhúsgesta.
Einvalalið kemur að sýning-
unni, sem verður í sjálfri Royal
Albert Hall helgina 1. og 2. októ-
ber. „Við syngjum eina sýningu
á laugardeginum og síðan tvær
á sunnudeginum,“ segir Garðar,
en áhuginn á afmælinu er slíkur
að beinar útsendingar verða í 250
kvikmyndahúsum í Bretlandi og
500 í Bandaríkjunum. Þá hafa tek-
ist samningar um að sýna einnig í
Ástralíu og Kanada. Hinni frægu
tónleikahöll verður breytt í leik-
hús og margir af fremstu söngv-
urum Broadway og West End
syngja titilhlutverkin. „Þetta eru
kannski söngvarar sem fólk heima
á Íslandi þekkir ekki en eru mikl-
ar söngleikjastjörnur hérna úti og
alveg æðislega flottir,“ segir Garð-
ar.
Tenórinn er ekki að taka þátt
í söngleiknum í fyrsta sinni því
hann lék elskhugann Raoul árið
1999 á West End eins og mörgum
er eflaust enn í fersku minni. Og
fékk afbragðsgóða dóma fyrir.
„Ég söng hann þegar ég var 25
ára en núna leik ég Passirino, sem
er ögn minna hlutverk og er aðal-
lega í öðrum söngþætti,“ útskýrir
Garðar.
Fyrir nokkrum árum varð varla
þverfótað fyrir fréttum af Garðari
að sigra hin ýmsu lönd með rödd-
ina og sjarmann að vopni. Garðar
segist ekki vera hættur að syngja
í útlöndum, það sé stór hluti af líf-
inu í hinum sígilda tónlistarheimi.
„Það er alltaf eitthvað í gangi og
maður er eiginlega alltaf á stöðugu
ferðalagi með ferðatöskuna opna.
Ég reyni að vera sem mest heima
þótt það gangi ekki alltaf eftir.“
freyrgigja@frettabladid.is
GARÐAR THOR: SYNGUR Í AFMÆLISUPPFÆRSLU ÓPERUDRAUGSINS
Verður í beinni útsendingu
í 750 kvikmyndahúsum
MIKIL SÝNING Öllu er tjaldað til í afmælisuppfærslu Óperudraugsins eftir Andrew
Lloyd Webber, en hann á 25 ára afmæli. Garðar Thor Cortes er meðal þeirra sem
syngja í sýningunni. NORDICPHOTOS/GETTY
RIFF kvikmyndahátíðin var formlega sett
á fimmtudagskvöld og var skemmtistað-
urinn Nasa smekkfullur af kvikmynda-
gerðarfólki sem og öðrum. Grínistinn Ari
Eldjárn var kynnir kvöldsins og spaugaði
á enskri tungu svo að alþjóðlegir
gestir hátíðarinnar fengju að taka þátt í
gamninu. Hrönn Marinósdóttir, skipuleggj-
andi hátíðarinnar, Guðný Halldórsdóttir
leikstjóri og Jón Gnarr voru einnig á
meðal ræðumanna. Á meðal gesta
mátti sjá leikstjórann Friðrik Þór
Friðriksson, Heiðu Helgadóttur,
fyrrverandi aðstoðarkonu borgar-
stjóra, og Atla Bollason, fyrr-
verandi meðlim Sprengjuhallar-
innar, og auðvitað var lukkudýr
hátíðarinnar, Filmundur, einnig
á staðnum. Þá mátti glitta í
Sigur Rósar-strákana Orra Pál
Dýrason og Kjartan Sveinsson,
en tónleikamynd þeirra, Inni,
var opnunarmynd hátíðar-
innar. - sm
„Þessi mynd er orðin eitthvað sem
kallast internet meme,“ segir skop-
teiknarinn og grínistinn Hugleikur
Dagsson.
Mynd Hugleiks, sem hann teikn-
aði efir laginu Anarchy in the UK
með Sex Pistols og birti í bókinni
Popular Hits, flakkar enn um net-
heima. Eins og Fréttablaðið greindi
frá í sumar ætlaði óprúttinn net-
verji að hagnast á bolum með mynd-
inni en þeim var kippt úr sölu þegar
upp komst um höfundarréttarbrotið.
Nú virðist vera í tísku að gera skop-
stælingar af myndinni og birta á
afþreyingarsíðunni 9gag.com, sem
nýtur gríðarlegra vinsælda. Skop-
stælingin gengur yfirleitt þannig
fyrir sig að í staðinn fyrir Bretland
er grínast með önnur lönd eins og
Frakkland, Rússland og Bandaríkin.
„Þetta er allt frekar lélegt en ég
hef gaman af því að fólk sé að gera
þetta,“ segir Hugleikur. „Mér finnst
myndirnar aldrei eins fyndnar og
mín. En ég er að spá í að setja upp-
runalegu myndina á eBay. Ætli ég
geti grætt eitthvað á þessu? Ég ætla
að reyna að slá met í að græða pen-
ing fyrir jafn einfalda teikningu.“
Hugleikur hyggst einnig setja
myndina á bol, sem verður fáan-
legur fyrir jól.
- afb
Mynd Hugleiks ferðast víða
STÓRKOSTLEGT
FERÐALAG
Mynd Hugleiks
hefur ferðast
víða og er nú
skopstæld af
notendum
vefsíðunnar
9gag.com.