Faxi - 01.12.1961, Side 15

F A X I
171
Þœttir úr starfi Félags Suðurnesjamanna
í Reykjavík
Talið frá viristrí, að framan: Þorbjörn Klemenzson, Friðrik K. Magnússon, Björn Benediktsson.
Aftari röð: Jón Guðmundsson, Þorsteinn Bjarnason, Einar Jósefsson, Karl Vilhjálmsson.
Félagið var stofnað 17. október 1943.
Margt mætra kvenna og karla stóðu að
stofnun félagsins. Á stofnfundinum voru
skráðir 96 stofnendur. Nú munu vera um
300 skráðir meðlimir félagsins.
Tilgangi félagsins er í lögum þess lýst
með þessum orðum:
„Að stuðla að og efla kynningu meðal
allra Suðurnesjamanna. Vinna að aukinni
kynningu við átthagana og íbúa þeirra,
að varðveita frá gleymsku hvers konar
minjar er varða athafnalíf og lifnaðarhætti
héraðsbúa fyrr og nú, og styðja eftir megni
öll þau mál, er héruðum þessum horfa til
menningar".
Fyrsta stjórn þess var þannig skipuð:
Formaður: Egill Hallgrímsson, kennari,
varaformaður: Ársæll Arnason, bókbands-
meistari, ritari: Friðrik K. Magnússon,
stórkaupm., gjaldkeri: Tryggvi Ofeigsson,
útgerðarmaður og síra Jón Thorarensen,
sóknarprestur.
Tilvera og viðgangur Félags Suðurnesja-
manna hefur fyrst og fremst byggzt á fórn-
fúsu og óeigingjörnu sjálfboðastarfi félags-
fólksins, svo og á félagsgjöldum þess, og
á öðru fé sem safnað hefur verið til starf-
seminnar. Stendur félagið í mikilli þakkar-
skuld við alla þá, er stutt hafa starfsemi
þess á ýmsan hátt.
Árið 1946 var Friðrik K. Magnússon
kosinn formaður félagsins, og hefur hann
verið það í 12 ár samfleytt. Lengst af þeim
tíma voru með honum í stjórninni þeir:
Þorsteinn Bjarnason, kennari, varaform.,
Karl Vilhjálmsson, loftskeytamaður, ritari,
Björn Benediktsson, forstjóri, gjaldkeri,
Þorbjörn Klemensson, trésmíðameistari,
Einar Jósefsson, forstjóri og Jón Guð-
mundsson, skrifstofum.
I seinni tið hefur Halldór Þórarinsson,
innheimtum., leyst mikið starf af höndum
í þágu félagsins sem gjaldkeri þess.
Félagið hefur yfir vetrarmánuðina haldið
uppi kynningar- og skemmtifundum fyrir
félagsfólkið og gesti þess. Nýársfagnaðir,
kútmagakvöld, þorrablót og lokadags-
fagnaðir félagsins hafa átt vinsældum að
fagna og verið fjölsótt. Ennfremur hefur
félagið haldið fundi í byggðarlögunum á
Suðurnesjum, til kynningar, skemmtunar
og fjáröflunar. Þá má geta þess að félags-
menn í Hafnarfirði hafa á hverjum vetri,
á seinni árum, haldið þar syðra þorrablót,
sem hafa verið mjög fjölsótt og hefu verið
sérstaklega vandað til þeirra, og því orðið
þeim til mikils sóma. Oldruðu fólki af
Suðurnesjum hefur verið boðið í skemmti-
ferð suður til átthaganna, og skemmti-
ferðir hafa verið farnar suður með félags-
fólk og austur um sveitir.
Félagsmönnum var fljótt ljóst að stuðla
þyrfti að ræktun á Suðurnesjum, og var
lögð áherzla á að fá land þar syðra í þess-
um tilgangi. Var talið æskilegt að félags-
fólkið gæti haft lífrænt ræktunarstarf með
höndum heima í átthögunum og þannig
lagt sinn skerf til að efla þar gróður og
vakið og aukið áhuga íbúanna þar syðra
á ræktunarmálum. Var því leitað til land-
eigendanna í Vogunum og fyrir skilning
og velvilja þeirra fékk félagið allstór land-
svæði hjá þeim til skógræktar suðaustur af
Vogastapa. Var nú hafizt handa um að
afla peninga til framkvæmdanna og voru
meðal ananrs haldnar útiskemmtanir á
sumrin suður í Vogum í þessu skyni og
hlutaveltur haldnar hér í Reykjavík, og
safnað fé á annan hátt. Tókst þetta svo
vel að félagið gat ráðist í að koma upp
vandaðri girðingu kringum landsvæðið,
sem nefnt er Háibjalli, frá fornu fari.
Vorið 1949 hóf svo félagið að gróður-
setja trjáplöntur í hluta af svæðinu, og
hefur haldið því starfi áfram á hverju
vori síðan. Mun nú vera búið að gróður-
setja yfir fjörutíu þúsund trjáplantna af
ýmsum tegundum, en af þeim hefur Sitka-
grenið vaxið bezt, munu hæstu trén vera
orðin tveir til þrír metrar.
Þess ber að geta, að Ingvar Gunnarsson,
skógræktarfrömuður, Hafnarfirði, sem nú
er nýlátinn, leiðbeindi dyggilega við að
setja niður fyrstu trjáplönturnar í Háa-
bjalla, og mun starfs hans ávallt minnst
með þakklæti og virðingu. Þá má geta
þess að síra Eiríkur Brynjólfsson, er þá
var prestur á Utskálum kom með hóp af
ungu fólki með sér úr Garði og Keflavík
til aðstoðar við gróðursetningu fyrstu trjá-
plantnanna. Konur og karlar af Vatns-
leysuströnd og úr Keflavík, ungt og
fullorðið, og víðar að af Suðurnesjum
hefur af áhuga og velvildarhug til mál-