Faxi - 01.01.1983, Blaðsíða 11

Þorsteinn Gíslason
JÓN TÓMASSON:
HÁ EMBÆTTI
Um nýliðin áramót tóku tveir Suðumesjamenn við háum
stöðum. Þorteinn Gíslason, skipstjóri, tók við starfi fiski-
málastjóra, eftir að hafa verið varafiskimálastjóri í 12 ár.
Gísli Alfreðsson, leikari, var ráðinn Þjóðleikhússtjóri.
Faxi óskar þeim báðum velfamaðar og vegsauka í þessum
stötfum.
Þorsteinn Gíslason
Þorsteinn Gíslason er fæddur
1.12. 1928 í Kothúsum í Garði.
Foreldrar hans eru Gísli Eggerts-
son, skipstjóri (dáinn fyrir nokkr-
um árum) og kona hans Hrefna
Þorsteinsdóttir, sem bæði voru
Garðbúar að stofni. Komungur
fór Þorsteinn að stunda sjó-
mennsku, 14 ára var hann kokkur
á m/b Geir goða, með föður sín-
um.
Þorsteinn fór í Kennaraskólann
og lauk þar kennaraprófi 1952 og
skipstjómarprófi lauk hann frá
Sjómannaskólanum ári síðar.
Haustið 1953 gerðist hann kennari
heima í Garðinum- ,,fór að kenna
með mínum gamla góða skóla-
stjóra Sveini Halldórssyni og tók
við skólastjórn af honum er hann
hætti ári síðar og var skólastjóri
næstu sex árin“.
Haustið 1960 gerðist Þorsteinn
kennari við Sjómannaskólann í
Reykjavík. Öll sumur var hann á
sjó til 1980 og skipstjóri frá 1958.
Hann var farsæll og fengsæll skip-
stjóri eins og landskunnir bræður
hans, Eggert og Ámi.
Þorsteinn hefur verið í stjóm
Síldarverksmiðja ríkisins í 12 ár og
þar af stjórnarformaður þeirra s.l.
sex ár.
Fiskifélag íslands er 72 ára göm-
ul stofnun. Það var stofnað 1911 í
kjölfar ört vaxandi útgerðar og
nánast byltingar í atvinnuháttum.
Sjávarútvegur var þá að taka við
forystuhlutverki af landbúnaði
sem frá landnámstíð hafði verið
aðal atvinnuvegur þjóðarinnar.
Fiskifélag íslands er elst þeirra
samtaka er að sjávarútvegi standa
°g hefur miklu hlutverki að gegna
sem skipt er í ýmsar deildir. Al-
uienna deildin sér um daglegan
rekstur og ýmis félagsleg málefni.
má nefna fiskiræktardeild,
tíeknideild, skýrsludeild, hagdeild
°geinnigsér F.í. um Aflatrygging-
arsjóð sjávarútvegsins. Þá ann-
ast það ráðgjöf um sjávarútvegs-
mál og leggur áherslu á fræðslu-
starf, gefur út ritið Ægi og sjó-
mannaalmanakið auk fjölmargra
kennslu- og fræðslubóka um sjáv-
arútveg. Einnig hefur félagið verið
tengiliður og samningsaðili milli
stjómvalda og sjávarútvegsins. Það
er því ljóst að starf það sem Þor-
steini hefur verið falið er margþætt
og mikilvægt, þar sem hann verður
að hafa yfirumsjón með öllunt
þessum starfsþáttum auk þess sem
hann er málsvari stjórnar og stofn-
unarinnar útávið.
Er Þorsteinn var spurður um
hvernig starfið legðist í hann svar-
aði hann: ,,Ég er bjartsýnn á fram-
tíðina. Ég þekki mig dálítið þarna
innan veggja. Starfslið skrifstof-
unnar er um 30 manns, allt ágætis
sómafólk, sem hefur tekð mér vel.
En það verður enginn hægðarleik-
ur að fara í föt forvera minna í
starfinu, þeirra Davíðs Ólafssonar
og Más Elíssonar, sem samanlagt
hafa gegnt starfi fiskimálastjóra í
rúm 40 ár.“
Faxi trúir því að fötin muni fara
Þorsteini vel og að hann muni efla
farsæld F.í. meðan hann klæðist
þeim.
Gísli Alfreðsson
tók við starfi Þjóðleikhússtjóra nú
um áramótin.
Gísli er fæddur í Reykjavík, en
fluttist til Keflavíkur 5 ára gamall
er faðir hans Alfreð Gíslason réðst
þangað sem lögreglustjóri og odd-
viti og varð síðar bæjarfógeti og
sýslumaður. Móðir Gísla er Vigdís
Jakobsdóttir píanókennari. Vigdís
og Alfreð voru mjög virk í fé-
lagsmálum Kefavíkur, einkum á
stjórnmálasviðinu, enda var
Alfreð lengi í bæjarstjórn og eitt
kjörtímabil þingmaður Sjálfstæð-
isflokksins í Reykjaneskjördæmi.
Til annarra félagsmála lögðu þau
hjónin einnig drjúgan skerf, t.d.
var Alfreð hvatamaður að stofnun
Rotarýklúbbs Keflavíkur og fyrsti
forseti hans og síðar umdæmis-
stjóri íslenska Rotarýumdæmisins.
Vigdís vann hins vegar að stofn-
un Tónlistarfélags Keflavíkur og
Tónlistarskóla Keflavíkur. Hún
var fyrsti formaður félagsins og
formaður skólanefndar. Bæði
þessi félög starfa enn með miklum
blóma.
Gísli ólst því upp við miklar fé-
lagslegar hugrenningar og athafnir
á því sviði, enda held ég að rétt sé
munað að hann hafi í æsku stofnað
Dýravemdunarfélag barna í
Keflavík, en líklega hefur það liðið
undir lok.
Þau tvö félög sem mest drift var í
á bernsku- og unglingsárum Gísla
hér í Keflavík voru Barnastúkan
Nýjársstjarnan, undir stjóm
Framnessystra og Skátafélagið
Heiðabúar, þar sem Helgi S. var
félagsforingi. Gísli var mjög virkur
í þessum félögum og á vissan hátt
var þar lagður gmnnur að því er
koma varð.
Bæði félögin unnu mikið og gott
unglingastarf, m.a. þjálfuð stjóm-
un og mannleg samskipti, leik-
starfsemi og margþætt skemmti-
starf. í félögum þessum fékk Gísli
mörg hlutverk og dyr að leiklist-
inni lukust upp.
Að barnaskólanámi loknu lá
leiðin til Reykjavíkur. Þar lauk
Gísli gagnfræða- og stúdentsnámi.
Við þau tímamót standa margir
óráðnir á krossgötum þar sem
framtíðin brosir við þeim til allra
átta. Hjá Gísla toguðust á tækni-
og leiklistarbraut. Kannske hefur
hagkvæmnin valdið því að verk-
fræði var valin. Hann fór til
Múnchen í Þýskalandi og nam þar
rafmagnsverkfræði í tvö ár. En í
þeirri borg á gyðjan Thalia einnig
hof - Kammerspielen-leikhúsið -
og hún ásótti Gísla bæði í vöku og
svefni með þeim afleiðingum að
hann yfirgaf Technische Hochs-
chule og innritaðist í leiklistarskól-
ann við Kammerspielen-leikhúsið.
Að námi loknu vann hann í eitt
ár við Residenz-leikhúsið í Mún-
chen. Hann kom heim í des. 1961,
réðst þá strax að Þjóðleikhúsinu,
þar sem hann hefur verið á föstum
samningi síðan, og ýmist leikið eða
leikstýrt.
Þá hefur Gísli starfað við útvarp
og sjónvarp einnig við kvikmynd-
un.
Félagsmál leikara hefur Gísli
látið til sín taka - verið lengi í
stjórn Félags íslenskra leikara og
formaður félagsins í s.l. sjö ár.
Hann þekkir því innviði stofnun-
arinnar frá öllum hliðum og því
líklegur til að gera þar góða hluti.
Vinnuveitendur
Athugið að tilkynna skrifstofu bæjarins
um þá starfsmenn ykkar, sem Iðgheim-
ili eiga i Njarðvík.
Bæjarstjóri
FAXI -11