Faxi - 01.01.1995, Side 2

1. TÖLUBLAÐ - 55. ÁRGANGUR
Útgefandi: Málfundafélagið Faxi, Kellavík.
Afgreiðsla: Vatnsnesvegur 2, sími 92-11114.
Blaðstjóm: Helgi Hólm ritstjóri,
Kristján A. Jónsson aðstoðarritstjóri,
Magnús Haraldsson, Hjálmar Stefánsson og
Karl Steinar Guðnason
Hönnun, setning, umbrot,
litgreining, filmuvinna og prentun:
Stapaprent hf.
Meðal efnis:
39. ársþing ÍBK.
Bikarkeppni KKÍ.
Hvar var Hannesarhóll.
Safnaðarheimilið.
Eignarhaldsfélag
Suðumesja.
Kór Kálfatjamarkirkju
50 ára.
Útskrift FS.
Forsíðumyndin.
Kristín Benediksson tókforsíðu-
myndina að þessu sinni. A henni má
sjá þrjá af lykilmönnum Grindvíkinga
hampa hinum eftirsótta hikar. Þeir
Friðrik Rúnarsson þjálfari, Banda-
ríkjamaðurinn Frank Booker og hinn
skotvísi Guðjón Skúlason munu
efalaust minnast þessa dags, þegar
UMFG rann sinnfyrsta meistaratitil í
köifu.
Helgi Hólrn:
Sorg og samúð
Snjóflóðin í Súðavík komu sem þruma á heiðskýrri nóttu
og vöktu þjóðina til meðvitundar um að Islendingar búa
í harðbýlu landi, þar sem náttúran getur á svipstundu
sett öll okkar áform úr skorðum. Það var í mikilli sorg
sem þjóðin öll fylgdist með fórnfúsu starfi nágranna og björgunarsveita
meðan leit stóð yfir. Enginn var í ró fyrr en allir voru fundnir og síðan tók
við hið sára tímabil meðan fólk var að átta sig á hinum mikla mannskaða.
Sjaldan hefur þjóðin tekiðjafn vel saman höndum sem á þeim stundum. Og
hug sinn sýndi hún í verki með hinni öflugu fjársöfnun sem fylgdi í kjölfarið.
Við í blaðstjórn Faxa viljum við þetta tœkifœri votta samúð okkar öllum þeim
sem um sárt eiga að binda í kjölfar þessara hörmunga.
Mennt er máttur
í þessu tölublaði Faxa er töluvert fjallað um atvinnumál. Einnig má þar sjá
fregnir afútskrift á haustönn hjá FS. Þetta hvort tveggja gefur tilefni til að
rœða lítilsháttar um stöðu menntunar í dag og tengsl hennar við atvinnulífið.
Hið fornkveðna, að mennt sé máttur, á augljóslega við hjá okkur
Islendingum í dag, þegar svo stendur á, að ákveðinn hluti þjóðarinnar hefur
ekki atvinnu. Telja má nokkuð víst, að hið eina sem geti fjölgað
atvinnutœkifœrunum í náinni framtíð, sé hugvit okkar sjálfra. Við höfum nú
þegar gengið svo á helstu auðlind okkar, þorskinn, að nánast stefnir í
hörmungarástand. I almennum iðngreinum hefur ekki tekistfram að þessu
að skapa þann fjölda tœkifœra sem þyrfti og stöðugur samdráttur á sér stað í
landbúnaði. Stóriðja hefur og ekki reynst sá bjargvœttur sem margir trúðu
á. Það sem eftir stendur er því sú leið að efla menntun œskunnar svo það
megi verða til þess, að í krafti hennar takist að skapa tœkifæri
framtíðarinnar.
Víða erlendis er sá hugsunarháttur algengur, að foreldrar fara mjög snemma
að hugsa fyrir skólagöngu barna sinna og hjálpa þeim að móta sína
framtíðarstefnu. Hér virðist manni algengara að foreldrar líti á skólagöngu
barna sinna sem sjálfsagðan hlut sem lítið þurfi að skipuleggja og leggja
áherslu á. Afleiðingin er sú m.a., að mörg ungmenni eru við lok
framhaldsskóla mjög óráðin íþví, hvað taka eigi við, t.d. að afloknu
stúdentsprófi. Ekki er ráð nema í tíma sé tekið segir máltœkið og það á
fyllilega við hér.

2 FAXI