Straumar - 01.12.1927, Blaðsíða 34

208
S T R A II M A R
hreyfði því, hvort kirkjan œtti ekki að fá að „vera með“, en
áhugi virtist ekki mikill hjá öðrum nefmlarmönnum á því.
Vafalaust má þó telja, að haldnar verði guðsþjónustur á hátíð-
inni og fœri vel á, að það yrði gert á degi hverjum, undir for-
ustu biskups, en klerkar væru sem flestir og klæddir liempum
sínum. Líklegt má virðast, að Synodus verði haldin á þingvöll-
um og væri þá vcl til fallið, að þar væru tekin i gildi ný kirkju-
lög, sem væru i betra samræmi við þessa kynslóð en þau, sem
nú gilda. Væri t. d. vel til fallið, að fara eftir tillögu Ásgeirs
Ásgeirssonar, cand. theol., fræðslumálastjóra að islenzk kirkja
skyldi þaðan af heita kristin kirkja, en ekki evangelisk-lúthersk.
E. M.
Smiður er eg nefndur, eftir Upton Sinclair, þýðandi séra
Ragnar E. Kvaran. Útg.: Alþýðublaðið. — Saga þessi kom neðan-
máls í Alþýðulilaðinu í fyrra og hefir verið sérprentuð. Lýsir
hún endurkomu Krists og þriggja daga dvöl lians i einni stór-
borg Ameríku, viðtökum valdhafanna og viðhorfi Krists við
þjóðfélagsmálum nútímans. Kristur leitar til verkalýðsins, og
hallast að skoðunum hans í þjóðmálum, jafnaðarstefnunni. Lýð-
urinn ballast í fyrstu að Kristi og hlýðir fúslega á hann, en for
ingjum þeirra þykir hann að síðustu fullróttækur, og veigra
sér við að hafa nokkuð saman við hann að sælda, af því að
hann komi óorði á félagsskap þeirra. Auðvaldið ætlar auðvitað
að ærast, og heimtar, að þessum „blóðrauða bolsévíka" sé
stungið í „steininn" sem fyrst. Ræður heldur Kristur og má
segja að þær séu orð guðspjallanna þýdd á nútímamál, sumar
hliðstæðar ræðum í Nýja testamentinu frá orði til orðs svo að
segja. t. d. „Vei“-ræðunni í Matt. 23. — Með sögunni vill höf.
sýna, að jafnaðannenn byggi ,á sömu lífsskoðun og Kristur, og
að jafnaðarstefna og kristni Krists, — ekki kirkjunnar —
sé í raun og veru sama stefnan. því verður líka vart neit-
að, að jafnaðarstefnan, sem hefir einingu, bræðralag og sam-
hjálp á stefnuskrá sinni, stendur nær stefnu Krists eins og
hún birtist í guðspjöllunum, en auðváldsstefnan, með frjálsu
samkepnina á sinni stefnuskrá. — þýðandi hefir ritað prýði-
legan eftirmála við bókina um höf. liennar, og kveðst hafa þýtt
liana til að vekja íslenzka lesendur til umhugsunar um sam-
band stjómmála og trúarbragða. — Öll er bókin skemtileg að
lesa og mjög ódýr. Kostar 3. kr., 400 bls. E. M.
Nýir kaupendur „Strauma“ fá desemberblaðið í kaupbæti eða
allan f. árg. fyrir kr. 3,00. Afgreiðsla er hjá Einari Magnússyni
Cand. theol., Hallveigarstíg 8A Rvik. (Sími 1991).
Reykjavík. — Prentsmiðjan Acta 1927.