Frjáls verslun - 01.10.2001, Page 95
VÍNUIVIFJðLHJN SIGMARS B.
Beaujolais Jú jú, Beaujolais
er ágætis vín með þeim mat
sem tíðkast á jólahlaðborðinu.
Beaujolais er í syðsta hluta
Búrgundarhéraðs og eru
Beaujolais vínin pressuð úr
Gamy-þrúgunni. Við víngerð-
ina er notuð sérstök aðferð
sem byggist á því að þrúgurnar
eru látnar geijast í lokuðum
ámum undir þrýstingi koltví-
sýrings. Það má eiginlega
segja að þrúgusafinn éti sig í
gegnum hýði þrúganna sem
eru neðar í ámunni. Við þetta
verða vínin matarmikil, af þeim
verður ríkt ávaxtabragð en lítil
sýra og tannin. Einkenni
Beaujolais vínanna er einmitt
hið góða ávaxta- og berjabragð,
bragð af jarðarberjum, hind-
berjum og stundum má finna
vott af kanilbragði af góðum
Beaujolais vínum. Það sem
hefur gert Beaujolais vínin
heimsfræg er sá skemmtilegi siður að þriðja fimmtudag nóv-
embermánaðar koma Beaujolais Nouveau vínin á markað.
RjÚpur En hvaða vín á að hafa með jólamatnum, t.d. rjúp-
unni? Til að fá aðstoð við að svara þessari kreflandi spurningu
var leitað til vínþjóns ársins í ár, Stefáns Guðjónssonar, en hann
er einn eigenda Vínbarsins við Kirkjutorg. Það er flókið að
velja heppilegt vín með rjúpunum, af þeim er sterkt villibráðar-
bragð og í sósunni er rjómi. Með þeim er iðulega rauðkál og
beijasulta, sem sagt afar flókin bragðsamsetning. Stefán mælir
með ljúfu Pinot Noir víni frá Burgundi, t.d. hinu frábæra víni
Faiveley Vosne Romanee Premier Cru á 3.320 krónur. Einnig
mælir Stefán með Joseph Drouhin Cote de Baune á 1.790 krón-
ur. Góð kaup, vín sem ekki veldur vonbrigðum. Eg hins vegar
ætla að halda lengra suður á bóginn, eða til Astralíu, og mæli
með Rosemount GSM á 2.144 krónur. Þetta er öflugt og þétt
vín, bragðmikið og pressað úr nokkrum þrúgutegundum. Þar
má iýrst nefna Grenache sem er vinsæl þrúga á Spáni og þarf
mikla sól. I öðru lagi er Shiraz, en vín úr þessari þrúgu passa
yfirleitt vel með villibráð. I þriðja lagi er svo þrúgan Mour-
vedre. Við Stefán höfum farið hvor sína leiðina í vali á víni með
rjúpunni, Stefán leggur meira upp úr því að hið fina villibráðar-
bragð ijúpunnar fái að njóta sín en undirritaður er með kraft-
meira vín sem ætti að þola rauðkál og rjómasósu. Pinot Noir er
yndisleg þrúga og vín úr henni gerir góða villibráð betri.
Kalkúnn Með kalkúnakjöti mælir Stefán með Beaujolais, Mor-
gon frá George Duboeuf á 1.160 krónur. Þetta er gott val hjá
Stefáni, ég er honum alveg sammála. Til þess að vera öðruvísi
mæli ég með öðru Beaujolais víni frá sama framleiðanda, Fle-
urie á 1.280 krónur. Þessi vín eru eins og gefur að skilja svipuð
en þó er nokkur blæbrigðamunur á þeim, sem sagt góð vín með
kalkúnakjöti. Einnig mælir Stefán með hvitvíni með kalkúnin-
um, Tokay Pinot Gris Cote de Rouffach frá Rene Mure á 1.390
krónur. Þetta er einkar ljúft vín en þó bragðmikið, gæti því
passað vel með kalkúni og fyll-
ingu úr honum sem í væru
ávextir. Þetta er djarft og
skemmtilegt val hjá Stefáni,
hvers vegna ekki að prófa þetta
ágæta vín með kalkúninum í ár?
Hamborgarhryggur Margir
vínsérfræðingar í Danmörku
ráðleggja rósavín með ham-
borganum. Nú er það svo að
lítið úrval er af rósavíni í versl-
unum ÁTVR. Stefán mælir
með bandarísku víni, Zinfand-
el frá Gallo Snoma Frei Ranch
á 2.310 krónur. Zinfandel er
góður kostur, passar einkar vel
með léttreyktu svínakjöti. Af
Zinfandel er ávaxtaríkt og að-
eins kryddað bragð. Aftur er
ég sammála Stefáni. En til að
vera örlítið öðruvísi mæli ég
með Beringer Merlot á 1.590
krónur, þetta er einnig banda-
rískt vín, ávaxtaríkt en fíngert
og ætti því að eiga vel með hamborgaranum.
Ekki gleyma bessu Það er áriðandi að kaupa jólavinin sem
fýrst. Vínin eru lifandi og þurfa því umhyggju og þau þurfa að
hvílast nokkra daga áður en tappinn er dreginn úr flöskunni og
vínunum hellt í glösin. Þá passar ekkert alvöruvín með hangi-
kjötinu, malt og appelsín er eiginlega hinn eini sanni jóladrykkur
þjóðarinnar. Annars mælum við Stefán með góðum bjór með
hangikjötinu fýrir þá sem ekki vilja malt og appelsín. ffil
Sigmar B. Hauksson mælir með eftirtöldum vínum:
Rjúpa
Rosemount GSM á 2.144 krónur.
Kalkúnn
Beaujolais, Fleurie, George Duboeuf a 1.280 krónur.
Hamborgarhryggur
Beringer Merlotá 1.590 krónur.
Við Stefán höfum farið hvor sína leiðina
í vali á víni með rjúpunni, Stefán leggur
meira upp úr því að hið fína villibráðar-
bragð rjúpunnar fái að njóta sín en
undirritaður er með kraftmeira vín.
Með kalkúnakjöti mælir Stefán með
Beaujolais, Morgon frá George Duboeuf
á 1.160 krónur. Þetta er gott val hjá
Stefáni, ég er honum alveg sammála.
Ég mæli með Beringer Merlot á 1.590
krónur með hamborgarhryggnum. Þetta
er bandarískt vín, ávaxtaríkt en fíngert.
95