Ármann - 01.12.1965, Side 15

marg sinnis á beim stöðum, sem heimsóttir voru. Farið var vítt um
Schleswing-Holstein, mætti flokknum hvar vetna vinsemd og gestrisni
svo af bar. Að lokum var boðið í ferð til Berlínar.
Þjóðverjar kappkostuðu á allan hátt, að dvölin í landinu þeirra yrði
íslendingunum, sem, ánægjulegust. Standa þátttakendur í mikilli
þakkarskuld við hina höfðinglegu gestgjafa og það fólk er þeir
kynntust og greiddi götu hópsins af vinsemd og alúð hvarvetna.
Um þessa ágætu för verður væntanlega ritað fyllra innan tíðar.
I lok apríl og byrjun maí voru innanfélagsmót deildarinnar háð, en
það eru hinar árlegu Flokkaglíma Ármanns og Bikarglíma Ármanns.
í Flokkaglímunni var glímt í þrem þyngdarflokkum karla, unglinga-
flokki og 5 aldursflokkum drengja. Alls voru þátttakendur 42. í Bik-
arglímu Ármanns tóku þátt 6 glímumenn. Sigurvegari varð Pétur
Sigurðsson. Verður síðar gerð nánari grein fyrir úrslitum beggja mót-
anna.
Körffuknattleikur
Körfuknattleiksmenn Ármanns hafa mjög látið að sér kveða á árinu.
Meistaraflokkur félagsins lék í 1. deild sl. vetur, en þá var í fyrsta
sinn tekin upp deildaskipting í körfuknattleik. Urðu Ármenningar í
þriðja sæti á eftir KR og ÍR. Ármenningar urðu íslandsmeistarar í
fjórða flokki og loks sigruðu Ármenningar í Bikarkeppni KKÍ sl. haust,
en það var í fyrsta sinn sem bikarkeppni fór fram í körfuknattleik
hér á landi. Þess má geta, að þrír Ármenningar fóru með landsliðinu
í keppniferð til Bandaríkjanna, þeir Birgir Birgis, Finnur Finnsson og
Sigurður Ingólfsson.
Góður efniviður
Eins og áður segir urðu Ármenningar Islandsmeistarar í 4. flokki 1965.
Þessir efnilegu piltar æfðu undir handleiðslu Þorkels Steinars Ell-
ertssonar, og ber honum stóran heiður af þessum ágæta árangri flokks
ins. Leiki sína unnu þessir Ármenningar með miklum yfirburðum.
Helztu leikmenn í 4. flokki voru þessir: Jón Sigurðsson, Björn Christ-
ensen, Ottó Ólafsson, Sigurður Jónasson, Halldór Grönvald, Gunnar
Haraldsson, Guðni Óskarsson, Hafsteinn Árnason og Ægir Þórðarson.
ÁRMANN
15