Morgunn - 01.12.1983, Page 11

ER SPÍRITISMINN FIJSK
113
urðu þess valdandi að stjórnin ákvað að senda ritið ekki
út fyrr en ljóst væri hvaða meining lægi að baki orðanna.
Dáleiðsla, geislalækningar og iniðilsfundir
En hvað hafa aðilar málsins um þetta að segja?
GuÖmundur Einarsson verkfræðingur sagði að stjórnin
hefði ákveðið að skýra sín sjónarmið í næsta hefti Morguns
og hið sama mun Þór Jakobsson gera. Jafnframt verður
haldinn félagsfundur 11. október þar sem tekið verður til
umræðu hvort spíritisminn hafi runnið sitt skeið á enda.
Guðmundur sagðist þeirrar skoðunar að það væri langt í
frá, að spíritisminn væri að gefa upp andann, reynsla fólks
bæri vott um annað. Félagið hefur á undanförnum árum
beint sjónum sínum að ýmsum efnum sem tengjast sálar-
rannsóknum, t.d. dáleiðslu, geislalækningum, erindi var
nýlega flutt um myndir sem teknar hafa verið af útgeislun
líkamans og fleira mætti tetlja. Þess utan eru haldnir
miðilsfundir og miðlar jafnvel fengnir erlendis frá. Þá
býður félagið upp á tíma hjá lækningamiðlum.
Guðmundur sagði að á fundinum s.l. þriðjudag hefði
verið rætt um málin í bróðerni, en skoðanir væru skiptar.
Spurningin snerist um það hvort einstaklingar gætu komist
að vísindalegri niðurstöðu án þess að ráða yfir sérþekk-
ingu. Guðmundur sagðist telja sannað að fólk yrði fyrir
reynslu sem ekki væri hægt að vefengja. Guðmundur benti
á að í rannsóknum dr. Erlendar Haraldssonar á dulrænni
reynslu íslendinga hefði komið fram að um 42% þeirra
sem spurðir voru höfðu leitað til huglæknis og 92% töldu
sig hafa náð jákvæðum árangri. „Sumt er hægt að kanna
á rannsóknastofum, annað ekki.“ Hann sagði einnig að
umræðurnar innan stjórnar Sálarrannsóknafélagsins hefðu
meðal annars beinst að því hvað spíritismi væri. Til þess
að svara því hvar spíritisminn er á vegi staddur, verður
fyrst að gera sér grein fyrir því hvað menn eiga við með
orðinu spíritismi.