Morgunn - 01.12.1983, Síða 24

126
MORGUNN
sérstaklega ákveðnum hópi fólks, sem nú til dags eru al-
mennt kallaðir spiritistar.
Frá eldri tímum hafa verið til menn, sem vildu og reyndu
að skyggnast dýpra niður í leyndardóma tilverunnar; fólk
oft á tíðum með ófreskigáfu á sviði dulskynjunar á hinum
ýmsu sviðum, svo sem dulskyggni, dulheyrn, fjarhrifum,
hlutskyggni og ósjálfráðri skrift; fólk, sem var leitandi
og gat ekki látið sér nægja kenningar eða kennisetningar
trúai’bragða eða misviturra lærifeðra; fólk, er hafði bæði
vilja og þor til að gera eigin athuganir og tilraunir í leit-
inni að ljósi og sannleika.
Frá því að saga spiritismans hófst í núverandi mynd,
nokkru fyrir síðustu aldamót, hafa samtök spiritista hér
á landi, fyrst tih’aunafélagið og síðan S.R.F.I., starfað ötul-
lega að því að kynna starfið og reynt að varpa birtu yfir
þann aragrúa af dularfullum, yfirskilvitlegum skynjunum
og fyrirbærum, sem alltaf eru að ske — og raunar alltaf
hafa verið að ske í aldanna rás, þrátt fyrir oft sterka andúð,
einstaklinga, félaga og vísindamanna og jafnvel þótt und-
arlegt kunni að virðast, einnig frá hendi trúarbragðanna
oft og tíðum, ekki hvað síst frá kristnum bókstarfstrúar-
hópum og einstaklingum, allt fram á þennan dag.
Trúin á eilíft líf, sem gagntekur hjartað, er besti læknir
mannkynsins, en hjá mönnum hefur hún orðið aðeins veik
von, er smám saman hefur kulnað og því ekki komið að
notum í andstreymi lífsins, Sr. Haraldur Níelsson segir:
„Vér getum tileinkað oss þessi orð Jesú „Ég lifi og þér
munuð lifa“ með miklu ríkari sannfæringu en þeir, sem
ekki vita það, að tekist hefur að sanna framhald lífsins
eftir dauðann á svo fullkominn hátt sem frekast er hægt
að sanna nokkurn hlut“. Dr. Alexis Carrel, víðkunnur
læknir og lífeðlisfræðingur, nóbelsverðlaunahafi, heldur
því fram, að enda þótt enn hafi ekki fengist full viður-
kenning lækna og lífeðlisfræðinga á ófreskihæfileikum
manna, þá sé hér um fullkominn raunveruleika að ræða
og mjög eðlilegan hlut hjá fólki, gætt skyggnigáfu.