Morgunn - 01.06.1997, Síða 14

S.R.F.H. 30 ára
frumkvæði Guðmundar Einarssonar og henni síðan
hrundið í framkvæmd.
Brátt kom í ljós að þátttaka í stofnun slíks félags
átti miklu og góðu fylgi að fagna. Eiríkur gekk frá
drögum að lögum fyrir væntanlegt félag og lagði lög
félagsins í Reykjavík til grundvallar.
Þá áttu þeir Oliver fund saman. Oliver neitaði al-
gerlega að verða formaður en bauðst til að verða vara-
formaður. Eiríkur varð að bíta í hið súra epli mjög
andstætt vilja sínum. En stundum gerast kraftaverk.
Hin dulda forsjón leysir oftlega óvænt mikinn vanda.
Hún hefur og betri yfirsýn en við mannanna börn.
Tveimur dögum eftir að þeir Oliver höfðu varpað
teningunum er hringt til Eiríks. Hulda Helgadóttir er
í símanum og er létt í máli. Hún segir:
„Við getum fengið formann."
„Nú, erum við ekki búin að fá hann?“ verður Eiríki
að orði.
Hún hlustar ekki á þetta en heldur áfram:
„Soffía segir, að Hafsteinn Bjömsson miðill sé reiðu-
búinn að verða formaður fyrir félagið hér í Hafnar-
firði. Eiríkur lætur alveg hjá líða að benda henni á, að
hún sé að tala við tveggja daga útvalið formannsefni í
þessu sama félagi en spyr fullur áhuga:
„Er þetta virkilega satt?“
Hulda fullyrðir að svo sé. Þau ræða málin nokkuð.
Eiríki var strax ljóst að hér væri komin frábær lausn
og framtíð félagsins væri þar með tryggð á hinn
prýðilegasta hátt. Hann bað Huldu að hafa hljótt um
þetta í bili, hann þyrfti að ræða þetta við Oliver.
Það gerði hann og þegar í stað. Oliver tók þessu
með varkárni:
12 MORGUNN