Bankablaðið - 01.12.1938, Side 27

BANKABLAÐIÐ
99
r Bjarkan
Minningarorð
Hinn 13. þ. mán. andaðist Böðvar
Bjarkan, yfirréttarmálaflutningsmað-
ur, snögglega á heimili sínu á Akur-
eyri. Hjartabilun varð honum að bana,
enda hafði hann um nokkur ár undan-
farin kennt þess sjúkdóms, og leitað
heilsubótar, innanlands og utan, ár.
nokkurs varanlegs árangurs.
Böðvar fæddist að Sveinsstöðum í
Húnaþingi 12. nóv. 1879, og var því
réttra 59 ára, er hann lézt. Foreldrar
hans voru Jón Ólafsson, og kona hans,
Þorbjörg Kristmundsdóttir, er lengi
bjuggu sæmdarbúi á Sveinsstöðum.
Ættarnafnið: Bjarkan, tók hann sér
um 1914, þegar slíkt tíðkaðist mest á
landi hér.
Á unga aldri var Böðvar settur til
skólanáms; stúdentsprófi frá lærða
skólanum lauk hann 1901, sigldi sam-
sumars til Kaupmannahafnar og lagði
í fyrstu stund á læknisfræði við há-
skólann þar, en eigi féll honum það
nám í geð, er fram í sótti. Tók hann
hið venjulega heimspekispróf vorið
1902, en 1905 hvarf hann heim frá
háskólanum og reisti bú árið eftir að
Einarsnesi á Mýrum. — Sama vorið
kvæntist hann eftirlifandi konu sinni,
Kristínu Jónsdóttur frá Auðólfsstöðum
í Langadal. Voru þau hjónin systra-
börn. Samfarir þeirra voru hinar ást-
úðlegustu. Börn eignuðust þau þrjú:
Inger, sem dó á Akureyri, rúmlega
tvítug; Ragnar, cand. jur., fulltrúa í
dómsmálaráðuneytinu hér, og Skúla, er
stundar læknanám við háskólann í
Reykjavík. Böðvar var með afbrigðum
heimilisrækinn, og voru þau hjón
samhent í því að gera heimilið, sem
prýðilegast, bæði hið ytra og innra,
enda mun hverjum manni hafa liðið
vel, sem var gestur þeirra.
Eftir tveggja ára búskap í Einars-
nesi, hvarf Böðvar til Reykjavíkur og
tók að leggja stund á lögfræði, fyrst við
lagaskólann og síðar við háskólann,
eftir stofnun hans. Lauk hann þar em-
bættisprófi 19. júní 1912. öll sín próf
tók hann með lofi. Samsumars fluttu
þau hjónin til Akureyrar og hafa búið
þar síðan. Tók hann þá við gæzlu-
stjórastarfi við Landsbanka-útbúið á
Akureyri og gegndi því starfi æ síðan.
Sama ár varð hann yfirréttarmála-
flutningsmaður og stundaði einnig
málflutning og önnur lögfræðistörí
sem aðalstörf til æfiloka.