Bankablaðið - 01.12.1938, Side 30

102
BANKABLAÐIÐ
ann. Mundi heppilegast að hvor banki
sendi 5 menn í hverja vegalengd og
keppt yrði í t. d. 50 m., 100 m. og
400 m. krowl eða bringusundi eftir
samkomulagi, yrði tími flokksins lagð-
ur saman og sá flokkur, sem fljótari
yrði, ynni auðvitað, án tillits til þess,
hver ætti fyrsta mann. Heildartími
flokkanna yrði svo lagður saman, og
sá bankinn, sem fæstar mínútur hef-
ir notað, vinnur.
Athugandi væri líka, hvort ekki væri
hægt að efna til sundkeppni fyrir
konur, sem starfa í bankanum og þá
líka að fá Útvegsbankann með.
Svo eru ef til vill nokkrir, sem
hvorki treystu sér á völlinn eða í
vatnið. Þeim ráðlegg ég að fá sér
reglulegar göngur, þær eru hollar og
geta komið að miklu liði fyrri þá,
sem ekki hafa á öðru völ. En, sem
sagt, að eigi þetta að koma að tilætl-
uðum notum, verður að æfa reglu-
lega og með viljafestu, og ekki gefa
sjálfum sér eftir.
Leikfimisflokk ættu bankamenn að
hafa, og stunda leikfimi allan vetur-
inn 2 sinnum í viku.
Kjörorð okkar ætti því að vera:
Verndum heilsu okkar með hjálp
íþróttanna. — Hittumst heil til leiks.
EUert Sölvason.
Brugghús eitt í Klattau í Tékkó-
slóvakíu hefir haft þá venju um mörg
undanfarin ár, að greiða hluthöfum
fyrirtækisins arð í framleiðsluvam-
ingi verksmiðjunnar. Á síðasta aðal-
fundi var úthlutað 88 ’.ítrum af öli
fyrir hvert hlutabréf.
Skrifið rétt heimilisfang
Bréfritarar ættu að athuga vel, að
hvert bréf er nauðsynlegt að rita með
jafn greinilegri utanáskrift og kostur
er á. Ef að það er ekki gjört, getur
það valdið miklum óþægindum, bæði
fyrir þann er sendir bréfið og viðtak-
anda.
Auk þess hefir ónóg utanáskrift í
för með sér beinan kostnað fyrir send-
anda. Eigi er vitað hvað mikil brögð
eru að því hér á landi að bréf komist
ekki til skila vegna ónákvæmrar utan-
áskriftar. í Englandi hefir pósthúsið
látið útbúa slíka skýrslu, og segir hún
frá, að á síðasta ári hafi 31 miljónir
bréfa ekki komist til skila fyrir óná-
kvæma utanáskrift og kostar það send-
endur ekki minni upphæS en fimm
þúsund krónur.
6558 ný fyrirtæki voru skrásett í
Englandi sex fyrstu mánuði þessa árs.
1 Italíu hefir komist upp um hunda,
sem notaðir voru til þess að smygla
gjaldeyri. Hundarnir voru vandir við
að fara yfir landamærin að næturlagi.
Þegar þeir voru orðnir nægjanlega
leiknir í listinni, voru bundnir pakk-
ar um háls þeirra og í þcim fluttu þeir
gjaldeyri milli landa.
„Clearing“ viðskiptin í Englandi
sýna að umsetningin fyrstu 6 mán. árs-
ins hafa minkað um 12% í „Town
clearing" og IV2 % í „County clearing"
samanborið við árið 1937. Þessar tölur
gefa nokkurt hugboð um að afkoma
ársins 1938 verði ekki jafn ágæt og
hún var í Englandi 1937.