Bankablaðið - 01.12.1985, Blaðsíða 33

33
Starfsemi Starfsmannafélags
Verzlunarbanka íslands
Starfsmannafélag Verzlunarbanka
íslands hefur starfað næstum eins
Iengi og sjálfur bankinn. Það var
stofnað 31/10 1958. Það hefur eins og
önnur starfsmannafélög fylgst náið
með kaupi og kjörum starfsmanna
bankans gegnum árin.
Félagið gengst fyrir árlegum uppá-
komum, svo sem vorferðalagi og árs-
hátíð. Félagið keypti á sínum tíma einn
sumarbústað í Þjórsárdal til afnota
fyrir félagsmenn sína. Seinna var svo
reistur annar bústaður. Þarna geta
starfsmenn bankans dvalið ásamt fjöl-
skyldum ýmist í eina viku í senn eða
um helgar. Nýlega hafa bústaðirnir
verið rafvæddir, svo ekki ætti að væsa
um fólk. Stundum hefur komið til tals
að gaman væri að kaupa fleiri bústaði
og þá e.t.v. á Akureyri. Einnig hefur
komið upp sú hugmynd að kaupa jafn-
vel eins og eina íbúð á Spáni. Það gæti
verið góð tilbreyting í því að skreppa
til skiptis í Þjórsárdalinn og suður á
Spán!
Á vorin hefur árlega verið farið í
svokallaðar fjölskylduferðir í Þjórsár-
dalinn. Makar og börn starfsmanna
koma með og una þar við leik og störf,
svo sem að gróðursetja tré og blóm á
svæðinu. Börnin hafa þá stundum
fengið að eigna sér ákveðin tré og þeim
falið að sjá um þau. Síðan er slegið upp
allsherjar grillveislu, þar sem allir fá
pylsur og grillsteikur eins og þeir geta
í sig látið.Áður en haldið er heim er svo
farið í sund, ýmist í sundlauginni í
Þjórsárdal, niðri á Skeiðum eða á
Selfossi.
Árshátíðin er fastur liður í starfsem-
inni eins og áður er sagt. Undanfarnar
tvær hátíðar hefur verið brugðið á það
ráð að hafa heimatilbúin skemmtiefni
og gafst það mjög vel. Eru það þá mis-
munandi deildir eða útibú, sem hafa
veg og vanda af skemmtiatriðum.
í sumar var farið í skemmtiferð í
Kerlingarfjöll eina helgi og var sú ferð
mjög vel heppnuð. Veðurathugunar-
stöðin á Hveravöllum var skoðuð og
einnig næsta nágrenni. Sumir fóru upp
um f jöll og firnindi.
Nú nýverið hefur sjúkraþjálfari
verið fenginn til trausts og halds fyrir
starfsfólkið. Hann athugar hvernig
vinnuaðstaðan er á hverjum stað fyrir
sig t.d.hvað varðar stóla og aðstöðu við
vinnu við tölvuskerma. Hann gerir
síðan tillögur til úrbóta.
Harpa Jósefsdóttir Amin,
ritari S.V.Í.
Hæstu vextirog verdtrygging!
SPARISJÓÐUR REYKJAVÍKUR OG NÁGRENNIS
Skólavörðustíg 11, Hátúni 2b, Austurströnd 3, Seltjarnarnesi