Bankablaðið - 01.12.1985, Blaðsíða 36

36
Frá starfsmannafélögunum
nefndin allan veg og vanda af henni.
Fjölmenni sótti hátíðina og skemmtiat-
riðin, sem voru samin og flutt af
starfsmönnum bankans, slógu svo
sannarlega í gegn. 30. maí stóð nefndin
fyrir „opnu húsi” þar sem var kynning
á snacki og víni og Heiðar Jónsson,
snyrtir, var með hressilega dagskrá
sem stóð yfir í rúmar 2 klst. Hinn
árlega haustfagnað starfsmanna átti
að halda með pompi og pragt 4. október
en varð að fella niður vegna dræmrar
þátttöku. Farið var að sjá Litlu hryll-
ingsbúðina 31. október, námskeið í
jólaföndri verður í byrjun desember
og undirbúningur er hafinn að jólatrés-
skemmtun fyrir börn starfsmanna. Þá
stóðu skemmtinefnd og íþróttanefnd
saman fyrir fjölskylduferð í Þórs-
mörk, dagana 6. og 7. júlí.
Á vegum íþróttanefndar taka félags-
menn þátt í ýmsum keppnum á milli
bankanna svo og firmakeppnum.
Knattspyrna og handknattleikur eru
æfð af kappi og einnig golf. Þá hafa
starfsmenn glæsilega aðstöðu til
líkamsræktar í líkamsræktarstöðinni
sem rekin er fyrir starfsmenn í
Breiðholtsútibúi. Einnig er nokkuð um
samskipti við erlenda banka og þeir
ýmist sóttir heim eða boðið til keppni
erlendis. Á afmælismóti SÍB komust
lið Landsbankans í úrslit í öllum þeim
boltagreinum, sem þau tóku þátt í, þ.e.
handknattleik og knattspyrnu kvenna
og karla og körfuknattleik karla.
Vannst sigur í öllum þessum greinum
nema knattspyrnu kvenna. Árlega
keppa starfsmenn í Reykjavík við
starfsmenn af landsbyggðinni í sex-
þraut. í ár fór keppnin fram á Akureyri
og lauk henni með glæsilegum sigri
landsbyggðarmanna. í maí komu
hingað starfsmenn frá Sparebanken
Oslo Akershus. Kepptu þeir við
kvenna- og karlalið Landsbankans,
karlalið Verslunarbankans og kvenna-
lið Iðnaðarbankans og sigruðu lið
Landsbankans á þessu móti. í vor var
haldið í fyrsta sinn Landsmót Lands-
bankans í golfi. Var það haldið á
Hvolsvelli og keppt í kvenna- og
karlaflokki. Mótið tókst það vel að
ákveðið hefur verið að gera það að
árlegum viðburði. í október fór karla-
lið Landsbankans í keppnisferð til
London. Var keppt í knattspyrnu og
golfi við lið frá Scandinavian Bank,
Midland Bank, Lloyds Bank og
Hambrose Bank. Ekki brugðust okkar
menn þar frekar en fyrri daginn, unnu
þrjá knattspyrnuleikina, gerðu jafn-
tefli í þeim fjórða og í golfinu skiptust
liðin á að sigra. Þá stendur nefndin
árlega fyrir geysivinsælum þrettánda-
fagnaði.
Á vegum Taflnefndar tók sveit þátt í
afmælismóti SÍB. Voru þar saman
komin úrvalslið og tefldar 9 umferðir.
Jóhann Örn Sigurjónsson, Landsbank-
anum, varð þar í 2. sæti með
7 112 vinning á eftir Birni Þorsteins-
syni, Útvegsbankanum, er einnig hlaut
7 112 vinning. Á starfsárinu ber hæst
þátttaka í Skákkeppni stofnana og í
sveitakeppni er Flugleiðir halda. í
Stofnanakeppninni unnust tveir sér-
staklega sætir sigrar, er Vilhjálmur
Pálsson vann landsliðsmanninn Hrafn
Loftsson og Jóhann Örn vann stór-
meistarann Friðrik Ólafsson. 24 sveitir
tóku þátt í Loftleiðamótinu. Er það ár-
legt mót með þátttöku fyrirtækja og
taflfélaga víðs vegar að af landinu.
Sparisjóðurinn
í Kef lavík
Sjóður Suðurnesjamanna
Við sendum starfsmönnum banka og sparisjóða
um land allt bestu nýársóskir
og þökkum kærlega fyrir samstarfið!