Musica - 01.03.1949, Blaðsíða 8

Musica - 01.03.1949, Blaðsíða 8
John Barbirolli eftir Benedikt Gröndal fréttastjóra. Blöð í Bretlandi birtu fregnir af John Barbirolli undir stórum fyrirsögnum skömmu eftir nýarið, fregn- ir sem hafa vakið athygli tónlistarvina um allan heim. Barbirolli hafði verið boðin staða sem hljóm- sveitarstjóra BBC symfoníuhljómsveitarinnar, ein bezta hlíómsveitarstjórastaða í Evrópu, en hann afþakkaði boðið. Með þessari ákvörðun sinni afþakkaði Barbirolli ekki aðeins heiðurinn, heldur og 250 000 króna árs- laun, eii hann hefur 'helmingi lægri laun hjá Hallé hljómsveitinni í Manchester, þar sem hann nú er. Hann setti þó skilyrði fyrir því, að hann yrði kyrr í Manchester. Skilyrðin voru þau, að hljóðfæraleikar- arnir fengju kauphækkun (Hann bað ekki um kaup- hækkun sjálfur) og ennfremur, að hljómsveitin yrði stækkuð upp í 100 menn, og fé væri tryggt til einnar utanferðar á ári fyrir hljómsveitina alla. Það er von, að Alberthöllin í Manchester hafi verið troðfull og fól'kiS kappa í fimm mínútur, þegar Barbirolli gekk fram á senuna í fyrsta skipti eftir að þessi tíðindi bárust út. Fyrir fimm árum síðan tók Jöhn Barbirolli saman pjönkur sínar í New York og steig ásamt konu sinni, Evelyn Rothwell (sem er þekktur oboisti) um borð í portúgalskt flutningaskip, sem flutti þau áleiðis til Englands. Barbirolli hafði verið sjö ár í New York, og hafði stjarna hans lækkað á þeim árum. Hann hafði verið ráðinn sem hljómsveitarstjóri New York Philharmoni hljómsveitarinnar. En það starf var ekki auðvelt. Þessi hljómsveit er fræg fyrir það, hversu erfitt er að hafa þar fullkominn aga og hafði fyrrenn- ara Barbirollis, sjálfum Toscanini, ekki veitt af öll- um kröftum sínum í því starfi. Þegar Barbiroili kom til Manchester 1943, voru aðeins 23 hljóðfæraleikarar í hinni 93 ára gömlu Hallé hljómsveit, og þýzk sprengja hafði lagt bygg- ingu hljómsveitarinnar í rústir. Barbirolli tók til óspilltra málanna. Hann leitaði um alla borgina eftir hljóðfæraleikurum, tók meira að segja konu úr Hjálp- ræðishersshljómsveit til að leika á básúnu. Fyrstu hljómleikar hans fóru fram í kirkju — og vöktu mikla athygli. Halle hljómsveitin hélt 230 hljómleika það ár, og var unnið af sama dugnaði öll stríðsárin. Barbirolli fór með hljómsveitina til vígvallanna, lék fyrir hermenn jafnt sem borgarana á heimavígstöðvun- um , og vann sér mikillar 'hylli. Eftir stríðið hefur Barbirolli unnið Hallé hljóm- sveitina upp hröðum skrefum og er nú á góðri leið- með að skipa henni — og sjálfum sér —þann sess, sem þau áður höfðu. Barbirolli leggur mikla áherzlu á að fá ungt fólk til að sækja hljómleika sína. Hann segir því, að Beethoven og Bach séu sú karlmannlega hljómlist, sem djarfri æsku sæmi, ekki jazzinn. Hann er nú cinn af þeim fáu hljómsveitarstjórum í heimin- um, sem geta sagt, að þriðjungurinn af hlustendum sínum séu jafnaai ininain við 18 áira aldur. Frmtíðin brosir nú á ný við Barbirolli — hann er aðeins 49 ára — og Halié hljómsveitinni. Vinsældir hans eru meiri en nokkru sinní í Manchester éftir að hann sýndi borginni og hljómsveitirmi þá tryggð að neita boði BBC. „Microfónninn er tilbúinn, jrúl" 8 MUSICA

x

Musica

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Musica
https://timarit.is/publication/725

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.