Morgunblaðið - 12.12.2008, Side 7

Fréttir 7INNLENT
MORGUNBLAÐIÐ FÖSTUDAGUR 12. DESEMBER 2008
Eftir Þórð Snæ Júlíusson
thordur@mbl.is
SKULDABRÉF útgefin af fyrirtækjum og
bönkum voru keypt úr úr peningamark-
aðssjóði Kaupþings með 44% afslætti. Alls
voru keypt út bréf sem voru í októberbyrjun
metin á 12,4 milljarða króna og greiddir fyrir
um sjö milljarðar króna. Slík skuldabréf voru
um þriðjungur af samsetningu sjóðsins en af-
gangurinn innlán sem voru greidd út að fullu.
Rúmlega 80% allra bankabréfa í sjóðnum
voru útgefin af Kaupþingi sjálfu og helmingur
skuldabréfa fyrirtækja í sjóðnum voru bréf frá
Exista og Bakkavör. Exista var stærsti eig-
andi Kaupþings fyrir fall bankans og átti einn-
ig Bakkavör. Því var um fimmtungur sjóðsins
skuldabréf frá Kaupþingi og aðilum tengdum
eigendum bankans. Sjóðnum var síðan slitið
eftir að hafa greitt út eina heildargreiðslu til
sjóðfélaga í lok október. Hlutfall útgreiðsl-
unnar nam 85,3% af þeirri upphæð sem sjóð-
urinn var hinn 3. október.
Sjóðurinn var samtals 84,3 milljarðar króna
að stærð í lok árs 2007. Þar af námu skulda-
bréf útgefin af fyrirtækjum 38,8 milljörðum
króna, eða 46%. Innlán á þeim tíma námu sam-
stals 15,5 milljörðum króna eða rúmlega 18%
af heildarsamsetningu. Samsetning breyttist
hins vegar töluvert á fyrstu mánuðum ársins
2008. Heimildir Morgunblaðsins herma að það
hafi aðallega gerst vegna gjaldþrots Gnúps,
en töluvert af skuldabréfum þess félags var í
sjóðum Kaupþings. Þegar bréfin voru fjar-
lægð úr peningamarkaðssjóðnum tók hann á
sig högg í ávöxtun og missti við það þónokk-
urn fjölda viðskiptavina. Í apríl hafði sjóð-
urinn minnkað niður í 49 milljarða króna og
þar af voru skuldabréf fyrirtækja að andvirði
14,7 milljarðar, eða um 30%. Á sama tíma juk-
ust innlán mikið og voru orðin 66% af heildar-
samsetningu við slit sjóðsins. Sömu heimildir
herma að í upphafi árs hafi skuldabréf frá
Gnúpi verið að finna í peningamarkaðssjóðum
allra stærstu bankanna. Hinir bankarnir hafi
hins vegar ákveðið að kaupa þau út án þess að
sjóðirnir tækju á sig högg og haldið áfram að
vaxa allt fram að lokum.
Skuldabréf eigenda 20% af sjóð
2 
34. 
5 
6+
7 &
817 
'  /%$/
9
( 
04 !"#$ 
6,8
0


// 1,



























:


:



:

:




MAGNÚS Ragnarsson, fyrrverandi
sjónvarpsstjóri Skjás eins, fagnar
því að Hæstiréttur skuli hafa stað-
fest dóm Héraðs-
dóms Reykjavík-
ur um að tiltekin
ummæli í grein-
um í DV og
Fréttablaðinu um
hann skuli vera
dauð og ómerk.
„Það er
ánægjulegt að sjá
þegar Hæsti-
réttur staðfestir
að menn sem
telja sig vera varðhunda almennings
eru í raun kjölturakkar eigenda
sinna,“ segir Magnús.
Í frétt í Fréttablaðinu var m.a.
sagt að Magnús væri kallaður
„Maggi glæpur“ á markaðsdeild 365.
Fyrirsögn á annarri grein var „Geð-
þekkur geðsjúklingur“ og fylgdi
mynd af Magnúsi með. Hæstiréttur
staðfestir að í ummælum í DV, þar
sem vísað var til einkalífs Magnúsar,
hafi falist ærumeiðandi móðganir
sem varði við hegningarlög. Útgáfu-
félagið 365 miðlar var dæmt til að
greiða Magnúsi 600 þúsund krónur í
bætur auk 240 þúsunda til að kosta
birtingu dóms. ingibjörg@mbl.is
Ummælin
dauð og
ómerk
Magnús
Ragnarsson
KANNA á möguleika á aðkomu
Reykjavíkurborgar að þeirri hug-
mynd að koma upp tímabundnu ný-
sköpunarsetri í toppstöðinni svoköll-
uðu, rafstöðvarhúsinu í Elliðaárdal.
Var tillaga Samfylkingar þess efnis
samþykkt í borgarráði í gær. Áhuga-
mannahópur með þátttöku iðn-
aðarmanna, arkitekta, frumkvöðla
og hönnuða hefur unnið að und-
irbúningi málsins, hugmyndavinnu,
gerð viðskiptaáætlunar í samráði við
ýmsa sem að málinu þurfa að koma.
Í greinargerð með tillögunni segir að
sérstaklega áhugavert sé að styðja
við eitt þeirra fjölmörgu sjálf-
sprottnu verkefna á sviði nýsköp-
unar sem komið hafa fram í kjölfar
hruns íslensks efnahagslífs og í erf-
iðri stöðu atvinnumála.
Stöðvarhúsið komst í eigu Reykja-
víkurborgar frá Landsvirkjun ný-
verið með sérstökum samningi þar
sem m.a. voru kvaðir um niðurrif
hússins. Í gögnum sem áhuga-
mannahópurinn hefur aflað liggur
hins vegar fyrir samþykki forstjóra
Landsvirkjunar um þessa notkun.
Nýsköpun
í dalnum
Nýsköpun Stöðin fær nýtt hlutverk.
Hvernig líður starfsfólkinu
þínu í vinnunni?
VR | KRINGLUNNI 7 | 103 REYKJAVÍK | S. 510 1700 | F. 510 1717 | WWW.VR.IS
Virðing
Réttlæti
Öll fyrirtæki geta tekið þátt í könnun VR, Fyrirtæki ársins. Stjórnendur þeirra geta svo
nýtt sér niðurstöðurnar og fengið skýra mynd af aðbúnaði og ánægju starfsfólksins.
Þessar upplýsingar koma sér vel í daglegum rekstri. Það er því allra hagur að sem flestir
segi hvað þeim finnst.
Hvetjum samstarfsfólk okkar til að taka þátt í könnuninni!
Athugið að skila þarf inn þátttökulistum í síðasta lagi 5. janúar 2009. Allar nánari
upplýsingar fást á heimasíðu VR, www.vr.is, eða með því að senda póst á vr@vr.is
Fyrirtæki ársins
2009