Morgunblaðið - 23.04.2009, Side 6

6 FréttirINNLENT
MORGUNBLAÐIÐ FIMMTUDAGUR 23. APRÍL 2009
Eftir Önnu Sigríði Einarsdóttur
annaei@mbl.is
GISSUR Júní Kristjánsson lög-
fræðingur hefur borið eiginnafnið
Júní frá því í september á síðasta
ári. Gissur, sem er kominn á sjö-
tugsaldur, segir að síðasta sumar
hafi vaknað hjá sér löngun til að
bæta við nafninu Júní.
„Þetta er fallegt nafn, enda er
júnímánuður einn bjartasti tími
ársins. Aðrar þjóðir hafa líka not-
að þetta nafn, meðal annars Róm-
verjar og báru rómversk stór-
menni gjarnan þetta sögufræga
nafn sem og gyðjan Júnó, eig-
inkona Júpíters,“ segir Gissur
Júní.
Góð viðbrögð hjá
vinum og vandamönnum
Í framhaldi gerði hann sér ferð
niður á skrifstofu Þjóðskrár og
komast þá að því að mannsnafnið
Júní var ekki til á mannanafna-
skrá. Senda þurfti því sérstaka
beiðni til mannanafnanefndar til
að fá það samþykkt.
Gissur Júní segir beiðni um
skráningu nafnsins hins vegar ekki
hafa verið flókna. „Ég fyllti bara
út einfalt skjal á staðnum og svo
sá Þjóðskrá um að senda beiðnina
áfram. Þremur vikum síðar barst
mér svo bréf um að mannanafna-
nefnd hefði samþykkt nafnið.“
Hann var að vonum ánægður
með skjót og góð viðbrögð nefnd-
arinnar, sem hann segir að hafi
gefið upp eignarfallsendinguna
Júnís. Og Gissur Júní hefur notað
nýja nafnið frá því það var sam-
þykkt og segir viðbrögð vina og
vandamanna hafa verið góð. En
þess má geta að júní er einnig
fæðingarmánuður þessa fyrsta ís-
lenska Júnís.
Breyttist í Júní í september
 Fyrstur íslenskra karla til að bera eiginnafnið Júní  Fékk hraða og góða afgreiðslu
hjá mannanafnanefnd  Er fæðingarmánuður Gissurar og í miklu uppáhaldi hjá honum
Morgunblaðið/RAX
Ánægður með nafnið „Júní er bjartasti tími ársins,“ segir Gissur Júní.
Eftir Bergþóru Njálu Guðmundsdóttur
ben@mbl.is
RÚMUR helmingur stærstu fyr-
irtækja á Íslandi ætlar að ráða í ný
störf á þessu ári. Þetta kom fram í
ræðu Jóhönnu Sigurðardóttur for-
sætisráðherra á aðalfundi Samtaka
atvinnulífsins í gær og vísaði hún
þar til nýrrar könnunar atvinnu-
þjónustu Háskólans í Reykjavík.
Hún sagði þetta meðal jákvæðra
teikna um að botninum væri náð og
að þróunin væri tekin að snúast við.
Jóhanna sagði mikilvægt að tala
skýrt í Evrópusambandsmálum.
„Villuljós um einhliða upptöku evru
eða upptöku evru í samstarfi við
AGS og ESB eru ekki boðleg,“ sagði
hún. Framkvæmdastjórn ESB teldi
unnt að ljúka aðildarviðræðum við
Ísland á innan við einu ári eftir að
þær hefjast. „Aðild að M2, sem teng-
ir gjaldmiðil nýs aðildarríkis við evr-
una með ákveðnum vikmörkum,
gæti fengist nokkrum mánuðum eft-
ir aðild.“
Þá sagði Jóhanna að aðeins í
gegnum aðildarviðræður fái þjóðin
raunhæfa kosti sem hún geti tekið
afstöðu til. „Það segir sig sjálft að
við munum ekki ganga í ESB nema
við fáum ásættanlega niðurstöðu,
t.d. fyrir sjávarútveg og landbúnað.“
Hvað ríkisfjármálin varðar sagð-
ist Jóhanna vilja forgangsraða upp á
nýtt, fækka ráðuneytum og sameina
stofnanir. „Það hlýtur að vera svig-
rúm til hagræðingar þegar við lítum
til þess að útgjöld ríkissjóðs hafa
hækkað um rúm 60% frá aldamót-
um. Á sama tíma hefur hlutfall út-
gjalda til almannatrygginga og vel-
ferðarmála aðeins hækkað um 3%.“
Loks sagði hún að hún hefði falið
nýrri peningastefnunefnd Seðla-
bankans að fara yfir kosti og galla
þess að breyta peningamálastefn-
unni. Aðstæður væru nú að skapast
fyrir verulega lækkun vaxta.
Teikn um að botni sé náð
 Forsætisráðherra segir villuljós í umræðunni um ESB ekki boðleg  Peninga-
málastefnan í endurskoðun  Skilyrði hafa skapast fyrir verulega vaxtalækkun
„ÉG HEF mjög
miklar efasemdir
um að Íslend-
ingar séu í stakk
búnir til að fara
út í olíuvinnslu.
Það segir ekkert
um stefnu flokks-
ins að öðru
leyti,“ segir Kol-
brún Halldórs-
dóttir umhverf-
isráðherra. Það sé rangt sem kom
fram í fréttum Stöðvar tvö í gær-
kvöld að Vinstri grænir leggist
gegn olíuleit á Drekasvæðinu.
„Þvert á móti greiddum við atkvæði
með málinu 2001 því við töldum að
vinna ætti að því af heilindum.“
Flokkurinn hafi setið hjá við af-
greiðslu málsins í vetur vegna þess
óðagots sem einkenndi máls-
meðferðina. Í fréttinni sagði hún
ennfremur að hún hefði ekki trú á
því að „groddaralegar“ ákvarðanir
á borð við olíuvinnslu væru leiðin til
að reisa þjóðina við. En bendir
þetta orðalag ekki til þess að hún sé
andsnúin málinu?
„Jú, ég er það,“ svarar Kolbrún.
„Ég hef miklar efasemdir um olíu-
vinnslu á Drekasvæðinu. Mér finnst
menn tala um þetta núna sem ein-
hverja töfralausn fyrir íslenskt at-
vinnulíf. Ég er ekki trúuð á það.“
Hún segir að það væri skrýtið ef
umhverfisráðherra beitti sér fyrir
aukinni notkun á jarðefnaeldsneyti
í stað þess að beita hugmyndafræði
sjálfbærrar þróunar við leit að at-
vinnutækifærum.
En myndi ekki breyta miklu fyrir
Íslendinga ef þessi auðlind fyndist á
Drekasvæðinu?
„Jújú, ég get ekkert neitað því en
þess vegna hefði ég viljað skoða
málið frá öllum hliðum.“ Mikilvægt
sé að draga úr losun gróðurhúsa-
lofttegunda. „Væri ekki nær að Ís-
lendingar reyndu að virkja vindinn
á hálendinu og meðfram ströndum
landsins? Kynni ekki að vera að það
skapaði miklu fleiri atvinnutæki-
færi í landinu en olíuvinnsla?“
Í yfirlýsingu frá VG í gærkvöld
er áréttað að flokkurinn leggist
ekki gegn olíuleit á Drekasvæðinu.
Hins vegar hafi hann sett fyrirvara
um umhverfisáhrif og mengunar-
varnir við mögulega olíuleit og ol-
íuvinnslu. ben@mbl.is
Kolbrún
andsnúin
olíuvinnslu
Kolbrún
Halldórsdóttir
VG ekki á móti leit
á Drekasvæðinu
ÞVÍ fer fjarri að Júní sé eini
mánuðurinn sem einnig er
notað sem mannsnafn.
Raunar er helmingur ársins
nú þegar í notkun. Apríl er
þannig samþykkt eiginnafn
stúlku. Júní, Júlí, Ágúst,
Nóvember og Mars eru síð-
an samþykkt eiginnöfn
drengja. Eflaust má færa
rök fyrir því að September,
Október og Desember gætu
því einnig fengið samþykki
sem eiginnöfn drengja. En
hvernig ætli staðan sé varð-
andi Janúar, Febrúar og
Maí? Á það virðist ekki hafa
reynt enn.
Helmingur ársins
í notkun
TÍMARITIN Melkorka, Vera, Frúin, Snót og
Eldhúsbókin kveikja efalítið minningar í huga
einhverra kvenna. Eru þessi blöð meðal muna á
sýningu um kvennablöð og kvennatímarit sem
opnuð var í Þjóðarbókhlöðunni í gær, síðasta
vetrardag.
Húsfreyjan, elsta kvennatímaritið sem enn er
gefið út, fær þá sinn hluta athyglinnar sem og
frumkvöðull kvenna í blaðamannastétt, rithöf-
undurinn og myndlistarmaðurinn Torfhildur
Þorsteinsdóttir Hólm, en hún hóf að gefa út árs-
ritið Draupni árið 1891.
Morgunblaðið/Árni Sæberg
Og íslenska konan eignaðist rödd …
Kjarasamningar sem gerðir voru í
fyrra fyrir starfsmenn á almennum
vinnumarkaði eiga að halda gildi
sínu út næsta ár skv. drögum að
stöðugleikasáttmála milli stjórn-
valda, Samtaka atvinnulífsins og
samtaka launafólks. Þetta kom
fram í ræðu Þórs Sigfússonar, sem
endurkjörinn var formaður SA í
gær. Þá gera drögin m.a. ráð fyrir
að fyrir árslok 2010 verði verð-
bólga minni en 2,5%, að vextir hafi
lækkað svo mikið að vaxtamunur
gagnvart evrusvæðinu verði minni
en 4% og að gengi evru verði á
bilinu 130-140 krónur.
Kjarasamningar frá í fyrra gildi út næsta ár