Morgunblaðið - 23.04.2009, Blaðsíða 53

» Því verðurekki neitað að
Efron er með ein-
dæmum snoppu-
fríður drengur og
þótt ótrúlegt
megi virðast er
hann ekki búinn
til úr plasti.
Hver er þessi ungi dúkkulegidrengur spyrja eflaust sum-ir sig þegar þeir fletta blöð-
um og skoða vefmiðla um þessar
mundir og rekast á myndir af nýj-
asta ungstirninu í Hollywood, Zac
Efron. Helmingur unglingsstúlkna í
heiminum er með hann á heilanum
og tímarit berjast um að hafa hann á
forsíðum sem von er enda er Efron
sjúklega sykursætur og söluvæn-
legur.
  
En hver er þessi drengur?Zachary David Alexander
Efron er kvikmyndaleikari og
söngvari. Hann fæddist 18. október
árið 1987 í San Luis Obispo í Kali-
forníu og á einn yngri bróður, Dyl-
an. Foreldrar hans eru millistétt-
arfólk, faðirinn vélvirki og móðirin
ritari. Þegar hann var ellefu ára
uppgötvuðu foreldrarnir að son-
urinn gat sungið og sendu hann í
söngtíma. Út frá þeim tímum fékk
hann hlutverk á sviði og smitaðist
þar með af leiklistarbakteríunni.
Þótt söngröddin sé ágæt og hann
hafi sungið í mörgum mynda sinna
hefur Efron sagst ætla að einbeita
sér að leiklistinni, hún sé hans
ástríða, og neitaði meira að segja
plötusamningi sem Simon Cowell
bauð honum.
Eftir að hafa komið fram nokkr-
um sinnum á sviði fóru honum að
bjóðast gestahlutverk í sjónvarps-
þáttum, m.a. Bráðavaktinni og CSI.
Það var síðan í þáttunum Summer-
land sem hann fékk sitt fyrsta fasta
hlutverk í sjónvarpi. Árið 2006
komst hann á kortið með leik sínum í
kvikmyndinni High School Musical
1, fyrir þá frammistöðu fékk hann
Teen Choice Award sem besti nýlið-
inn. Árið eftir fór hann með hlutverk
töffarans í Hairspray og nú má sjá
hann í íslenskum bíóhúsum í aðal-
hlutverkinu í 17 Again. Næst má sjá
hann í myndinni Me and Orson Well-
es sem von er á í bíó á þessu ári og í
hlutverki Jonnys Quests í sam-
nefndri ævintýramynd sem á að
koma út á næsta ári.
  
Áður en Efron varð einn aðalmað-urinn í Hollywood náði hann að
ljúka framhaldsskólanámi frá Arr-
oyo Grande High School vorið 2006
og var víst ágætisnemandi. Hann
var kominn inn í háskóla í Kaliforníu
en ákvað að snúa sér að leiklistinni
að fullu, hann stefnir þó að há-
skólanámi einn daginn.
Efron er margt til lista lagt, hann
leikur á píanó og lærir á gítar. Í frí-
tíma dundar hann sér við að gera
upp tvo gamla bíla, Delorean og ’65-
árgerð af Mustang, sem hann fékk
frá afa sínum. Uppáhaldsíþróttirnar
hans eru golf, skíði, klettaklifur,
snjó- og brimbretti. Efron er nýflutt-
ur út frá foreldrum sínum og á hann
tvo hunda og einn kött.
  
Margir eru uppteknir af Efronum þessar mundir og er hon-
um fylgt eftir hvert fótmál af pap-
arazzi-ljósmyndurum. Slúðurblogg-
arinn Perez Hilton hreinlega elskar
piltinn, sem hann vildi að væri sam-
kynhneigður, og skrifar mjög reglu-
lega um hann. Perez er aftur á móti
minna hrifinn af unnustu hans til
tveggja ára, leikkonunni Vanessu
Hudgens en henni kynntist Efron við
tökur á High School Musical-
myndunum þar sem hún fer líka með
eitt aðalhlutverkið. Hudgens hefur
átt svipaðan feril og Efron þangað
til núna þegar hún er orðin þekktari
fyrir að vera kærastan hans en leik-
ari.
Þrátt fyrir að vera stöðugt í sviðs-
ljósinu hefur lítið óhreint verið graf-
ið upp um Efron. Hann virðist vera
fyrirmyndardrengur sem hefur lít-
inn áhuga á að fara út á lífið. Enda
hefur hann látið hafa það eftir sér að
hann ætli ekki að feta í fótspor ann-
arra ungstirna sem hafa farið beint
af frægðarbrautinni í ræsið. Hann
segist hafa lítinn áhuga á að fara út á
lífið og vilji frekar eyða kvöldinu
heima með góðum vinum, á tón-
leikum eða ferðalagi. Efron segist þó
hafa lagt mikið á foreldra sína þegar
hann var yngri og þráði frelsið til að
haga sér eftir eigin höfði.
  
Því verður ekki neitað að Efron ermeð eindæmum snoppufríður
drengur og þótt ótrúlegt megi virð-
ast er hann ekki búinn til úr plasti.
Fegurðarspekúlantar virðast allir
vera sammála um fríðleika Efrons
enda hefur hann, þrátt fyrir ungan
aldur, komist mjög ofarlega í vali á
kynþokkafyllstu körlum heims í fjöl-
miðlum. Því er spáð að hann verði
næsta stóra kyntákn Hollywood,
enda getur blanda af himinbláum
augum, dökku hári, stæltum líkama,
fíngerðu nefi og hundrað sjötíu og
fimm sentimetrum varla klikkað …
eða hvað? Gallinn við Efron er að
hann er „of“ fullkominn, hárið virðist
ekki ýfast, kinnarnar glansa af hrein-
læti og hann sést ekki gretta sig eða
hrukka ennið, en vonandi mun þessi
fullkomnun þroskast af honum.
Það verður gaman að sjá hvað
verður úr Zac Efron í framtíðinni;
fellur hann í pytt frægðarinnar og
hverfur eða nær hann að halda sínu
striki og verða næsti Brad Pitt?
ingveldur@mbl.is
Sjúklega sykursætur stjörnustrákur
AF LISTUM
Ingveldur Geirsdóttir
Sæt saman Með kærustu sinni, Vanessu Hudgens,
á körfuboltaleik í Los Angeles um seinustu helgi.
Reuters
Efron
Fallega
ýfður og
sætur á
frumsýn-
ingu 17
Again í
apríl.
Menning 53
MORGUNBLAÐIÐ FIMMTUDAGUR 23. APRÍL 2009
Hið árlega Vorvítamín Hamrahlíðakóranna verður haldið á
sumardaginn fyrsta nk.
Vorvítamínið eru tónleikar þar sem kórarnir tveir, Hamra-
hlíðarkórinn og kór Menntaskólans við Hamrahlíð, koma
saman og syngja sig inn í sumarið.
Efnisskrá tónleikanna er fjölbreytt og ætti að vekja með
öllum vorhug og sumargleði.
Haldnir verða tvennir tónleikar, þeir fyrri kl. 14
og seinni kl. 16 og á milli tónleika verður svo kaffisala
og ýmis skemmtiatriði frá kórfélögum.
Allir velkomnir.
Vorvítamín
Hamrahlíðakóranna