Morgunblaðið - 03.07.2009, Síða 14

14 FréttirINNLENT
MORGUNBLAÐIÐ FÖSTUDAGUR 3. JÚLÍ 2009
www.eirberg.is • 569 3100 • Stórhöfða 25
Rafskutlur
-frelsi og nýir möguleikar
Einfaldar í notkun
og hagkvæmar í rekstri
www.veggfodur.is
Eftir Bergþóru Njálu Guðmundsdóttur
ben@mbl.is
STEINGRÍMUR
J. Sigfússon fjár-
málaráðherra
segir megintil-
gang laga um af-
dráttarskatt að ná
sköttum af vaxta-
tekjum sem fara
frá Íslandi til sk.
aflandssvæða eða
skattaskjóla, sem
og landa sem Ís-
land hafi ekki gert tvísköttunarsamn-
inga við.
Í lögum sem samþykkt voru á
mánudag er gert ráð fyrir 15% skatti
á vaxtatekjur erlendra lánveitenda
hérlendis, sk. afdráttarskatt. Í Morg-
unblaðinu í gær var rakið að í lang-
flestum lánasamningum sem íslensk
fyrirtæki hafa gert við erlenda lán-
veitendur sé ákvæði sem kveður á um
að sé slíkur skattur lagður á beri lán-
takandinn, þ.e. íslenska fyrirtækið,
kostnaðinn af slíku. Þetta þýðir að
skattbyrðin muni í raun lenda á ís-
lensku fyrirtækjunum, en ekki þeim
erlendu.
Mest áhrif á japönskum lánum
Steingrímur segir að í stórum
hluta tilfella séu fyrir hendi tvískött-
unarsamningar, þar sem kveðið er á
um að slíkir skattar falli niður. Fram
kom í blaðinu í gær að þannig sé það
þó ekki í öllum tilfellum því í mörgum
samninganna er kveðið á um allt að
10% afdráttarskatt. „Megináhrifin
verða á aðila sem greiða þessar
greiðslur út fyrir þessi svæði og eina
landið sem eitthvað vegur, svo ég viti
til, sem ekki fellur undir þessar regl-
ur væri Japan. Við höfum ekki tví-
sköttunarsamning með hefðbundn-
um hætti við það. En ég held að
skattauppgjörsreglur í Japan geri að
verkum að að því marki sem menn
borga vexti hér fái þeir það frádegið í
Japan.“
Í blaðinu í gær kom fram að skatta-
ívilnanir erlendis miða við nettó-
vaxtahagnað erlendu fyrirtækjanna,
þ.e. þær tekjur sem verða til af vaxta-
muninum milli lána sem lánveitendur
taka til að fjármagna útlán, og svo út-
lánanna sjálfra. Í íslensku lögunum
er hins vegar miðað við staðgreiðslu,
sem verður til þess að skatturinn
verður dreginn af brúttó-vaxtahagn-
aði. Skv. tilbúnu dæmi af 4 milljarða
láni myndi aukakostnaður íslensks
fyrirtækis vera 11 milljónir á ári,
vegna þessa mismunar, þrátt fyrir
skattaívilnanir erlenda lánveitandans
vegna afdráttarskatts hér.
„Já, það getur vel verið að einhver
slík tilvik séu til,“ svarar Steingrímur
og að þetta komi ekki á óvart. „Í
sjálfu sér ekki, auðvitað vissu allir að
uppgjörsreglurnar í þessu eru mis-
jafnar eftir löndum. Þannig að í
tæknilegri útfærslu getur vel verið að
það þurfi að skoða einhver slík tilvik.“
Hann leggur áherslu á að með lög-
unum sé komið á almennum reglum,
til að ná utan um greiðslur út úr landi
og til að íslenska ríkið missi ekki af
skatttekjum til annarra landa, sem
eðlilegt væri að það fengi. „Eða
hreinlega að menn fá alveg skattfrelsi
vegna þess að þeir eru að senda
greiðslurnar til einhverra aflands-
svæða.“
Hindri skatt-
frelsi sumra
Afdráttarskattur nái utan um fé úr landi
Steingrímur J.
Sigfússon
Eftir Ágúst Inga Jónsson
aij@mbl.is
„Á ÞESSUM fundi styrktum við stöðu okkar
og það neitar því enginn lengur að Ísland er
strandríki þegar kemur að veiðum á makríl,“
segir Hrefna M. Karlsdóttir, skrifstofustjóri á
alþjóðaskrifstofu sjávarútvegsráðuneytis.
Hún sótti í byrjun vikunnar fund í London
um stjórn makrílveiða og er það í fyrsta skipti
sem ESB, Færeyjar og Noregur bjóða Íslandi
að þessu borði. Auk Hrefnu sátu þeir Tómas H.
Heiðar þjóðréttarfræðingur og Friðrik J. Arn-
grímsson, framkvæmdastjóri LÍÚ, fundinn.
Ísland hefur lengi krafist þess að hin strand-
ríkin viðurkenni strandríkjarétt Íslands að
makrílstofninum og þar með aðkomu að samn-
ingaborði um makrílveiðar. Hrefna segir að í
sjálfu sér hafi ekki verið um beina niðurstöðu
að ræða af þessum fundi. Hún reiknar með að
þessar viðræður haldi áfram í sumar og haust
og segist fastlega reikna með að Íslandi taki
þátt í fundi um heildarstjórn á makrílveiðum í
lok október næstkomandi.
Ferli sem lýkur vonandi með lausn
„Þetta var byrjunin á ákveðnu ferli, sem ég
vona að ljúki með lausn sem allir geta sætt sig
við,“ segir Hrefna. „Það er staðreynd, sem
verður ekki hafnað að makríll er í íslenskri lög-
sögu og magnið hefur aukist gífurlega síðustu
árin.“
Noregur og ESB gagnrýndu makrílveiðar
Íslendinga harðlega síðasta vetur, en Hrefna
segir ábyrgðina ekki síður vera hjá þeim, þar
sem þeir hefðu hafnað aðkomu Íslendinga að
stjórnun veiðanna. Það væri vonandi að breyt-
ast. Hrefna segir að ekki hafi verið gerð krafa
um að Íslendingar hætti makrílveiðum á fund-
inum í London. Slíkt væri enda fráleitt þar sem
íslensku skipin veiða innan íslenskrar lögsögu
og hefðu allan rétt til veiðanna.
Ísland ákvað einhliða að veiða 112 þúsund
tonn af makríl í íslenskri lögsögu á þessu ári og
var magninu ekki skipt á milli skipa. Kraftur
hefur verið í veiðunum að undanförnu og voru
skipin að veiðum djúpt suðasutur af landinu í
gær.
Sterkari staða eftir makrílfund
 Reiknað með sæti við samningaborðið þegar afla næsta árs verður skipt á fundi strandríkja í haust
 Ekki gerð krafa um að Íslendingar hætti makrílveiðum á fundi sem haldinn var í London í vikubyrjun
ÞEIR eru myndarlegir og girnilegir, kínakálshausarnir sem verið var taka
upp á Grafarbakka við Flúðir í gær. Einn þeirra sem unnu baki brotnu við
uppskerustörfin var Jónas Rafn Ölversson. Kínakálið var forræktað í gróð-
urhúsum en síðan plantað út seint í maí. Kínakálið kemur á markað í dag,
föstudag.
Morgunblaðið/Sigurður Sigmundsson
KÍNAKÁLIÐ TILBÚIÐ
ÁRMANN Jakobsson bókmennta-
fræðingur hlaut í gærmorgun hvatn-
ingarverðlaun Vísinda- og tækni-
ráðs. Verðlaunin eru stærstu
vísindaverðlaunin sem veitt eru á Ís-
landi, tvær milljónir króna.
Í rökstuðningi dómnefndar segir
m.a: „Ármann hefur verið einstak-
lega frjór og afkastamikill vísinda-
maður. Ritaskrá hans er bæði löng
og fjölbreytt og kennir þar ýmissa
grasa. Hann hefur gefið út þrjár
frumsamdar fræðibækur, ritstýrt
öðrum fjórum og tveggja binda út-
gáfa hans á Morkinskinnu í rit-
röðinni Íslenzk fornrit er væntanleg
á árinu. Einnig hefur Ármann birt
um 80 tímaritsgreinar og bókakafla,
verulegan hluta af því í alþjóðlegum
ritrýndum fræðiritum, auk fjölda
fræðilegra ritdóma.“
Það vakti sérstaka athygli í hversu
mörgum og ólíkum ritum Ármann
hefur birt greinar.
Ármann hvattur til afreka
Frjór Jóhanna Sigurðardóttir afhenti
Ármanni Jakobssyni verðlaunin.
Á MORGUN, laugardag verður
staðið fyrir hópgöngu yfir Fjarð-
arheiði. Gangan er farin í því skyni
að vekja athygli á óviðunandi
ástandi samgangna við Seyðisfjörð.
Í því skyni verður efnt til hópgöngu
yfir Fjarðarheiði a.m.k. ársfjórð-
ungslega þar til komin verða jarð-
göng sem tengja Seyðisfirðinga við
önnur byggðalög, að því er segir í
tilkynningu.
Gangan hefst kl. 9 við Eyvindar-
árbrú. Einnig verður farið með
rútu frá Herðubreið kl. 8:30. Þeir
sem ekki treysta sér til að ganga
alla leið geta farið út úr rútunni þar
sem þeir vilja hefja gönguna
Hópganga
yfir Fjarðarheiði
á morgun
FULLTRÚAR
Bílgreina-
sambandsins
funduðu í vik-
unni með fjár-
málaráðherra
um stöðu grein-
arinnar. Þeir
kynntu m.a. hug-
mynd um-
greiðslu fyrir
förgun á gömlum bílum. Greiðslan
væri skilyrt til kaupa á nýjum vist-
vænni bíl. Sala á bílum og öryggi
ykist sem og tekjur ríkissjóðs. Að
sögn Özurar Lárussonar fram-
kvæmdastjóra Bílgreinasambands-
ins sýndi ráðherra hugmyndinni
töluverðan áhuga.
Förgunargreiðsla
upp í nýjan bíl
Özur Lárusson
VALNEFND í Hafnarfjarðar-
prestakalli ákvað á fundi sínum á
miðvikudaginn að leggja til að séra
Þórhallur Heimisson yrði skipaður
sóknarprestur í stað sr. Gunnþórs
Ingasonar, sem gegnt hefur emb-
ættinu s.l. 32 ár.
Sr. Þórhallur hefur undanfarin
ár gegnt starfi prests í Hafnarfjarð-
arprestakalli. Væntanlega mun
biskup Íslands auglýsa það embætti
laust til umsóknar fljótlega.
Sr. Þórhallur varð
fyrir valinu