Morgunblaðið - 08.07.2009, Blaðsíða 17

Fréttir 17ERLENT
MORGUNBLAÐIÐ MIÐVIKUDAGUR 8. JÚLÍ 2009
HÚN hefur ekki augun af unganum, strútsmóðirin í dýragarðinum í Berlín.
Sex strútsmæður eignuðust unga þetta sumarið í garðinum og fá gestir því
einstakt tækifæri til að fylgjast með fyrstu dögunum í lífi þessara fugla
sem eru þeir stærstu sem nú lifa á jörðinni. Sólin brosir við ungviðinu.
Reuters
VÖKUL MÓÐURAUGU
EINN helsti and-
legi leiðtogi
Egypta, Muham-
med Sayyed Tan-
tawi, hefur kraf-
ist þess að
maðurinn sem
stakk til bana 32
ára barnshafandi,
egypska konu í
réttarsal í Dres-
den í Þýskalandi í
síðustu viku, fái eins þungan dóm og
mögulegt er.
Marwa Sherbini, sem var borin til
grafar í Egyptalandi á mánudaginn,
kærði manninn fyrir að hreytt í hana
ókvæðisorðum þar sem hún var með
3 ára syni sínum í almenningsgarði í
Dresden í fyrra. Maðurinn, sem kall-
aður er Axel W og er af rússneskum
uppruna, sakaði hana um að vera
hryðjuverkamaður vegna slæðunnar
sem hún bar um höfuðið eins og er
siður margra múslíma. Axel W var
dæmdur til þess að greiða konunni
780 evrur fyrir að hafa vanvirt trú
hennar en hann áfrýjaði dómnum.
Þegar þau hittust á ný í réttarsal í
Dresden í síðustu viku tók hann allt í
einu upp hníf fyrir framan alla í rétt-
arsalnum, þar á meðal eiginmann
konunnar og son, og kastaði sér yfir
hana og stakk 18 sinnum. Eiginmað-
urinn reyndi að grípa inn í en lög-
reglumaður fór mannavillt og skaut
hann í fótinn, að því er segir á frétta-
vefnum sueddeutsche.de.
Þúsundir fylgdu ungu konunni til
grafar í Alexandríu í Egyptalandi og
meðal viðstaddra var sendiherra
Þýskalands. Nokkrir syrgjenda köll-
uðu „Niður með Þýskaland“ en aðrir
að þeir vildu hefnd. Morðið hefur
vakið óhug meðal araba víða um
heim og þeir segja að lítil viðbrögð
við því séu merki um hatur á músl-
ímum. ingibjorg@mbl.is
Stungin
til bana í
réttarsal
Arabar æfir vegna
morðs í Dresden
Syrgjendur
við útförina
Eftir Ingibjörgu B. Sveinsdóttur
ingibjorg@mbl.is
BARACK Obama Bandaríkja-
forseti átti í gær fund á hóteli sínu
í Moskvu með nokkrum af helstu
gagnrýnendum yfirvalda í Rúss-
landi, þar á meðal skáksnill-
ingnum Garrí Kasparov.
Obama sagði að það væri mikil-
vægt að yfirvöld sættu sig ekki
bara við skoðanir sem væru í and-
stöðu við þeirra eigin, heldur virtu
þær einnig.
Ofsóttir og myrtir
Að loknum fundi þeirra kvaðst
Kasparov hafa greint Bandaríkja-
forseta frá því að staða mannrétt-
indamála hefði versnað í forsetatíð
Medvedevs. Kasparov sagðist hafa
afhent Obama lista með nöfnum
harðsnúinna, rússneskra stjórnar-
andstæðinga sem hefðu verið
handteknir, ofsóttir og myrtir
undanfarin ár.
Fyrr um daginn hitti Banda-
ríkjaforseti nemendur í við-
skiptaháskóla í Mosku. Þar sagði
hann að möguleikarnir á samvinnu
Bandaríkjanna og Rússlands gætu
orðið miklir yrði kaldastríðshugs-
unarhátturinn lagður til hliðar.
Nauðsyn betra réttarkerfis
Obama var jafnopinskár á
næsta fundi sínum sem var með
kaupsýslumönnum. Sagði hann að
til þess að erlendir aðilar myndu
fjárfesta í Rússlandi þyrfti réttar-
kerfið að batna.
Erlendir fréttaskýrendur efast
um að ummæli Bandaríkjaforseta
hafi fallið Dmítrí Medvedev Rúss-
landsforseta og Vladimir Pútín
forsætisráðherra í geð.
Seinni dagur Moskvuheimsókn-
ar Obama hófst reyndar með
morgunverðarfundi hans og Pút-
íns.
Kallaði Pútín forseta
Þegar Bandaríkjaforseti ávarp-
aði rússneska forsætisráðherrann
á fundi með blaðamönnum fyrir
morgunverðarfundinn var eftir því
tekið að hann mismælti sig og
kallaði Pútín forseta. Var þetta í
annað sinn í tveggja daga heim-
sókn sinni til Moskvu sem Obama
mismælti sig á þennan hátt.Vakti
þetta athygli í ljósi óljósrar skipt-
ingar valda milli Pútíns og Medve-
devs en sumir telja að Pútín hafi
enn töglin og hagldirnar.
Fyrir Rússlandsferðina sagði
Obama Pútín enn vera með annan
fótinn í kalda stríðinu en í gær
kvaðst hann, þegar Pútín hlýddi á,
gera sér grein fyrir frábæru starfi
hans fyrir rússnesku þjóðina.
Obama opin-
skár í Moskvu
Sagði að rússnesk yfirvöld yrðu að virða
skoðanir í andstöðu við þeirra eigin
Reuter
Í Moskvu Michelle og Barack
Obama heilsa viðskiptanemum.
Eftir Baldur Arnarson
baldura@mbl.is
ÓEIRÐALÖGREGLA beitti táragasi og setti upp farar-
tálma í Urumqi, höfuðborg Xinjiang, í gær til að halda aft-
ur af þúsundum reiðra Han-Kínverja sem gengu um götur
með barefli í leit að Uighur-mönnum í hverfum þeirra.
Kommúnistar reyna hvað þeir geta til að hafa hemil á
ástandinu og komu í gær á útgöngubanni í borginni á milli
níu í gærkvöldi og fram til klukkan átta í morgun.
„Uighur-mennirnir komu til okkar til að valda eyðilegg-
ingu, nú ætlum við til þeirra til að ganga í skrokk á þeim,“
sagði reiður Han-Kínverji í samtali við AFP.
Frásögnum af mannfallinu ber ekki saman
Mikið ber í milli í frásögnum Uighur-manna og fulltrúa
kommúnista í Xinjiang af mannfallinu í óeirðunum á
sunnudag og halda stjórnvöld því fram að flestir þeirra 156
sem hafi fallið hafi verið Han-Kínverjar, öndvert við Ui-
ghur-menn sem telja að níu af hverjum tíu sem týndu lífi
hafi komið úr sínum röðum. Uighur-menn hafa áætlað að
600 hafi fallið en það hefur enn ekki fengist staðfest.
Tilefni mótmælanna voru erjur á milli fulltrúa hópanna í
leikfangaverksmiðju í Guangdong-héraði fyrir skömmu.
Upp úr sauð á sunnudag þegar mótmælendur úr röðum
Uighur-manna gengu berserksgang og réðust á Han-Kín-
verja í borginni. Mótmælendum lenti þá saman við óeirða-
lögreglu og fullyrða Uighur-menn að hún hafi þá hafið
skothríð með þeim afleiðingum að fjöldi fólks lá í valnum.
Yfirvöld segjast hafa handtekið ríflega 1.400 manns fyrir
óspektir, skemmdarverk, ofbeldisverk og morð og krefjast
Uighur-menn að fangarnir verði látnir lausir.
Ríki heims og mannréttindasamtök hafa lýst yfir
áhyggjum af þróuninni og hvatt til stillingar.
Óeirðalögregla gætir
hverfa Uighur-manna
Han-Kínverjar í hefndarhug
safna vopnum í Xinjiang
Reuters
Blóðbað Uighur-menn telja myndir af hinum látnu sýna
að mannfallið hafi verið meira en yfirvöld hafa áætlað.
HIN vetnisknúna Antares DLR-H2, einhvers konar sambland af flugvél,
svifflugvél og þyrlu, tekur á loft frá flugvellinum í Hamborg.
Að sögn framleiðenda er þetta fyrsta mannaða flugfarið sem er ein-
göngu knúið vetni. Vænghaf farsins, sem sækir orku í vetni með efnaraföl-
um, er 20 metrar en það er smíðað af fyrirtækinu Lange Aviation. Há-
markshraði þess er 170 km á klukkustund og segjast framleiðendur geta
aukið hraðann í 300 km á klst. Orkunýtnin er 44% og er því helmingi meiri
en í hefðbundnum eldsneytisknúnum hreyflum, að því er fullyrt er.
Reuters
Fyrsta vetnisflugfarið
BETLARAR voru undir lok síðasta
áratugar sjaldgæf sjón á Flórída en
bregður nú gjarn-
an fyrir við helstu
umferðaræðar.
Eins og rakið
er í St. Peters-
burg Times velja
margir þetta lifi-
brauð af eigin
vilja, ekki af illri
nauðsyn.
„Þrátt fyrir að
á skiltunum segi að þeir séu heim-
ilislausir virðast fáir betlarar sofa
úti. Flestir þéna nógu mikið til að
geta keypt bjór, kjúklingabita og
herbergi á ódýru móteli. Innkoman
yfir daginn er yfirleitt á milli 60 og
100 dollarar,“ segir í frétt Lane
DeGregory um kjör betlara.
Ekki eiga allir jafn bágt og þeir
vilja vera láta. Þannig ræðir DeGre-
gory við Roderick Couch, 28 ára
gamlan mann sem betlar í hjólastól.
Hann getur vel gengið en kýs að
fara þessa leið með unnustu sinni,
Jazmine Saldana, frá því að hann af-
plánaði fangelsisdóm. Þau þéna 160
dali á dag, meira en ef þau til dæmis
ynnu við að steikja hamborgara.
Margir betlarar eru í sömu stöðu.
Betlað í sólskinsfylkinu
Að eigin vali?
ÍBÚAR Xinjiang-héraðs eru um 20 milljónir og eru
45% íbúanna Uighur-menn, 40% Han-Kínverjar.
Uighur-menn eru múslímar og eru í meirihluta í
héraðinu þar sem áður var Austur-Túrkistan. Þegar
kommúnistar með Maó í broddi fylkingar tóku völdin
árið 1949 innlimuðu þeir Austur-Túrkistan í Kína og
hefur svæðið síðan verið skilgreint sem Xinjiang-
hérað.
Eins og Tíbetar hafa Uighur-menn horft upp á mik-
inn straum aðfluttra Han-Kínverja sem eru nú nærri
því jafn margir og þeir. Frá árinu 1991 hefur öðru
hvoru skorist í odda á milli hópanna en aldrei með
jafn afdrifaríkum hætti og nú.
Eru 45% íbúa héraðsins