Morgunblaðið - 09.07.2009, Qupperneq 8

8 FréttirINNLENT
MORGUNBLAÐIÐ FIMMTUDAGUR 9. JÚLÍ 2009
Eftir Sigtrygg Sigtryggsson
sisi@mbl.is
ÞAÐ hefur verið líf og fjör við
gömlu höfnina í Reykjavík síðustu
daga. Starfsmenn Vélsmiðjunnar
Héðins hafa unnið að því að taka
niður 10 stóra mjöltanka og annan
búnað fiskimjölsverksmiðjunnar í
Örfirisey og flytja um borð í norsk-
an pramma. Norskur dráttarbátur
er einnig kominn til landsins og
hann mun draga prammann til
Vopnafjarðar, þar sem búnaðurinn
verður settur upp í nýrri loðnu-
bræðslu, sem HB Grandi er að reisa
þar.
Með flutningi búnaðarins frá
Reykjavík lýkur áratuga sögu mjöl-
og lýsisvinnslu í höfuðborginni.
Tankarnir hafa verið áberandi við
gömlu höfnina og eflaust finnst
mörgum nyrsti hluti hafnarinnar
svipminni þegar þeir verða horfnir á
braut.
Tankarnir 10 voru 18 metrar á
hæð en undanfarna mánuði hefur
fjórum metrum verið bætt ofan á þá.
Að sögn Gunnars Pálssonar, verk-
fræðings hjá Héðni, var viðbótin
smíðuð á verkstæði fyrirtækisins og
hún hífð ofan á tankana. Auk þeirra
verður vinnslukerfið, þ.e. sjóðarar,
þurrkarar, skilvindur og mjölflutn-
ingstæki, flutt austur til Vopnafjarð-
ar. Einnig verða tveir 40 metra háir
skorsteinar fluttir austur. Að sögn
Gunnars hafa um 10 starfsmenn
Héðins unnið að því undanfarna
mánuði að stækka mjöltankana og
taka niður þann búnað verksmiðj-
unnar, sem fluttur verður austur.
Ekki hefur verið tekin afstaða til
þess hvað gert verður við aðrar
eignir á svæðinu, þ.e. verksmiðju-
húsið sjálft og aðra geyma sem eru á
svæðinu. Verksmiðjuhúsið var reist
skömmu eftir seinni heimsstyrjöld-
ina. Verksmiðjan gat brætt 350 tonn
af loðnu og síld á sólarhring. Það
þóttu lengi vel góð afköst en eftir að
loðnuskipin stækkuðu dugðu þessi
afköst skammt. Því varð það niður-
staða stjórnenda HB Granda að
leggja niður verksmiðjuna í Reykja-
vík og flytja búnaðinn til Vopna-
fjarðar. Verksmiðjan þar mun geta
brætt 850-900 tonn á sólarhring.
Mjöltankarnir í Örfirisey
dregnir til Vopnafjarðar
Áratuga sögu lýsis- og mjölvinnslu í
Reykjavík lýkur með flutningnum
Morgunblaðið/Ómar
Risatankar Mjöltankarnir eru hífðir um borð í prammann með stórum
krönum. Þeir eru engin smásmíði, því hver þeirra er 22 metrar á hæð.
TÓLF daga bylgju, þegar hitinn á
landinu fór yfir 20 stig á hverjum
degi, lauk í fyrradag þegar hitinn
náði „aðeins“ 19,6 stigum í Bjarnar-
flagi í Mývatnssveit. Bylgjan hófst
26. júní og henni lauk 7. júlí.
Svona bylgjur eru ekki algengar,
samkvæmt upplýsingum Trausta
Jónssonar veðurfræðings. Í fyrra
kom 17 daga bylgja með hámarks-
hita yfir 20 stigum á landinu. Hún
hófst 19. júlí og stóð til 2. ágúst. Ár-
ið 2004 kom slík bylgja, sem stóð í
14 daga.
Að þessu sinni hófst bylgjan með
því að hitinn á Hjarðarlandi í Bisk-
upstungum náði 20,5 stigum 26.
júní. Það var jafnframt í fyrsta
skipti, sem hitinn fór yfir 20 stigin á
þessu sumri. Hæst komst hitinn í
26,3 stig á tveimur veðurathug-
unarstöðvum, á Egilsstaðaflugvelli
29. júní og Torfum í Eyjafjarð-
arsveit 1. júlí.
Bylgjan sumarið 2008 náði há-
marki 30. júlí, þegar hitinn á Þing-
völlum fór í 29,7 stig. sisi@mbl.is
Tólf daga
hitabylgja
á landinu
Slíkar bylgjur eru
fremur óalgengar
AÐ sögn Gunnars Pálssonar er
reiknað með að búið verði að lesta
prammann í dag. Síðan þarf að
sjóða tankana fasta við prammann
og festa annan búnað kyrfilega.
Tankarnir munu standa uppréttir í
prammanum og því mikilvægt að
festa þá vel. Allur farmurinn er tal-
inn vega 500-600 tonn.
Að sögn Gunnars er vegalengdin
til Vopnafjarðar nokkurn veginn sú
sama, hvort sem farið er norður
eða suður fyrir landið. Það verður
ákvörðun skipstjóra dráttarbáts-
ins, hvor leiðin verður valin. Það
fer eftir veðri og straumum. Veð-
urspáin er mjög hagstæð.
Dráttarbáturinn siglir 6 sjómílur
á klukkustund og er áætlað að
ferðin taki um tvo sólarhringa.
Vegna sumarleyfa hefst vinna við
að setja upp tanka og búnað á
Vopnafirði ekki fyrr en um miðjan
ágúst. Áætlað er að því verki verði
lokið í febrúar n.k., eða um það
leyti sem loðnuvertíð hefst.
Risafarmur sem vegur 500-600 tonn
SKÁTAR í Skátafélaginu Ægisbú-
um hefja á morgun fimm daga hjóla-
ferð yfir Sprengisand til minningar
um félaga sinn, Bjarna Pál Krist-
jánsson, en hann lést fyrir ári eftir
hetjulega baráttu við krabbamein
aðeins tvítugur að aldri.
Bjarni Páll var afar virkur í skáta-
starfinu og hann átti sér þann draum
að hjóla yfir Sprengisand. Ætlaði
hann að láta verða af því þegar hann
hefði sigrast á veikindum sínum og
hann átti auðvelt með að hrífa aðra
með sér.
Hópurinn, 26 manns á aldrinum 16
til 49 ára, leggur af stað á morgun í
Hrauneyjum en leiðin, sem þá tekur
við, er næstum 270 km löng og eftir
ósléttum fjallvegum. Ráðgert er að
ljúka ferðinni í Dimmumborgum 15.
júlí, réttu ári eftir andlát Bjarna.
Gist verður í tjaldi allan tímann eins
og skáta er siður.
Í kvöld kl. 20 mun hópurinn leggja
lokahönd á undirbúninginn, setja
hjól í kerrur og þess háttar og verð-
ur þá hægt að hitta á leiðangurs-
menn í Ægisbúð, skátaheimili Æg-
isbúa, Neshaga 3 í Vesturbæ
Reykjavíkur.
Yfir Sprengisand í minningu vinar
KARL Sigurbjörnsson, biskup Ís-
lands, fór efst í Hallgrímskirkju-
turn í blíðskaparveðri í gær. Þar
blessaði biskupinn krossinn og þá
sem hafa unnið að endurbótum á
múrklæðningu turnsins.
Starfsmenn Ístaks eru byrjaðir
að setja ljósleitan múr utan á turn-
inn. Vonast er til að síðustu pall-
arnir verði fjarlægðir í október eða
nóvember.
Biskup sagðist vona að næsta
kynslóð þyrfti ekki að hafa áhyggj-
ur af múrskemmdum í turninum og
þakkaði þeim sem þar hafa unnið
gott starf. Hann bætti því við í hálf-
kæringi að helst hefði hann viljað
bregða sér alveg upp á krossinn en
blaut múrhúðin kom í veg fyrir allt
klifur. dagur@mbl.is
Morgunblaðið/Jakob Fannar
Biskup blessar kross-
inn í hæstu hæðum
Biskup í hæðstu hæðum
mbl.is | SJÓNVARP