Morgunblaðið - 29.10.2009, Blaðsíða 1

F I M M T U D A G U R 2 9. O K T Ó B E R 2 0 0 9
STOFNAÐ 1913
293. tölublað
97. árgangur
Landsprent ehf.
MBL.IS
Morgunblaðið
hvar sem er
hvenær sem er
95
ára
mbl.is
«LOSANGELES
TRÖLLI STELUR
JÓLUNUM AF STEFÁNI
«NETLEIKHÚS
LEIKIÐ YFIR
HÖF OG LÖND
STARRAR, sem eru auðþekktir á sínum oddhvassa goggi,
skræku söngrödd og doppum á búknum, hófu sig til flugs á
Seltjarnarnesi í gær og voru í stóru geri, enda félagslyndir
fuglar. Eðli sínu samkvæmt flugu starrarnir beint og blökuðu
vængjum hratt rétt eins og máltækið segir að tíminn sé fugl
sem fljúgi hratt. Starrinn, sem sést um allan heim, hóf varp á
Íslandi á Höfn í Hornafirði upp úr 1940 en í kringum 1960 í
Reykjavík og þaðan hefur varpið breiðst út, en kjörlendi
starrans er þéttbýli og nágrenni sveitabæja.
TÍMINN OG STARRINN ERU FUGLAR SEM FLJÚGA HRATT
Morgunblaðið/Ómar
Félagslyndir fuglar og auðþekktir á oddhvössum goggi og doppum á búknum
Eftir Önund Pál Ragnarsson
onundur@mbl.is
GJALDEYRISVARAFORÐINN, lánið frá Alþjóða-
gjaldeyrissjóðnum og nágrannalöndunum, verður ekki
eingöngu notaður til að styðja við gengi krónunnar held-
ur einnig til að tryggja greiðslugetu ríkissjóðs á næstu
árum. Þetta kom fram á blaðamannafundi í gær með
Gylfa Magnússyni, efnahags- og viðskiptaráðherra, í til-
efni af fyrstu endurskoðun áætlunar Íslands og AGS,
sem var samþykkt í stjórn sjóðsins í gær. Afborganir rík-
isins á lánum á næstu árum verða þungar. Upphaflega
var talað um að ekki þyrfti að nota gjaldeyrisvaraforðann
heldur væri nóg að eiga hann á reikningi til að auka tiltrú
á íslenskan efnahag og fjármálakerfi.
Þörf fyrir forða miðuð við komandi gjalddaga
Spurður um það í hvað lánin yrðu notuð sagði Gylfi að
búið væri að áætla fjárþörf ríkisins til allmargra ára. Hún
fælist meðal annars í því að fjármagna hallann á rík-
issjóði á næstu árum. „Ríkissjóður hefur þegar tekið lán
sem þarf að endurgreiða, sérstaklega á árinu 2011. Síðan
eru ýmsir aðrir liðir sem ríkið þarf að geta staðið skil á.
Forðinn eða þörfin fyrir forða var reiknuð út frá þessum
stærðum,“ sagði Gylfi.
Á fundinum í gær talaði Gylfi einnig um hóflega notk-
un varaforðans til að styrkja gengi krónunnar samfara
afnámi gjaldeyrishafta. Fyrstu skrefin í því verða stigin á
næstu dögum, á morgun eða á mánudag líklega. Gylfi tók
fram að gengisstöðugleiki væri enn meginmarkmið pen-
ingastefnunnar, innan fljótandi gengisfyrirkomulags.
„Til framtíðar er þess vænst að hin víðtæka stefnuáætlun
sem við höfum gert styrki gengi krónunnar og gjaldeyr-
isvaraforðann. Með þessu móti yrði til aukið svigrúm til
að lækka stýrivexti og afnema gjaldeyrishöft í áföngum,“
sagði Gylfi.
„Ég er ánægður og feginn, enda búinn að bíða lengi
eftir þessu,“ segir Steingrímur J. Sigfússon fjármálaráð-
herra um fyrstu endurskoðun á efnahagsáætlun Íslands
með Alþjóðagjaldeyrissjóðnum. Með endurskoðuninni
fær Seðlabankinn aðgang að andvirði tæplega 100 millj-
arða króna til að styrkja gjaldeyrisforða sinn. Annars
vegar 167,5 milljónum Bandaríkjadala frá AGS og hins
vegar 625 milljónum dala frá nágrannalöndunum. „Þetta
er tvímælalaust jákvætt innlegg í það samhengi,“ segir
Steingrímur um hugsanlega stýrivaxtalækkun í kjölfarið.
Vegna þeirrar seinkunar sem varð á þessari endurskoð-
un framlengist áætlunin með AGS til maí 2011.
Nota forðann í
afborganir lána
 Andvirði 100 ma.kr. bætist í gjaldeyrisforða Seðlabankans
 Notað í afborganir á næstu árum, sérstaklega á árinu 2011
» Næsta endurskoðun í desember.
» Erlend skuld 310% af landsframl.
» Hrein skuld 60% af landsframl.
VEÐURSPÁIN er ekki álitleg fyrir
þær þrjú þúsund rjúpnaskyttur sem
halda til veiða um helgina. Spáð er
hita, skýjuðu og rigningu um mest-
allt land, en skást er útlitið þó á
Norðausturlandi.
Sem fyrr verður lögreglan með
eftirlit, þótt fjárhagurinn leyfi ekki
mikil ferðalög þetta árið. Lögreglan
á Húsavík hefur nú þegar haft fregn-
ir af mönnum sem hafa þjófstartað
veiðum, en ekki haft uppi á þeim.
„Við keyrum á helstu veiðistaði og
ræðum við þá sem verða á vegi okk-
ar,“ segir varðstjóri. Athugað er með
skotvopnaréttindi og veiðileyfi en
brot á reglum geta leitt til sekta,
sviptingar á leyfum og haldlagningar
á skotvopnum og bráð. | 8
Morgunblaðið/Sverrir
Rignir á
skyttur?
Gruna menn um
að hafa þjófstartað
Margt bendir til að hagkerfi heims-
ins séu að rísa úr öskustónni eftir
fjármálakreppuna. Hafa miklar
væntingar skapast í helstu kaup-
höllum heims. Ekki er þó útilokað
að um svikalogn sé að ræða og að
önnur niðursveifla sé handan við
hornið.
Viðskipti
Annað efnahags-
hrun yfirvofandi?
Viðskiptabankarnir; Kaupþing, Ís-
landsbanki, Landsbankinn og MP
banki, uppfylla ekki reglur Fjár-
málaeftirlitsins um stórar áhættu-
skuldbindingar fjármálafyrirtækja
þar sem stærstu skuldbindingar
nema meira en 25% eiginfjár.
Uppfylla ekki
skilyrði FME