Organistablaðið - 01.12.1977, Side 18

Eitt enn.
í 2. tbl. 1977 birtist grein eftir Martin H. FriSriksson um kirkju-
tónlistarmenntun í Þýskalandi. í greininni stendur: ,,í flestum auka-
greinum voru sömu kröfur gerðar til okkar og nemenda er lögðu
stund á tónsmíðar og hljómsveitarstjórn. Lokaprófið veitti okkur
réttindi sem organleikari, píanókennari, kórstjórnandi og fl.“. Hér
er um þrennt að ræða, misskilning hjá mér, missögn hjá Martin eða
staðreyndabrengl. Námsefni kirkjutónlistarnema í þýskum og austur-
rískum tónlistarháskólum og námsefni hljómsveitarstjóranema í sömu
skólum er gjörólíkt. T fyrsta lagi eru aðalkennararnir í þessum deild-
um ekki þeir sömu, kenna enda sitt hvort fagið. í kirkjutónlistar-
deild er, hvað stjórn viðvíkur, eingöngu lögð stund á kirkjutónlist
með það fyrir augum að viðkomandi sé fær um að stjórna flutningi
sígildra kirkjulegra tónverka. Hljómsveitarstjórnarnemendur (Kapell-
meisterklasse) koma ekki nálægt þessari grein tónlistarnámsins. Verk-
efni þar eru mjög ólík og allt annars eðlis, þ. e. svokölluð sinfónísk
tónlist ásamt óperum. Hér er um mjög ólíka kennsluaðferð að ræða
í þessum tveim deildum, sem ég ógjarnan vil fara út í að skýra nán-
ar, en þeir vita sem til þekkja. Aukanámsgreinar í þessum tveim
fögum eru einnig mjög óskyldar utan þær sem allir tónlistarnem-
endur verða að gegnumganga og vafasamt er að kalla aukanámsgrein-
ar. Mér finnst nauðsynlegt að leiðrétta þessi skrif M. H. F. vegna
þeirra sem hugsa til náms erlendis, til þess að þeir standi ekki í þeirri
meiningu að þeir séu staddir í hljósveitarstjóranámi ef þeir hafa
látið skrá sig í kirkjutónlistardeild, né heldur að ef þeir eru skráðir
í „Kapellmeisterklasse“ séu þeir að læra námsefni kirkjutónlistar-
deildar.
Ragnar Björnsson.
18 ORGANISTABLAÐIÐ