Organistablaðið - 01.12.1977, Blaðsíða 21

Organistablaðið - 01.12.1977, Blaðsíða 21
Þegar fram liðu stundir fækkaði fundum í Kaupangskirkju. Urðu þá ýmsir til þess að bjóða félaginu húsnæði til æfinga án endurgjalds. Var nú komið saman til æfinga að Garðsá, Ytra-hóli og víðar. Vorið 1882 fluttist Ari Jónsson með fjölskyldu sína búferlum frá Víðigerði að Þverá ytri, en það er yzti bærinn á Staðarbyggð. Kona hans hét Rósa Bjarnadóttir. Voru þau hjón bæði mjög félagslynd, gestrisin og góðgerðasöm. Þau unnu af alhug allri framfaraviðleitni, bæði verklegri og andlegri. Þrjú elztu börn þeirra, Jón, Bjarni og Elín, voru þá að mestu uppkomin. Voru þau hin mannvænlegustu og ekki eftirbátar foreldra sinna í neinu. Brátt varð góður kunningsskapur milli heimilanna Þramar og Þverár. Var Þverárfjölskyldan listhneígð og söngelsk. Leit hún söng- félagið brátt hýru auga, og félaginu varð fljótt ljóst, að á Þverá var kostur góðs liðsauka. I fyrstu var svo til ætlazt, að félagssvæðið væri aðeins Kaupangssókn. En þó að Þverá tilheyrði Munkaþverár- sókn, lét enginn það á sig fá. Hitt var verra, að áin, sem greindi sóknirnar sundur (Þveráin), var nokkur farartálmi, því að hún var þá óbrúuð. Það fór þó svo, að Þverársystkinin gerðust félagar, og varð heimili þeirra upp frá því einn sterkasti þátturinn í sönglífi sveitarinnar. Kirkjusókn þaðan var styttri að Kaupangi en Munka- þverá, og sótti því Þverár-fólk aðallega Kaupangskirkju. Aðstaða félagsins breyttist nú að ýmsu. Þegar hér var komið, var ætíð opið hús fyrir söngæfingarnar í Þverárstofunni, og voru við- tökur jafnan eins og komið væri í foreldrahús. Sigtryggur hafði lengi haft hug á því að byrja hvern söngfund með því að syngja ljóð, sem sérstaklega væri til þess gert. Ari tók að sér að yrkja ljóðið, og var það upp frá því sungið með röddum í byrjun hvers fundar. Það var á þessa leið: Helgi söngva hljómur, Nú skal gleði glæða hjartans fagra mál, glaumur hörpunnar, æðri heima ómur, lyfti hug til hæða unað veittu sál. heim í fegurðar, Þér af heilum huga veki æðsta yndi, helgum þessa stund, ást til skaparans, það skal bölið buga, er oss blíðu bindi bægja sorg úr lund. bandi kærleikans. ORGANISTABLAÐIR 21

x

Organistablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Organistablaðið
https://timarit.is/publication/787

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.