Organistablaðið - 01.04.1991, Blaðsíða 20

Organistablaðið - 01.04.1991, Blaðsíða 20
Fráritnefnd Ritnefnd Organistablaðsins fór þess á leit viö skrifstofu embættis Söngmálastjóra Þjóðkirkjunnar, aö hringt yröi í alla söngmálafulltrúa embættisins og þeir beönir um aö koma fréttum til blaösins um hvað væri að gerast og hvað væri framundan í þeirra umdæmum. Þær fréttir sem hér birtast eru árangurinn af þeim hringingum. Það eru vinsamleg tilmæli til organista að þeir sendi blaðinu fréttir af starfi við sínar kirkjur, einnig hvað er framundan. Áhugi er fyrir því hjá okkur að birta lista yfir hvaða tónleikar og tónlistarviðburðir eru í uppsiglingu í kirkjum landsins. Allar dagsetningar fram í tímann verða að sjálfsögðu birtar með venjulegum fyrirvara. Einnig má senda þessar upplýsingar til söngmálafulltrúa prófastsdæmanna og biðja þá að koma þeim til okkar. Það eru vinsamleg tilmæli að söngmálafulltrúarnir séu vakandi fyrir starfi innan sinna umdæma og séu duglegir að senda okkur fréttir. Næsta tölublað Organistablaðsins kemur væntanlega út í maí í vor og 3. tölublað ársins í nóvember. Útgáfutími blaðsins er bundinn í lögum F.Í.O. Móttaka er þegar hafin fyrir efni í 2. tölublað 1991. Vinsamlegast hafið samband við Jón Ólaf eða Smára. Fréttirfrá Neskaupsstaö Á hvítasunnu 1990 stóð kirkjukórinn í Neskaupsstað fyrir tónleikum ásamt fleirum, þar sem hann flutti Missa Brevis í B-dúr eftir J. Haydn undir stjórn Ágústar Ármanns, orgelleikara, einsöngvari var Margrét Bóasdóttir. Undirleik annaðist lítil hljómsveit, en hana skipuðu Gilljan Haworth Ross á óbó, Charles Ross á fiðlu, Örnólfur Kristjánsson á celló, Guðjón Þorláksson á kontrabassa og Robert Birchall á orgel. Messa þessi var endurflutt á 90 ára afmæli Eskifjarðarkirkju í september. Kirkjukórar Reyðarfjarðar, Eskifjarðar og Neskaupstaðar stóðu saman að tónleikahaldi um síðustu aðventu í kirkjum sínum þar sem sungin var aðallega ensk og bandarísk jóla- og aðventutónlist, auk alþekktra íslenskra aðventusálma. Stjórnandi var Ágúst Ármann. Undirleikarar 20 ORGANISTABLAÐIÐ

x

Organistablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Organistablaðið
https://timarit.is/publication/787

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.