Skólablaðið - 01.03.1958, Síða 28

r
- 148 -
efnis frá felagsins hálfu og telur fundurinn
hann um það vítaverðan af félaginu. Jafn-
framt lýsir fundurinn yfir þvíj, að gjörist
nokkur til að fremja slíkt gjörræði síðar„
hvort heldur Gunnar Benediktsson, eða
annar, skuli hann skilyrðislaust rækur ur
félaginu." Undir tillögunni stóðu þessi
nöfn : Árni Sigurðsson, Magnús Magnus-
son, Kristján Albertsson, Valtýr Blöndal
og Stefán J. Stefánsson.
Gunnar Benediktsson staðfesti frásögn
Sigurðar Grímssonar í öllum höfuðatriðum.
Kvaðst hann eigi hafa gengið að þessu
verki í neinu bráðæði eða að óhugsuðu máli,
heldur hafi hann æfinlega haft opin augu
fyrir því, að það sem hann gerði hefði ver-
ið glæpur gegn félaginu. En eftir að Sig.
Gr. hafi verið buinn að gefa það til kynna,
að hið umrædda kvæði væri brennimark á
kvæðabók félagsins, hefði hann heldur
kjörið að drýgja þennan glæp, en að vita
lengur af því í bókinni. Hann kvaðst verða
að taka meira tillit til orða Sig. Gr. , ,en
hvers annars einstaks manns, þar sem
hann væri af félaginu kjörinn til þess að
hafa aðalumsjón með bókmenntum þess.
En þó mættu orð hans um þetta sín sér-
staklega mikið sökum þess, að hann væri
sá maður, sem nærði "Huldu” manna
mest og tilfinning hans fyrir bókinni bæri
því frekar að taka til greina, en annara,
þó hann ætti ekki meiri lagalegan eignar-
rétt en aðrir. Kvaðst hann frekast hafa
buist við að þetta mál endaði með burt-
rekstri sakamannsins - og þó tillaga sú,
sem fram hefði komið yrði samþykkt,
kvaðst hann líta á hana sem burtrekstur,
sökum þess, að þar væri það skýrt tekið
fram, að ef slíkt kæmi fyrir oftar, varðaði
það burtrekstri. Hann sagðist alls ekki
vilja að menn álitu, að það bæri að fara
vægar í sakirnar að þessu sinni af því að
þetta væri í fyrsta skipti að slíkt kæmi
fyrir, því. það hefði ætíð verið sér Ijóst,
að slíkum verknaði yrði eigi hegnt á annan
hátt en með burtrekstri, nema í tildrögum
hans lægi eitthvað það, er gæti réttlætt
hann, og sem gæti þá eins komið fyrir
seinna. Heldur kvaðst hann alls ekki vilja
það, að félagið tæki vægar á þessu sökum
þess að hann hefði starfað innan þess, eins
og hann hefði heyrt suma félagsmenn segja
að rétt væri. Sagði hann, að sér hefði þótt
það allt of Ijótur blettur á dómstól þjóðar-
innar, að þaðan hefði oft hærri stjettar
menn farið með væga dóma, þegar jafnsek-
ir almúgamenn hefðu sætt þeim hörðum.
Þvínæst var borin upp tillaga sú, sem
Stefán Stefánsson las upp, og var hún
feld með 16 : 15 atkvæðum.
Síðan kom frá Joni Árnasyni og Birni
Þórólfssyni svohljóðandi tillaga :
"Sökum verðleika Gunnars Benediktsson-
ar, sem ágæts félagsmanns og sökum
þess að þetta er í fyrsta sinn á vorum
dögum, sem blöð eru rifin úr bókum fé-
lagsins, þá lætur félagið mál þetta niður
falla. En jafnframt lýsir fundurinn því
yfir, að komi svipað brot fyrir aftur, skuli
það varða brottrekstri. "
Gunnar Benediktsson sagðist munu
segja sig úr félaginu, hvort sem þessi til-
laga yrði samþykkt eða ekki, og tóku því
flutningsmenn hennar hana aftur.
Kristján Albertsson fékk þvínæst orðið
og benti á, að félagið ætti að halda fram
rétti sínum og hika eigi þó hótað væri úr-
sögn; sagði hann að eins og málinu væri
nú komið fyndist sér félagið vera farið að
beygja sig fyrir einstaklingum, í stað
þess að einstaklingurinn ætti að beygja
sig fyrir því.
Þá kom fram svohljóðandi tillaga frá
Vilhjálmi Þorsteinssyni: "Fundurinn
verður að halda fast við eignarrétt alls
félagsins á bókum þess og lýsir óánægju
sinni yfir framkomu Gunnars Benedikts-
sonar, án þess að leggja nokkurn dóm a
deiluatriði hans og einstakra félaga.
(Síðan var bætt við till. og hún þannig
samþykkt: ) Komi slíkt fyrir aftur varðar
það burtrekstri úr félaginu. "
Þessi tillaga var samþykkt með öllum
þorra atkvæða.
Loks lýsti Gunnar yfir því að hann segði
sig úr félaginu, árnaði því allra heilla og
kvað sér hafa líkað samvinnan vel, þó
ekki gæti hann af ósamþykni við nokkra
einstaklinga þess haldið áfram að vera
félagsmaður. -
Annað gjörðist ekki.
Fundi slitið.
11. FUNDUR
Framt. var settur og haldinn á venjul.
stað og stund sunnud. 16. apríl og stýrði
honum form. fjel.
Fundargerð síðasta fundar lesin og
samþykt.