SunnudagsMogginn - 29.08.2010, Blaðsíða 21

29. ágúst 2010 21
H
eimildamyndin Future Of Hope sem fram-
leidd er af Heather Millard og leikstýrt af
Henry Bateman verður frumsýnd þann
fyrsta september næstkomandi. Myndinni er
ætlað að veita nýja sýn á hrunið og sýna hvernig það geti
einnig haft jákvæðar breytingar á íslenskt samfélag.
Hvernig datt ensku kvikmyndatökuliði í hug að búa
til heimildamynd um Ísland?
„Hugmyndin að Future of Hope kviknaði í janúar-
byrjun 2009 eftir að við höfðum lesið ótal blaðagreinar í
Englandi um hrunið á Íslandi. Sú grein sem stóð hvað
mest upp úr beindi mun jákvæðara ljósi á hrunið en hin-
ar. Í henni var greint frá því hvernig Íslendingar hafa áð-
ur staðið af sér erfiða tíma og náð aftur sínu striki. Upp úr
þessu hugsuðum við með okkur að kannski væru bresku
blöðin ekki að segja alla sólarsöguna um hrunið og eftir-
köst þess. Því ákváðum við að fara í rannsóknarferð til Ís-
lands í mars í fyrra og hitta þar fullt af fólki af ólíkum
sviðum samfélagsins. Í þessari heimsókn hittum við fyrir
mun jákvæðari þjóð en okkur hafði verið talin trú um í
fjölmiðlum að byggi á Íslandi og hittum fólk sem trúði því
að hrunið gæti líka reynst frábært tækifæri. Eftir ferðina
snerum við aftur til Englands og fórum að grúska betur í
þessum málum og undirbúa gerð heimildamyndar. Með-
al þess sem við gerðum var að skoða heimildamyndir um
Ísland sem framleiddar höfðu verið í öðrum löndum og
sáum að í meirihluta þeirra var sett fram mjög stöðluð
sýn á landið þar sem framleiðendur höfðu ekki haft fyrir
því að kafa dýpra í sögu Íslands og íslenska menningu.
Við ákváðum því að fara á bólakaf í þetta verkefni og
fluttum til Íslands sumarið 2009 til að kynnast landi og
þjóð vel. Síðan þá höfum við búið hérlendis og myndin
hefur heldur betur undið upp á sig. Til að byrja með stóðu
tveir breskir kvikmyndagerðarmenn á bak við gerðina en
nú hefur gengið til liðs við okkur áhugasamt teymi Ís-
lendinga sem samanstendur af Bigga Hilmarssyni, El-
isabetu Ronaldsdottur, Gunnari Steini Úlfarssyni, Her-
berti Sveinbjörnssyni, Steinþóri Birgissyni, Unu
Lorenzen og kvikmyndagerðarfyrirtækinu Kukl ehf.,“
segir Heather.
Boðið í mat og gistingu
Heather segir að til að byrja með hafi þau verið dálítið
áhyggjufull yfir því hvernig bresku kvikmyndateymi yrði
tekið á Íslandi en slíkar áhyggjur hafi fljótlega horfið út í
veður og vind. Hún segir að það hafi komið þeim þægi-
lega á óvart hversu vel þeim var tekið af Íslendingum sem
buðu þeim inn á heimili sín í mat og jafnvel gistingu. Þó
hafi stuðningur þeirra Íslendinga sem að myndinni komu
örugglega haft mikið að segja og auðveldað þeim að
sannfæra fólk um að þau væru í raun að búa til jákvæða
kvikmynd um Ísland. „Ég get vel skilið að fólk sé vantrú-
að eftir allt sem á undan er gengið en okkur mætti engin
fjandsemi og var einfaldlega tekið opnum örmum. Eftir
því sem lengra leið á gerð myndarinnar og það spurðist út
að við værum á ferðinni fór fólk líka að kannast við okkur
og þar með að treysta okkur betur. Hefðum við ekki eytt
síðastliðnu ári á Íslandi efast ég stórlega um að okkur
hefði tekist jafn vel að fanga sögurnar og ná til viðmæl-
enda okkar og raun ber vitni,“ segir Heather.
Nú er titillinn Future of Hope sannarlega upplífgandi
en segir hann til um niðurstöður kvikmyndarinnar?
„Ég vil ekki uppljóstra endinum en kvikmyndin er
sannarlega jákvæð heimildamynd um Ísland og ég vona
að hún verði Íslendingum enn meiri innblástur til fram-
fara, svo og alþjóðlegum áhorfendum innblástur til að
tileinka sér þann jákvæða hugsunarhátt þors og vilja sem
okkur finnst tíðkast á Íslandi. Í titlinum Future of Hope
eru undirliggjandi skilaboð kvikmyndarinnar um þjóð
sem er full vonar og tækifæra en hún sýnir hvernig Ís-
lendingar byggja nú á þessum eiginleikum á sjálfbærari
hátt. Aðalatriðið er að hér er ekki um að ræða heimilda-
mynd um hrunið heldur jákvætt viðhorf til sjálfbærs lífs-
stíls í gegnum lífrænan landbúnað, viðskipti, nýsköpun,
endurnýjanlega orku og hvernig við getum þróað áfram
og aðlagað frekar sjálfbærar aðferðir til að yfirstíga erfið-
leika, svo og að vernda og varðveita náttúrulega fegurð
Íslands. Ekki er dvalið við hvað fór úrskeiðis eða hverjum
er hægt að kenna um heldur einblínt á að sýna jákvæðar
hliðar hrunsins sem tækifæri fyrir Ísland til að umbreyt-
ast í sjálfbærari þjóð. Við settum okkur líka það markmið
frá upphafi að búa til öðruvísi mynd þar sem allir sem að
henni kæmu fengju að láta til sín taka og fylgja myndinni
frá upphafi til enda,“ segir Heather.
Vonar að Íslendingar verði stoltir
Heather segist vona að Íslendingar njóti kvikmyndarinn-
ar og ef einn einstaklingur geti lært eitthvað af henni eða
fengið nýja hugmynd þá sé tilganginum náð. Aðstand-
endur Future of Hope séu þó alveg jafn taugaóstyrkir og
allir þeir sem séu við það að frumsýna kvikmynd og jafn-
vel aðeins meira en gengur og gerist þar sem þau séu ut-
anaðkomandi. „Við vonum að Íslendingar verði stoltir af
myndinni núna og í framtíðinni og að hún geti líka vakið
von meðal fólks. Við fengum til liðs við okkur frábært
fólk sem við vonumst til að íslenska þjóðin geti sam-
samað sig við og brugðist við því sem þau segja á jákvæð-
an hátt,“ segir Heather en meðal þeirra sem fram koma
má nefna; Vigdísi Finnbogadóttur, Andra Snæ Magnason,
Ómar Ragnarsson, Guðjón Má Guðjónsson og Kristínu
Völu Ragnarsdóttur. Kvikmyndin hefur þegar vakið at-
hygli fyrir utan landsteinana í Nýja-Sjálandi, Kanada,
Noregi, Hollandi og Japan og viðræður eru hafnar um að
sýna Future of Hope í þessum löndum í komandi framtíð.
Framtíð
vonarinnar
Heimildamyndin
Future of Hope gefur
nýja og jákvæðari
sýn á Ísland og Ís-
lendinga eftir hrunið.
María Ólafsdóttir maria@mbl.is
Tökulið við upptökur á Future Of Hope á útsýnispalli Perlunnar.Heather Millard vildi sýna hvernig hrun-
ið hefur hvatt til sjálfbærari lífstíls.
Upptökur fóru fram
víða og voru viðmæl-
endur af ólíkum toga.
’
Ekki er dvalið við það sem fór
úrskeiðis eða hverjum er hægt
að kenna um heldur einblínt á
að sýna jákvæðar hliðar hrunsins
sem tækifæri fyrir Ísland til að um-
breytast í sjálfbærari þjóð.