SunnudagsMogginn - 29.08.2010, Blaðsíða 33

29. ágúst 2010 33
fólk til að hittast með börn og bendir á að
það sé ekki hægt að vera í Fjölskyldu- og
húsdýragarðinum á hverjum degi.
Barnamenning í hversdeginum
„Það er tekið á móti þér alls staðar en þú
ert ekkert endilega velkominn. Þegar
barnið fer að láta heyra í sér eins og börn
jafnan gera finnurðu að tíminn rennur út
og ætlast er til þess að þú farir. Barna-
menning finnst mér ekki áberandi á Ís-
landi fyrir utan hátíðir og sérstaka við-
burði.“
Lára rak tískuverslunina Moods of
Norway ásamt Villý og Henrý og var á
þeim tíma með ungbarn. „Ég stóð við
gluggann og sá fólk labba upp og niður
Laugaveginn með barnavagn og hugsaði:
Hvert eru þau að fara?“ segir hún en
henni fannst þörfum sínum ekki mætt í
miðbænum. „Miðbærinn er ekki bara
fyrir keðjureykjandi, latté-lepjandi
trefla,“ segir hún og bendir á að margt
ungt fjölskyldufólk sé búsett á miðbæjar-
svæðinu. „Af hverju eru ekki leiktæki á
Hjartatorginu á Hljómalindarreitnum?“
nefnir hún sem dæmi.
Þannig kom hugmyndin að Fjallkon-
ubakaríinu upp, eitthvað sem margir
hafa áreiðalega hugsað en Lára fram-
kvæmir.
„Ég vil gera eitthvað sem ég hef ástríðu
og eldmóð fyrir. Ef þú gerir hlutina með
hjartanu skilar það sér, fólk finnur það.
Hver einasta pensilstroka hérna inni er
frá hjartanu. Þetta er hugsjónaverkefni.
Við getum talað mikið um hvernig við
viljum breyta hlutunum og hafa þá í
framtíðinni en breytingin byrjar heima
hjá okkur sjálfum,“ segir Lára. Hún er
opin fyrir ábendingum og vill að kaffi-
húsið breytist með gestunum. „Fólkið
sem sækir staðinn á ekki að aðlagast
okkur heldur ætlum við að aðlagast því.“
Ebba Guðný Guðmundsdóttir gerir
matseðilinn fyrir kaffihúsið en hún er
þekkt fyrir bókina Hvað á ég að gefa
barninu mínu að borða? og matreiðslu-
námskeið tengd henni.
„Hér verður í boði matur fyrir börn frá
sex mánaða aldri og verður áherslan á
lífrænan mat.“ Matseðlinum verður skipt
upp eftir aldri og verður, eins og í öðru
hjá kaffihúsinu, áhersla lögð á að mæta
þörfum barnanna.
Vill fá pabbana á kaffihúsið
Mömmuklúbbar eru boðnir velkomnir og
að sjálfsögðu líka feður með börnin sín.
„Mér finnst hrikalegt að lesa fréttir af því
að feður séu að taka minna fæðingarorlof
en áður. Ég vil bjóða pabbana sérstaklega
velkomna hingað.“
Eitt er að fá hugmynd að því að stofna
fjölskylduvænt kaffihús, annað að fram-
kvæma hana. „Maður þarf bara að gera,
ekki að hugsa of mikið. Auðvitað efast ég
og fæ bakþanka en um leið og það gerist
fæ ég tíu styrkingar úr umhverfinu á
móti.“
Hún segist oft sofna með fiðring í mag-
anum og það þyrmi yfir hana á morgn-
ana. „Við erum ekki með mikið ráðstöf-
unarfé, notum það sem við eigum og
gerum allt sem við getum sjálf,“ segir
hún en vinnan er mikil. „Svo þegar líður
á daginn verður þetta alltaf jafn
skemmtilegt, fólk er að banka upp á og
spyr hvernær verði opnað og segist hafa
verið að bíða eftir einhverju svona.“
Hún er vön sjálfstæðum versl-
unarrekstri og segir hann hafa verið
skemmtilegan. „Reksturinn var orðinn
þungur en tímasetningin var óheppileg,“
segir hún en verslunin Moods of Norway
var opnuð í maí 2008.
„Við hefðum getað haldið áfram en það
hefði kostað miklar fórnir. Tilhugsunin
um að þurfa að byrja aftur upp á nýtt var
samt erfið.“
Lára segir að það viti allir sem hana
þekki að ef hún ætli sér að gera eitthvað
þá geri hún það og ekkert þýði að tala um
fyrir henni.
Lærir með því að gera
„Ég missti mömmu mína úr brjósta-
krabbameini fyrir átta árum en hún var
þá fertug. Mamma og pabbi voru þá skil-
in en ég á tvö yngri systkini. Ég var orðin
mamma og uppalandi stuttu eftir ferm-
ingu. Ég hef alltaf verið ótrúlega sjálfstæð
og gert hlutina á minn eigin hátt því ég
hef ekki haft neina skynsemisrödd til að
stoppa mig og hef þurft að læra með því
að gera hlutina sjálf.“
Hún segist engu hafa að tapa nema
veraldlegum hlutum en hún sé „ekkert
sérstaklega föst við þá. Ég veit að þetta
verður erfitt og mikil vinna en þetta á
eftir að gefa mér og öðrum svo miklu
meira.“
Hún tekur einlægni borgarstjórans á
Facebook sér til fyrirmyndar. „Já, ég er
að stofna fyrirtæki, sem á sér ekki for-
dæmi á Íslandi, og ég er skíthrædd. Ég
ætla samt að gera þetta, þetta verður
ekki fullkomið en gestirnir ætla að hjálpa
mér að gera þetta fullkomið. Það er mín
hugsjón.“
Morgunblaðið/Ernir
Í Fjallkonubakaríinu verður lögð áhersla á að koma til móts við börnin.
’
Ég vil gera eitthvað
sem ég hef ástríðu og
eldmóð fyrir. Ef þú
gerir hlutina með hjartanu
skilar það sér, fólk finnur
það. Hver einasta pens-
ilstroka hérna inni er frá
hjartanu. Þetta er hug-
sjónaverkefni.
Auk þess að vera með góða leikaðstöðu og annað í kringum börn verður heil-
mikil dagskrá í Fjallkonubakaríinu.
„Á hverjum degi verður einhver dagskrá, sögustund, söngvastund, lista-
smiðja eða eitthvað tengt bakstri og eldamennsku sem foreldrar og börn geta
gert saman,“ segir hún en fyrirhugað er að dagskráin taki hálftíma og verða 350
eða 500 krónur teknar fyrir þátttökuna og rennur hluti af gjaldinu til Barna-
spítala Hringsins.
„Við ætlum líka að vera með lengri námskeið og fyrirlesta. Við verðum með
spænskunámskeið fyrir 6-16 ára krakka, sem Pilar Concheiro Coello kennir en
hún er með meistaragráðu í kennslu spænsku sem annars tungumáls.“
Einnig ætlar Lára að standa fyrir matreiðslunámskeiðum fyrir börn frá
tveggja ára aldri. „Mín reynsla er sú að ef börn fá að taka þátt í framleiðslunni
eru þau vísari til að borða matinn.“
Líka er á dagskrá að halda fjármálanámskeið fyrir börn frá fermingu og annað
námskeið um einelti.
Saumanámskeið er einnig í bígerð en kennari á því verður Sigrún Bald-
ursdóttir, sem þekkt er fyrir vörumerkið Lykkjufall, sem leggur áherslu á
brjóstagjafafatnað og barnaföt. Sigrún lokaði nýverið verslun sinni við Lauga-
veg en verður þess í stað með vörur sínar til sölu á kaffihúsinu.
Einnig er stefnan að reka veitingaþjónustu fyrir barnaafmæli þar sem for-
eldrum gefst kostur á að kaupa hollar afmæliskökur.
Í kjallaranum er líka fjölnota rými sem má nota fyrir krakkajóga eða krakka-
bíó. Hópar geta líka bókað rýmið til dæmis gegn því að panta hádegisverð-
artilboð, eitthvað sem gæti hentað mömmuhópum vel til að fá að vera í friði.
Ennfremur er stefnan að reka barnagæslu þarna, ekki síst í kringum jóla-
verslunina á Laugaveginum í desember.
Sögustund og
spænskunámskeið