Morgunblaðið - 18.02.2010, Qupperneq 12

12 FréttirINNLENT
MORGUNBLAÐIÐ FIMMTUDAGUR 18. FEBRÚAR 2010
Láttu þér líða vel í sófa frá Patta
226.710
kr
Opið : Mánud. - Föstud. frá 9 til 18 og Laugard. frá 11 til 16
Patti húsgögn
Landsins mesta úrval af sófasettum
Dugguvogi 2 / s: 557 9510 / www.patti.is
JP Lögmenn · Höfðatorgi, 105 Reykjavík · Austurvegi 6, 800 Selfoss
s. 588-5200 · fax 588-5210 · jp@jp.is · www.jp.is
SECURITAS HF. - SÖLUFERLI
JP Lögmönnum hefur verið falið að annast formlegt ferli sem lýtur að sölu á
Securitas hf.
Securitas hf. starfar á sviði öryggisgæslu og veitir einstaklingum og fyrirtækjum
þjónustu á sviði öryggismála.
Söluferlið, sem hefst formlega með birtingu þessarar auglýsingar, er opið öllum
fjárfestum sem uppfylla skilyrði þess að geta talist fagfjárfestar samkvæmt
lögum nr. 108, 2007 um verðbréfaviðskipti, einstaklingum sem hafa verulegan
fjárhagslegan styrk og viðeigandi þekkingu, auk fjárfesta sem geta sýnt fram á
eiginfjárstöðu sem nemur 300 milljónum króna eða meira eða fjármögnunar-
vilyrði frá fjármálastofnun sem metið er fullnægjandi af seljanda. Áskilinn er réttur
til að takmarka aðgang að söluferlinu í þeim tilvikum þegar fyrir hendi eru lagalegar
takmarkanir á því að fjárfestir eignist félagið, t.a.m. vegna samkeppnisreglna.
Áhugasömum fjárfestum ber að undirrita trúnaðaryfirlýsingu, auk þess sem
þeim ber að leggja fram upplýsingar og gögn til staðfestingar á að þeir uppfylli
ofangreindar kröfur og skilyrði. Unnt er að nálgast trúnaðaryfirlýsingu og
upplýsingablað til útfyllingar á vefsíðu JP Lögmanna, jp.is/securitas. Gögnum ber
að skila undirrituðum á skrifstofu JP Lögmanna að 16. hæð Höfðatorgs, 105
Reykjavík og á rafrænu formi á netfangið soluferli@jp.is frá 19. febrúar til
klukkan 12.00 þann 25. febrúar.
Að afhentum ofangreindum upplýsingum fá fjárfestar afhent sölugögn um
félagið, en þau verða afhent frá 22. febrúar til klukkan 16.00 þann 25. febrúar á
skrifstofu JP Lögmanna.
Óskuldbindandi tilboðum skal skilað á skrifstofu JP Lögmanna fyrir klukkan 14.00
þann 26. febrúar í lokuðu umslagi merkt „Söluferli Securitas“. Þeim fjárfestum
sem leggja fram hæstu tilboðin og geta sýnt fram á fjárhagslega burði til að
standa við þau verður boðið til áframhaldandi þátttöku í söluferlinu og veittur
kostur á að framkvæma áreiðanleikakönnun á félaginu.
Nánari upplýsingar um söluferlið má nálgast á vefsíðunni jp.is/securitas en
einnig má senda fyrirspurnir á póstfangið soluferli@jp.is.
VIÐBYGGING gjörgæsludeildar á
Landspítala Hringbraut var form-
lega tekin í notkun í gær. Gjörgæslu-
deildin við Hringbraut er í „gamla
spítala“ sem byggður var árið 1930,
en deildin var orðin alltof lítil miðað
við umfang starfseminnar.
Heilbrigðismálaráðherra heim-
ilaði í árslok 2007 sérstaka 40 millj-
óna króna fjárveitingu til viðbygg-
ingarinnar. Fyrirtækið K16 ehf.
annaðist framkvæmdir.
Með tilkomu viðbyggingarinnar
hefur gjörgæsludeildin stækkað
verulega; úr 250 fermetrum í um
350 fermetra, og þykir vel hafa tek-
ist til, segir á heimasíðu spítalans.
Við stækkunina var legurýmum
fjölgað úr 9 í 11, og að auki er eitt
vararými. Einnig var hægt að
stækka nokkur sjúkrarýmanna og
margvíslegar aðrar endurbætur
voru gerðar.
Krabbameinsdeildin fékk neðri
hæð viðbyggingarinnar en hún bíð-
ur innréttingar. Byrjað var að nota
gjörgæsluhluta viðbyggingarinnar í
miðjum svínaflensufaraldri.
Þörf fyrir gjörgæslumeðferð hef-
ur vaxið undanfarin ár. Ástæður eru
vaxandi mannfjöldi, hækkandi aldur
og auknar tækniframfarir, bæði í
gjörgæslu svo og öðrum sérgreinum
læknisfræðinnar.
Bætt aðstaða gjörgæsludeildar
Eftir Birki Fanndal Haraldsson
Mývatnssveit | Ísinn á Mývatni hefur átt frekar erfitt
uppdráttar í vetur. Umhleypingasöm veðrátta hefur
veikt hann á stundum og stórar eyður þá myndast. Þessu
hefur fylgt töluvert ísrek og átök í fjörum þar sem ís
mætir landi. Ef sandfjara er verða til sandhryggir, þeim
fjölgar í tímans rás og verða að sérkennilegu landslagi.
Mývetningar nefna það fyrirbrigði bárugarða. Einhver
stærsta báran við vatnið heitir Belgjarbára, myndin sýn-
ir hvernig ísinn hefur ruðst þar upp í fjöru og ýtt sand-
inum á undan sér.
Morgunblaðið/Birkir Fanndal
Efnað í bárugarð á Belgjarbáru
Eftir Sigurð Boga Sævarsson
og Guðmund Sv. Hermannsson
HELMINGUR stjórnenda fyrir-
tækja í landinu telur skattabreyt-
ingar stjórnvalda leiða til þess að
þeir þurfi að fækka starfsfólki sínu
á komandi misserum. Þetta kom
fram í ræðu Tómasar Más Sigurðs-
sonar, formanns Viðskiptaráðs, á
Viðskiptaþingi í gær.
Hann vitnaði í þessu efni til
könnunar sem Viðskiptaráð lét
gera og segir niðurstöðuna sýna að
skattastefna stjórnvalda muni skila
þveröfugri niðurstöðu en ætlað sé
og hrekja burt fjármagn og verð-
mætt vinnuafl. „Ef endanlegt
markmið stjórnvalda er að verja
lífskjör í landinu verða þau að sýna
meiri framsýni í skattastefnu
sinni,“ sagði Tómas Már.
Formaður Viðskiptaráðs segir að
í stað þeirra gagngeru breytinga í
skattamálum, sem nýlega komu til
framkvæmda, hefðu stjórnvöld átt
að setja sér einfalt markmið um að
engir nýir skattar yrðu lagðir á.
Með því væri hinsvegar ekki úti-
lokað að stjórnvöld auki skatt-
tekjur með skattahækkunum á fyr-
irliggjandi stofnum. Þá ættu
stjórnvöld að leggja mun ríkari
áherslu á hagræðingu í ríkisrekstr-
inum.
Opinber útþensla illa hamin
„Viðskiptaráð hefur ítrekað bent
á hversu illa hefur tekist að hemja
útþenslu hins opinbera á undan-
förnum árum. Á síðasta áratug
hafa útgjöld ríkissjóðs vaxið um
50% að raungildi. Á sama tíma hef-
ur ríkisstarfsmönnum fjölgað um
30%, starfsfólki í opinberri stjórn-
sýslu um 55% en störfum á al-
mennum vinnumarkaði hefur ein-
ungis fjölgað um 3%,“ segir Tómas
Már sem telur íslenskt samfélag og
hagkerfi hafa allt sem þarf til að
skapa grundvöll góðra lífskjara.
Þrátt fyrir að skaði heimila, at-
vinnulífs og ríkissjóðs af efnahags-
hruninu sé umtalsverður séu bjarg-
ræðin til staðar. „Við viljum
tryggja að Ísland verði ekki ein-
göngu dæmisaga um það hvað beri
að varast, heldur einnig dæmi um
það hvernig megi vinna sig hratt
og vel úr jafn umfangsmiklu efna-
hagsáfalli og við er að glíma.“
Stuðning til að standast ágang
Jóhanna Sigurðardóttir forsætis-
ráðherra sagði í ræðu sinni á Við-
skiptaþingi að ekki yrði undan því
vikist að ríkið tæki á sig stærri
hlut við að koma efnahagslífinu á
kjöl að nýju. Þá þurfi að reka ríkið
og stofnanir þess á einfaldari og
ódýrari hátt en nú er gert.
„Óspart er skorið niður í opin-
berum rekstri. Á tveimur árum
mun halli ríkissjóðs fara úr rúmum
200 milljörðum í tæpa 100 millj-
arða. Það verður því að nást árang-
ur í sameiningu ráðuneyta og
stofnana og verkefna og endur-
skoðun á starfsemi hins opinbera ef
okkur á að takast að knýja fram
einfaldari og betri rekstur,“ sagði
Jóhanna. Hún vitnaði í skýrslu
Viðskiptaráðs, sem lá fyrir þinginu,
þar sem segir að stærsta áskorun
stjórnmálamanna sé að standast
ágang þrýstihópa og láta heildar-
hagsmuni ráða för við ráðstöfun
fjármuna.
„Þetta eru orð í tíma töluð þegar
við sjáum volduga hagsmunahópa
rísa upp á afturlappirnar og gera
hróp að stjórnvöldum gegnum aug-
lýsingastofur, fjölmiðla og áróðurs-
herferðir. Þá er vissulega nauðsyn
að hafa sterk bein og vonandi fáum
við stuðning Viðskiptaráðs til þess
að standast áganginn.“
Stjórnvöld sýni fram-
sýni í skattastefnu
 Rekum ríkið ódýrar, sagði forsætisráðherra á Viðskiptaþingi
Tómas Már
Sigurðsson.
Jóhanna
Sigurðardóttir
Tæplega 60% forsvarsmanna ís-
lenskra fyrirtækja telja hags-
munum íslensks viðskiptalífs
betur borgið utan ESB. Þetta
kemur fram í könnun sem Capa-
cent Gallup gerði fyrir Við-
skiptaráð og var kynnt á Við-
skiptaþingi í gær. Einungis 31%
aðspurðra töldu að íslensku við-
skiptalífi væri betur borgið innan
ESB.
Þessi afstaða gegn aðild að
ESB er talsvert önnur en fram
kom í könnun sem Viðskiptaráð
lét gera fyrir Viðskiptaþingið
2009. Þá var meirihluti hlynntur
aðild og taldi hana hafa jákvæð
áhrif.
Þegar spurt var um afstöðu at-
vinnurekenda til krónunnar kvað
þar við annan tón. Þannig töldu
forsvarsmenn um 51% fyrirtækja
að viðskiptalífinu væri betur
borgið með annan gjaldmiðil, en
37% aðspurðra töldu heillavæn-
legast að halda sig við krónuna.
Viðskiptaráð segir að ef niður-
stöður þessara tveggja spurninga
séu bornar saman komi í ljós að
stjórnendur 90% fyrirtækja sem
telja viðskiptalífinu mikið betur
borgið innan ESB telja því að
sama skapi betur borgið með
annan gjaldmiðil. Þessar niður-
stöður gefi ásamt öðru til kynna
að atvinnurekendur sem horfa til
kosta ESB séu að miklu leyti að
horfa til evrunnar.
Minni stuðningur við ESB-umsókn en fyrir ári