SunnudagsMogginn - 06.02.2011, Síða 8

8 6. febrúar 2011
Af mergjuðum mið-
herjapörum úr sögu
Liverpool minna Car-
roll og Suárez fljótt á
litið mest á Kevin
Keegan og John Tos-
hack. Litli og stóri.
Úrúgvæinn er að vísu
ekki með smæstu
mönnum (181 cm) en
við hlið Carrolls (191
cm) er hann ekki mik-
ill fyrir mann að sjá.
Keegan og Toshack, sem léku
saman hjá Liverpool frá 1971-77,
vógu hvor annan frábærlega upp.
Annar firnasterkur í loftinu en
hinn þreifst best í sverðinum.
Hversu mörg mörk lögðu þeir upp
hvor fyrir annan? Átt þú þær tölur,
Arngrímur Baldursson?
Vinsælt var að bera Toshack og
Keegan saman við fræg tvíeyki úr
sögunni, lífseigust var samlíking
hins rómaða sparktímarits Shoot,
Leðurblökumaðurinn og Robin.
Dreif blaðið þá kumpána meira að
segja í fræga myndatöku í gerv-
um. Ætli Carroll og Suárez séu
ekki meira svona Butch Cassidy
og The Sundance Kid.
Butch og Sundance?
John ToshackKevin Keegan
H
unt og St. John. Keegan og Toshack.
Dalglish og Rush. Aldridge og Bear-
dsley. Fowler og Owen. Þau eru ófá
framherjapörin sem gert hafa garðinn
frægan á Anfield gegnum tíðina. Þá var Fernando
Torres þegar best lét ígildi tveggja manna. Guð
allsherjar forði mér undan reiði Rauða hersins
fyrir að nefna þann auma Júdas á nafn!
Eftir að innkaupadeildin á Anfield gekk bók-
staflega af göflunum á mánudaginn var Liverpool
skyndilega komið með glænýtt par framherja
tveimur mínútum fyrir miðnætti. Úrúgvæjann
Luis Suárez og Englendinginn Andy Carroll. Hlut-
verk þeirra verður að leysa téðan Torres af hólmi.
Suárez, 24 ára, tók þegar til óspilltra málanna,
hafði ekki verið inn á vellinum í margar mínútur í
sínum fyrsta leik, gegn Stoke City, í vikunni þegar
tuðran lá í netinu. Andy Wilkinson, leikmaður
gestanna, gekk þar raunar í milli en Úrúgvæinn
fær markið líklega fært á sína ferilskrá þar sem
knötturinn var á leið í markið.
Suárez fagnaði eins og hann hefði aldrei skorað
áður. Sú er þó ekki raunin. Kappinn gerði 111
mörk í 159 leikjum á þremur og hálfu ári fyrir
Ajax í Hollandi, þar af 49 mörk í 48 leikjum á lið-
inni leiktíð. Það eru geggjaðar tölur.
Beit mótherja í öxlina
Það er fleira geggjað í fari Suárez. Árla á Ajax-
ferlinum var honum legið á hálsi fyrir grófan leik
og fyrr á þessari sparktíð gerði kappinn sér lítið
fyrir og beit Otman Bakkal, leikmann PSV, í öxl-
ina eftir að ágreiningur reis þeirra í millum í leik.
Hlaut Suárez sjö leikja bann að launum. Þá er
varsla hans með hendinni í leik Úrúgvæ og Gana á
HM síðastliðið sumar alræmd en hún skilaði þjóð
hans á endanum í undanúrslit mótsins. Sá gjörn-
ingur er til marks um sigurvilja Suárez, hann læt-
ur einskis ófreistað til að hafa betur í leikjum.
Ekki veitir Liverpool af slíkum hugsjónamönnum
á þessum síðustu og verstu.
Burtséð frá þessu hefur Suárez margsýnt að
hann er frábær knattspyrnumaður. Útsjón-
arsamur, mjúkur í móttökunni, skytta góð og lús-
iðinn. Svolítill Carlos Tévez. 22,8 milljónum sterl-
ingspunda hefur að líkindum verið vel varið.
35 milljónir punda fyrir Andy Carroll, 22 ára,
eru meiri áhætta. Miðherjinn stæðilegi, sem kom
frá Newcastle United, er sannarlega með athygl-
isverðari leikmönnum sem fram hafa komið í
Englandi á liðnum misserum en hann hefur aðeins
leikið 49 leiki í efstu deild. Gert í þeim 14 mörk.
Menn væta ekki brækur sínar yfir þeirri tölfræði.
Á móti kemur að Carroll er rétt að byrja. Hann
er gamla gerðin af miðherja, stór, sterkur og lag-
aður til loftárása. Kevin Keegan hefur til að
mynda látið hafa eftir sér að Carroll sé í hópi
þriggja fremstu kollspyrna sem hann hafi augum
litið. Og er Keegan eldri en tvævetur. Nú ríður
bara á að Carroll haldi að sér höndum utan vallar.
Bið verður á því að Carroll klæðist rauðu treyj-
unni, hann á við meiðsli að stríða, en afar fróðlegt
verður að sjá hann stilla sér upp við hlið Luis
Suárez í framlínu Liverpool. Hvort tvíeykið fer
síðar meir á blað með þeim mönnum sem nefndir
voru hér í upphafi mun tíminn hins vegar skera
úr um.
Bíta
og slá
frá sér
Nýtt par fram-
herja á Anfield
Kóngurinn og kanónurnar. Kenny Dalglish býður Andy Carroll og Luis Suárez velkomna á Anfield í byrjun vikunnar.
Reuters
Vikuspegill
Orri Páll Ormarsson orri@mbl.is
Rau›arárstígur 14 · sími 551 0400 · www.myndlist.is
Gallerí Fold · þekkt fyrir trausta þjónustu
Louisa
M
atthíasdóttir
Á uppboðinu er úrval góðra verka,
meðal annars fjölmörg verk gömlu meistaranna
Verkin verða sýnd:
sunnud. 12–17, mánud. 10–17 (öll verk)
þriðjud. kl. 10–17
(verkin sem ekki eru boðin upp á mánudag)
Hægt er að skoða
uppboðsskrána
á myndlist.is
Listmunauppboð
í Galleríi Fold
fer fram mánudaginn og þriðjudaginn
7. og 8. febrúar, kl. 18 báða dagana
í Galleríi Fold, á Rauðarárstíg