SunnudagsMogginn - 09.01.2011, Blaðsíða 12

12 9. janúar 2011
Miðvikudagur
Sigurjón Egilsson
Vaknaði snemma og
fór út að ganga.
Hugsaði mikið, er
þakklátur. Í dag er
merkisdagur í mínu lífi, hef í dag
fengið að vera án áfengis í 14 ár.
Elísabet Indra
Ragnarsdóttir
úr heimi pósitívist-
anna berast merkar
vísindalegar nið-
urstöður: „Vansvefta fólk lítur oft
út fyrir að vera þreytt.“
Fimmtudagur
Lilja Mósesdóttir Í
lýðræðisríki fá ólík
sjónarmið að koma
fram og fólk ræðir
sig til niðurstöðu um
ákveðnar lausnir. Hótanir um að
reka fólk úr liði til að þurfa ekki að
takast á við gagnrýna hugsun er
merki um að þeir sem eru við völd
ráða ekki við verkefnið. Skoð-
anakúgun leiðir til samfélags-
hruns! Það þekkjum við Íslend-
ingar af biturri reynslu.
Eyrún Magn-
úsdóttir „ég langar
svo vera söngvari
mamma“ … 2ja ára
gutti strax kominn
með framtíðardrauma.
Fésbók
vikunnar flett
Ég verð að játa að ég fylgist ekkigrannt með handboltaliðumannarra þjóða en þykist viss umað Frakkar og Þjóðverjar
séu til að mynda mjög góðir, Svíar eru
að koma sterkir upp og Danir eru líka
góðir. En rökin fyrir því að Íslendingar
verða ekki heimsmeistarar í handbolta
eru þau að lykilmenn okkar hafa verið
meiddir og eru því ekki í nægilega góðri
leikæfingu. Þetta er langt og strangt mót
og árangurinn ræðst mikið af því hvort
lykilmenn komast heilir í gegnum mótið.
Íslenska landsliðið hefur staðið sig
mjög vel á síðustu tveimur mótum og
mun standa sig vel á þessu móti – en
heimsmeistarar verða íslensku strákarnir
ekki. Frískari fætur annarra stórvelda
munu slá okkar menn út að þessu sinni.
Það vantar breidd í íslenska liðið vegna
meiðsla lykilmanna.
Guðmundur þjálfari er vinur minn og
er að gera frábæra hluti; hann hefur
breytt ákveðinni nálgun – hefur verið að
færa handboltann úr keppni í öskrum í
hálfleik yfir í vísindi. Þetta er ekki bara að
gerast í handboltanum heldur íþróttum
almennt og skiptir miklu máli. Fólk virð-
ist stundum halda að það skipti mestu
máli að þjálfarinn öskri sem hæst í hálf-
leik og segi mönnum hve mikilvægt sé að
berjast, en leikmenn sitja stundum eftir
og vita ekkert hvað hann var að meina!
Gummi nálgast verkefnið hins vegar út
frá greiningu og þeim vísindum sem
íþróttir eru.
Ég held að styrkleiki Guðmundar liggi
að miklu leyti í því að hann er góður í að
ná mönnum niður á jörðina og tel að það
þurfi núna. Mér finnst ég skynja miklar
væntingar, svipað og þegar Íslendingar
tóku fyrst þátt í Söngvakeppni evrópskra
sjónvarpsstöðva 1986. Menn þurfa að
passa sig á að falla ekki í Gleðibankagryfj-
una!
Ég óska strákunum auðvitað alls hins
besta í átökunum og ég er viss um að þeir
verða sjálfum sér, fjölskyldum sínum og
þjóðinni til sóma.
Drifkraftur landsliðsins kemur frá
Hlíðarenda, við Valsmenn vitum hve sá
kraftur er mikilvægur, hann á eftir að
reynast liðinu drjúgur á ögurstundu en
verður þó ekki nægjanlega mikill að
þessu sinni til þess að okkar menn hampi
titlinum.
MÓTI
Svali
Björgvinsson
fv. kennari í
íþróttasálfræði
Ef allt gengur upp hjá íslenskaliðinu í Svíþjóð á það vissulegamöguleika. Liðið hefur sýnt ogsannað að það er með þeim
allra bestu; við megum ekki gleyma að í
liðinu eru eintómir atvinnumenn og ef
allir ná að blómstra geta þeir jafnvel orðið
meistarar.
Veikleiki okkar er að nokkrir sterkustu
menn liðsins hafa ekki verið að sýna sitt
besta undanfarið; til dæmis Ólafur Stef-
ánsson, Snorri Steinn og Björgvin Gúst-
avsson, og Guðjón Valur hefur verið lengi
frá vegna meiðsla. Róbert Gunnarsson
spilar mjög lítið með sínu liði þannig að
ýmis spurningarmerki eru vissulega á
lofti. Þetta óttast ég mest í aðdraganda
mótsins, en ég ítreka að ef allir springa út
getum við farið alla leið.
Ég held að miklar væntingar séu alveg
raunhæfar. Þær minnkuðu vegna leikja
liðsins í undankeppninni enda lék liðið
ekki vel þá, en ég held að ástæða þess hafi
meðal annars verið sú að ákveðin sig-
urþreyta var komin í liðið. Menn voru
orðnir dálítið saddir eftir að hafa gert
stórkostlega hluti og voru ekki eins
mótiveraðir og áður. En ég held að það
verði okkur bara til góðs á mótinu.
Þegar við höfum spilað best hefur
markvarslan verið frábær, vörnin hefur
verið frábær, hraðaupphlaupin frábær og
sóknarleikurinn gríðarlega góður. Þessir
þættir verða allir að vera í lagi til þess að
liðið vinni til verðlauna. Allt gekk þetta
100% upp á Ólympíuleikunum og glimr-
andi vel á Evrópumótinu þar sem það var
stórkostlegur árangur að ná þriðja sæti.
Þá er lykilatriði að stemningin í liðinu sé
góð, eins og á undanförnum stórmótum
og ég er sannfærður um að strákarnir ná
að kalla fram sömu stemningu.
Sigurstranglegustu liðin á HM eru
Frakkar, Króatar, Þjóðverjar, Danir og
Pólverjar, auk Íslendinga. Við erum í
sama styrkleikaflokki og þessar þjóðir
sem er auðvitað stórkostlegt.
Ég er ekki að segja við þjóðina að við
verðum heimsmeistarar – ég segi hins
vegar að við getum það. En ég bið þjóðina
að anda með nefinu!
Ég held líka að landsliðsþjálfarinn sé
dálítið þreyttur eftir törn með Rhein-
Neckar Löwen og ráðlegg honum að sofa
vel á nóttunni svo hann geti einbeitt sér
vel að leikjunum.
MEÐ
Viggó
Sigurðsson
fyrrverandi
landsliðsþjálfari
Geta Íslendingar orðið
heimsmeistarar?
Ég er ekki að segja við
þjóðina að við verðum
heimsmeistarar –
ég segi hins vegar að
við getum það
Frískari fætur annarra
stórvelda munu slá okkar
menn út að þessu sinni.